【理財個案】40歲讀者月入5萬元,近年上車做業主,又要供樓又要供保險感到十分吃力,投資股票又多數損手離場,到底怎樣做才可以增加額外收入?
理財個案(1)讀者來信:供樓供保險十分吃力
老師你好我今年40歲月入大約$50,000-$70,000。
2020年購入新樓濕地公園455呎單位月供大約$20,000左右,供30年,保險醫療各方面大約$10,000 ,林林總總每月基本開支大約$50,000,流動現金,大約有$200,000,有四五隻名表大約$800,000左右。
點做先有額外回報?
請問我現在怎樣做可以產生額外收入,怎樣投資可以每個月額外可以有更多回報?
因為現在也覺得吃力之前投資股票也損手多。謝謝老師寶貴意見,祝身體健康心想事成
理財個案(1)龔成老師分析︰最起碼每月有一定儲蓄
首先,你要解決2個現存問題:
(1)你每月收入扣除開支後,似乎有時只係剛好打平,這個狀況是不理想。
如要做財富增值,最起碼每月有一定儲蓄才可以有效地進行。現時你要先審視所有支出,盡量將減少不必要開支。
要了解過往損手原因
(2)你要了解翻過往損手原因,是錯買劣質股、買貴貨、還是其他原因。
你要明白我地投資股票,其實等同投資一間企業。希望透過其自然增長,以達至財富增值的目的。
所以,我地投資一定係長線,而唔係短期炒賣,去賺差價。由於係長線計劃,你唔好預期佢對你短期財務上,會有任何幫助。
初期投資較有潛力的股票
反而你處理好問題1,其實已經會令你財務壓力減輕。
我地投資增值會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。
40歲應先以增值為主
你40歲,其實應先以增值為主,而唔係去咁快創做被動現金流。我建議你先用「平穏增長股」 + 「潛力股」作組合,去創造一個增值平台。
現在你每月先用5成儲蓄做月供。其餘先儲起,用一邊月供一邊儲蓄的策略。
你現時無太多投資經驗和知識,潛力股這類風險較高的股票,你就不要持有過多,最多維持2-3成好了,甚至先集中係平穏增長股類。
現有20萬資金可以先投入一半入市
到當你有一定投資知識﹐潛力股比重可以相應調高,佔組合約3-5成,視乎你當時投資知識多寡和了解這些股票程度而定。
現時大市只是合理區中下部,你現有20萬資金可以先投入一半,用「分注」形式,慢慢買貨。餘下一半和每月所儲到的資金,就等大市出現一定程度的下跌,才大力度掃貨,然後長線投資。
理財個案(2)讀者來信:點睇MSFT Microsoft corp?
請問老師怎看MSFT Microsoft corp? 我在想他對OpenAI的chatgpt投資是否有增加它的潛力度?
理財個案(2)龔成老師分析︰投資價值絕對有
微軟公司(MSFT)有一定的質素,佢係極少數,多年來都在全球市值前排位置的企業,因為幾十年間,經濟模式不斷改變,但佢仍是處一個有優勢的地位。
雖然已有一定的規模,但營業額每年仍有增長,投資價值絕對有。
AI未來發展好多不確定性
集團投資的OpenAI人工智能實驗室,近期推出的ChatGPT大受好評,而集團都明言會將技術投入業務當中,相信可以加強本身業務的優勢。
但AI這門技術好新,而且行內對佢未來點發展,其實未有具體方向。而且,不少大型企業已加快相當投入,預期未來競爭會加劇。
由於AI部份未來發展好多不確定性,故暫時不宜因為這個因素,去大幅調整集團估值。
理財個案(3)讀者來信:止蝕還是溝貨?
你好,第一次聯絡老師!
- 想問下9988在$106買了,佔倉比例一半以上 已跌穿$100 應否止蝕 還是再溝貨?
- 不知道美股可唔可以發問!Lcid 這股波動都大 ,短期能上$15嗎?
