【小一叩門準備2023】話說仲有一個月時間就公布小一派位結果，早喺4月時已經見到某啲區小學出咗收生通知，而我哋所在嘅區份都有學校可以交表，可以話係直接打亂咗我無部署之中嘅部署。
小一叩門準備2023｜以為製作Portfolio好簡易
實不相瞞，深媽一向都係較為臨急抱佛腳嘅一員，雖然一直都知點都要做個Portfolio出嚟，卻又遲遲未起手，點知竟然有學校已經開始收表，唯有死死地氣開始製作起嚟。由第一日知道要做個人小檔案開始，我已經打算使用Canva呢個設計小幫手，心想都是和大人見工CV差不多方式，應該都會易於處理，點知一起手就知道錯，原來呢個小朋友個人檔案入面要放甚麼內容才是最苦惱。
展示實力 要預留足夠時間儲料
以為只要3-4頁小檔案，一兩天應該可以解決，可是內容上需要周全思考，亦要儲備足夠展示小朋友實力的資料，都需要一點時間。內容上，小朋友喜好、興趣，當然需要寫上，但究竟父母的資料又是否需要？只有學過沒有得到甚麼成績的興趣班又需唔需要寫？小朋友日常鐘意去公園玩定鐘意閱讀？
選擇放入甚麼資料要經一大輪篩選
這一切一切都好似要花點時間去思考，當然，有些家長為了入好學校或者要考直資私小，一早已為小朋友報了十個八個證書課程，但同時又有聽過有小朋友沒有甚麼證書，沒有報過甚麼興趣班，卻又成功叩門入到區內Top 1學校，結果喺選擇放入甚麼資料時，都經過一大輪篩選，時間當然又加長了。
參考前人例子再加入自己最合適內容
至於個人小檔案要做幾多頁呢？這就關乎各位要去見的學校有沒有指引，基本上我見有些學校只收3-4頁，或者因為我沒有看名私直資學校，我見到有些網上搜尋得到的Portfolio Sample大概有6-8頁左右，相信各位家長可以視乎個人需要以及學校要求來做一份最合適的檔案。
展示親子生活親密度＋學術程度
一般我見到網上可以找到的Reference，會有學生的資料，現時就讀學校資料、興趣、專長等。有些家長亦會放一些家庭生活照，用以展示親子生活的親密程度，家長與小朋友日常放假會做甚麼等，有些人可能會加入小朋友的畫作、功課、證書，甚或一些獎項等，這些相信都是學校有機會可以用作參考小朋友的學術程度吧。
期望Portfolio可以收起不用
我都仍然未選定要加甚麼到深深的個人小檔案之中，各位讀者有沒有一些必加選項推介？當然我都祝大家做完這份小檔案完全用不著，因為若然在派位階段已經入到理想學校，就完全不用再受小一叩門的煎熬，這份檔案就可以收起不用。
更多親子教育及親子好去處內容
作者簡介：深媽是一名雙職媽媽，曾任職傳媒行業，做過副刊親子、教育、家居、健康、寵物版記者，現時日頭是專業Digital Marketing人，放工返到屋企即變身成「湊仔戰士」，同屋企一隻即將4歲的跳跳紮兒子搏鬥。攰，但相信不少媽媽都同我一樣樂在其中！
免責聲明：本網頁所有專欄作者的觀點，不代表本媒體立場。
