【樓市走勢】讀者來信：Anthony Sir你好，一直有留意你的專欄，講得好好啊！想請教吓，最近有親戚想換樓，但放盤一段時間都沒有甚麼回音，同時又見到附近的新盤熱賣，是不是代理集中推新盤，沒照顧到二手呢？
回覆讀者來信：很多代理不願做二手
是的！最近確實聽很多朋友投訴，很多代理不願做二手！上星期我們做過一場LIVE講疫後樓市新常態，這是其中一個現象，有興趣可以到我們的YouTube頻道睇番。
分享兩個學員真實經歷
由於發展商去年下半年幾乎沒有賣樓，積壓了不少貨尾，各大代理行總動員推新盤，所以你會見到為甚麼一手人山人海，多多都賣晒，但二手就相對較靜。今次不講太多大道理，先分享兩個學員的真實經歷：
1. 屯門不思議事件：消失的鎖匙盤
有位港漂學員到屯門搵樓…由於預算不多，只有四五百萬，需要買兩房才夠住，於是到屯門市中心搵二手屋苑，看近期成交，時代廣場、屯門市廣場等都有選擇。豈料到了其中一間大行，代理跟他說…
…屯門市廣場、時代廣場好舊啦，唔升架！
…最近好少業主放盤，冇樓睇喎，價錢又貴，唔抵買架！
…附近有個全新盤，價錢仲平，環境仲靚，我車你去睇丫！
經相熟代理才搵到心水筍盤
學員上過課，睇樓前已做了準備功夫，屯門市中心幾個屋苑那麼大，怎可能沒有放盤？不但有放盤，而且價錢挺便宜呢，幾經堅持，找了兩三家代理行，終於有代理帶他睇了幾間，都是一些景觀較差，裝修較殘的，一路睇，一路勸他抽新盤。後來透過我們介紹的相熟代理，學員才搵到心水筍盤，高層靚景，低過銀行估價一成多…
2. 奧運不思議事件：精神分裂病毒蔓延
又有位較資深的學員，手上已經有好幾層樓了，他想放售其中一間，套現之餘也可以空出一個家人名額換樓，他計劃放售的是奧運站旁的半新樓利奧坊。放售前，他先落區做功課，扮演買家落區睇樓，看看行情，也看看有那些代理銷售比較積極，可以委以重任。
積極地產代理兩日前稱樓市反彈推買樓
他遇到兩位很積極的代理，向他落力推銷利奧坊最新一期貨尾…
…而家通晒關，經濟復常，樓市反彈得好快呀！
…高鐵重開，高鐵上蓋嚟緊又有幾幢超級商廈，好多人嚟搶呀！
…而家最新一期貨尾好抵呀，6百尾就買到一房，買到就賺到！
兩日後指樓市靜 想業主劈價賣樓
兩日後，學員整理好資料，就找代理放盤，包括以上兩位，放盤價只是6百，比新盤平近一球，誰知兩位代理態度竟然180度改變…
…最新樓市好靜呀！雖然話通咗關，個個去晒旅行，買家未返嚟！
…個個發展商都劈價賣樓，或者你再平啲？
…(學員) 早兩日我同朋友落嚟睇樓你唔係咁講架喎！
…(學員) 你話通晒關好多人搶，6百尾都好抵，買到就賺到喎！
最後兩名代理被Black List
代理記起原來客戶早兩日嚟睇過樓，無言以對…
當然這兩位代理被Black List，以後有甚麼買賣都不會找他們了！
有些代理唔願做 有些代理唔識做
真人真事！冰山一角！有些代理唔願做，明明客人想搵二手，都推晒去新盤…
有些代理唔識做，一手就講到潛力無限，二手就只懂叫業主減價…
試想想，搵你買嗰陣就話潛力無限，貴一貴都話抵買！搵你賣就話市場好靜，淨係識叫業主減價，仲唔覺得你搵佢笨？咁點搵你幫手？
新人頭買新盤 購買力很快就消耗
對整體樓市，也不健康！試想想，現在有樓市辣招，每人只買一間，若只顧賣新樓，就要不斷搵新人頭，只有1單生意，購買力很快就消耗！加上買新樓的買家，很多時都價要求回佣，賺得幾多？發展商又要成交才俾佣，隨時一兩年後才收錢，這兩年吃西北風？
地產代理兼顧二手 其實賺更多
相反如果能夠兼顧二手，新買家買到單位，舊業主賣到單位，然後再套現套名換樓，這是3單生意，而且即時就可以收到佣金，二手要回佣也不多，其實賺多好多！整個樓市換樓鍊也能啟動，樓市才能健康發展！
更多香港樓市走勢及買樓攻略
作者簡介：1% Anthony（ 第一桶金）、一巴仙（1%）投資培訓學院創辦人，TVB有樓萬事足、BenSir睇樓團II等顧問，多年來協助無數年青人成功上車，無數小業主倍增資產，財務自由！除了住宅，亦活躍於大陸樓、工商廈活化重建等，團隊是市場上最活躍的新晉發展商之一。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
