【親子好去處．親子活動】雨季輕輕的又到來，每逢雨天小朋友可以跑動嘅地方就自然減少，好彩還有一些室內的彈跳樂園、室內遊樂場，可以俾小朋友不用淋雨都有得盡情走動，放一放電。想玩得平啲抵啲，有樂園提供會員優惠，喺會員通訊入面有優惠券，每次使用一張可以減十個代幣，叫做比起付全費好。
親子好去處2023｜親子活動
好似剛剛我和兒子到位於大埔的彈跳迷宮，就用了減十個代幣的優惠，提提大家收費星期一至五係便宜一點，而且會有全日任玩機制，但星期六、日及公眾假期，就不設全日任玩，而每節嘅費用都會比平日貴少少。值得留意嘅係，由於每間樂園嘅價錢有所不同，入面的大小及設施亦不一樣，需要了解自己小朋友是否合適玩，而大家遊玩之前宜先了解收費詳情。
雨天親子活動：彈跳樂園
善用著數優惠 玩得最抵有方法
以大埔為例，星期六、日及公眾假期收費為90個代幣包一大人一小朋友，如果5點後入場就70個代幣，減埋會員通訊內的優惠券十個就60個代幣玩一個鐘，所以我多數都會揀呢個時段去玩，加上呢個時間會比之前時段少人，玩得都會更加開心同安全。
留意清潔時段 中場休息
另外，各位都要留意清潔嘅時段，每節小朋友玩完之後，園方都會設有半小時的清潔及中場休息時間，大家可以喺呢半個鐘嘅清潔時間入定代幣去會員卡，同埋排定隊，以確保小朋友有位置可以入場玩，以免人數過多導致爆滿未能進場，引至小朋友失望而回。
親子好去處｜雨天解悶親子活動
康文署免費室內遊戲室
除咗呢啲需要收費嘅遊樂場之外，其實政府康文署豁下都設有多個室內遊玩室，每個都有不同主題，有某些場地更加是又大又好玩，家長可以因應孩子的年紀、地點去選擇，不過，由於呢啲場地都係免費俾小朋友玩，每一節都會吸引極多小朋友去玩，家長要提早去為小朋友排定隊攞籌，才有機會可以入內玩。
放電好去處 遊玩小貼士
雖然彈跳迷宮、室內遊樂場，都是設在冷氣地方，不過由於走動較多，小朋友出汗機率極高，家長記得帶定手巾、水俾小朋友，而陪同小朋友入場嘅家長都要做好熱身，如果個場大的話，家長本人都係一次極具運動量嘅活動，小啲體力都搞唔掂架！
最後，提提大家記得著襪，因為不論收費還是免費的場地，要入內遊玩都需要除鞋，如果無著襪嘅話就無得進入，無得玩架啦！
更多親子好去處及親子活動內容
- 親子好去處2023｜奧海城5米高巨型滑梯彈跳嘉年華78元親子同行！同場加映：復活節市集＋工作坊
- 親子好去處2023｜近8,000呎Jumptopia復活節彈跳嘉年華：3大巨型充氣城堡最平58元玩25分鐘
作者簡介：深媽是一名雙職媽媽，曾任職傳媒行業，做過副刊親子、教育、家居、健康、寵物版記者，現時日頭是專業Digital Marketing人，放工返到屋企即變身成「湊仔戰士」，同屋企一隻即將4歲的跳跳紮兒子搏鬥。攰，但相信不少媽媽都同我一樣樂在其中！
免責聲明：本網頁所有專欄作者的觀點，不代表本媒體立場。