理財個案(3)龔成老師分析︰用「股價」決定止蝕是錯誤概念
我先糾正你一個錯誤概念,好多散戶都係用「股價」去決定止蝕。
但其實我地投資一隻股票,係希望透過佢長線成長,以達成財富增值目的。所以,短期價格波動唔係重點,反而佢長線質素才是考量。
如果佢長線質素變差,就算現時帳面賺定蝕都要減持。相反,佢質素無變,中短期股價波動唔需要太在意,照持有就可以。
最好每一隻股票佔組合比例在15%以下
只外要提醒翻,你要建立一個平衡的組合,最好每一隻股票佔組合比例在15%以下。
阿里(9988)係業務層面,擁有優勢,不少業務處於壟斷狀態,同時增長理想。加上正不斷發展延伸業務,這都會成為企業增長的潛力,預期增長會持續,這是阿里最大的賣點。
以企業的長期發展計,這股的確優質,但股價都有一定的波動,現價算是合理翻D,但都不是大手時候。
分注投資是較好的方法
始終之前面對內地監管收緊,因此風險度增加左,不過,相信最差的時期已過,同時見到中國政策開始講話重視平台經濟,相信正慢慢好轉。
其實,就算之前政策影響佢賺錢能力,佢的整體優質度仍在,內地不是不想佢賺錢,只是想規管佢。佢已建立好完善的業務,因此本身是無得輸,只是賺多賺少問題,現時監管多左,點都會影響賺錢能力。
對於這類優質、有發展,但存有不確定因素的股票,分注投資是較好的方法,算是平衡了風險與增長的考慮。這股可以長線投資的,現時合理區中下。除非佢佔你組合比重太高,否則無需要減持。
LCID是潛力股
美股同樣可以發問。
Lucid Group Inc(LCID)是潛力股,但在估值上較難,以及股價上落大,這是最大的風險。
佢是近年增長好快的電動車企業,佢旗下的Air Dream Edition Performance 19"車輪的豪華版車,已經獲得美國認證達520英哩續航力,為美國續航力最長的電動車。
這刻只建議小注投資
相信這企業有技術上有一定的優勢,因此潛力度有,但由於估值難,這刻只建議小注投資,買入後可長線。
緊記,真正的投資唔係好似坊間散戶炒炒賣賣去賺差價,而係長線去投資優質企業。
長線企業價值必然反映在股價上
因為中短期股價,可以因為好多因素影響,有些因素甚至跟企業無關,所以無得計。但長線企業價值,必然會反映在股價上,只要長線持有優質股,就自然會有理想回報。
我明白短炒回報好似好快,又好吸引。但你要考慮唔只賺金額多少,同時要考慮勝算。
我以前一開始都係短炒,結果輸多嬴少。到我開始用長線投資,才一直賺錢。
理財個案(4)讀者來信:金界控股咩價錢入好?
老師,有問題想請教一下,3918金界控股我研究左好耐,我想入,依家差研究咩價錢入好啲。
以2022年利潤計,依家pe達30幾倍,當然我知道呢個係極端情況,令利潤大跌所以令pe好高。
如果考慮當地開放邊境,旅客今年增長好多(連政府都預測比舊年增加好多),其實佢個利潤番倍(100%)吾係無可能(2022年同比利潤+170%)。
應該點樣平衡取捨?
如果考慮今年既旅遊復甦,甘預測市盈率又得番15倍左右,合理好多。
我既問題係,雖然我都認同今年利潤會有吾錯增長,但始於吾係100%保證,如果利潤未如理想,甘個價就好貴。
我地應該點樣平衡取捨?
理財個案(4)龔成老師分析:新興市場始終有風險
你在分析時,應該以企業長遠的發展,以及企業「正常的經營環境」作分析,因為之後唔會再有疫情影響,所以疫情當時的不利情況,就不會出現,而你應該以正常經營去分析。金界控股(3918)都有質素的,但始終新興市場,因此點都有風險。
主要業務為經營賭場
主要業務為管理及經營柬埔寨首都金邊持牌賭場。集團獲柬埔寨政府發出賭場牌照授權經營該賭場,於2065年屆滿,至2035年有獨家經營權。
佢於1995年開始經營博彩業務,可利用賭場牌照全年在指定範圍內24小時經營賭場業務,且並無賭場所在位置、賭場規模、賭場經營地區、賭桌數目及博彩種類的限制。
注碼上不能投資得過多
賭場業務於陸上酒店娛樂城NagaWorld,鄰近金邊Sisowath碼頭的河畔地區,提供博彩、娛樂及康樂設施。加上持續發展酒店群、娛樂場所及公寓等。相信長遠對佢仍正面。
但要留意,始終位於新興市場,股價較為波動,不過都有長線投資的價值,分注投資可以。但在注碼上不能投資得過多。
理財個案(5)讀者來信:點睇期指期權
你好老師,你對玩期指期權點睇法?
理財個案(5)龔成老師分析︰唔建議讀者用這類工具
期權是一種合約,你可以在合約到期日或之前,在其指定價格購買或出售相關資產(如股票、商品、債券、貨幣、指數)。
當你支付期權金比賣方,就有權購買或出售合約中的相關資產的決定權。
簡單而言,佢係一種短炒工具,而且有槓桿性,我唔建議讀者用這類工具,作為投資目標。
更多理財個案、投資入門相關內容
作者簡介:龔成(龔成Facebook專頁)是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。
免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。