【理財個案】讀者剛畢業成為一位醫生，沒有時間長期觀察股市走勢且理財知淺薄，希望可以學習理財方法投資累積創業金，開一間屬於自己的診所。
理財個案（1）讀者來信：新入職醫生夢想開診所
龔sir 你好，我係一個畢業無耐嘅新醫生，無咩時間長期望住個市，理財嘅知識好淺薄，但係想學投資慢慢儲資產之後自己開診所，拜讀左您幾本「50選股」嘅著作
暫時打算分配部分儲蓄買收息股（002， 2638， 548， 066， 6823， 1398， 778， 435， 823， 012 平均分配咁)，月供就港股3067， 2846， 美股VTI， VXUS， 請問一下選股上面有無問題（例如應唔應該入埋QQQ BND嗰D）同埋應該點樣分配月供/收息比例？麻煩曬您。
理財個案（1）龔成老師分析︰投資一定係長線
我想先糾正你一個錯誤的投資觀念，我地投資一定係長線，你見全世界最成功的投資人巴菲特，都只會做長線投資，唔會短炒。
因為中短期股價，可以因為好多因素影響，有些因素甚至跟企業無關，所以無得計。但長線企業價值，必然會反映在股價上，只要長線持有優質股，就自然會有理想回報。
毋須經常睇住個股價上落
所以，我地唔會好似坊間散戶咁，經常要睇住個股價上落。反而係投資前，我地要做較多準備功夫，去分析一間企業質素和平貴度，以制定入市策略。
當買入後，只要佢長線質素無明顯轉壞，我地長線持有，讓其自然增值就可以。
建議先集中較具增長力的股票會較好
你上述所講的股票，都有投資價值。不過，我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。
所以，以你年紀，不論是為財務自由，還是儲開診所的資金，都建議先集中較具增長力的股票會較好。
建議你先月供股票
收息唔係唔得，但增長力會較弱，以你這個有能力承擔較高風險的年紀而言，會太保守。但你投資經驗少，建議你先用月供股票(可以平衡你買貴貨風險)，去創建「平穏增長股」 + 「潛力股」作組合。
現在你每月先用5成儲蓄做月供。其餘先儲起，用一邊月供一邊儲蓄的策略。
經驗不多可以先集中在平穏增長股上
但你經驗不多，可以先集中在平穏增長股上(風險度較潛力股低)，甚至先集中再指數ETF(如2800和VOO)都可以。到你有一定知識，才慢慢加入其他具增長力的優質股。至於餘下的現金，就等機會，當大市出現一定程度的下跌，就可以動用現金去投資，在便宜價加大力度掃貨，然後長線投資。
不過，你要明白月供方法雖然能幫助初學者在知識不多情況下，進行有限度的財富增值。但如果你想財富增值能力進一步提升，就必需加強投資知識，提升選股分析和估值能力。令你可以做到因應市況平貴，自行制定入市策略。
理財個案（2）讀者來信：月供銀行股哪一隻較理想
謝謝龔sir講解，如想月供銀行股，中銀、匯豐、渣打、哪一隻較理想呢？
理財個案（2）龔成老師分析︰加息週期令息差拉閱
中銀香港（2388）係本地銀行股裡面，是較有質素的一隻，有長線投資價值。
銀行業雖然無過往咁好賺，但加息週期令息差拉閱，以及經濟漸漸好轉，對佢都有利。可以視為收息及平穩增長股，可以月供。
滙豐（0005）有質素，收息可以，但就要控制注碼，現價合理。
中銀香港整體質素會較爲理想
渣打集團（2888）質素只是一般。
雖然未到劣質，但質素不高，但本地銀行股中，賺錢能力算是較弱。
三者比較，中銀香港（2388）整體質素會較爲理想。
理財個案（3）讀者來信：如何解讀數據？
老師我係你舊生，記得你話分析時要解讀數據，我想問下，比亞迪電子在2019年收入比18年多120億，但系個毛利反而下降2億，盈利下跌6億。配合大環境解讀，全球手機銷售已經過了高峰，再加上疫情使經濟唔好，開始下跌，當中存貨有上升，公司收入上升可能是手機供應商開始平賣手機，使比亞迪電子生意有上升，但系比亞迪電子被其他大型手機供應商（合作夥伴）壓價，毛利有明顯受損，反映公司很受客戶的生意額而受到影響。再加上手機供應商去定價產品價格，自然為了更多收入，會不斷提升產品價格，再加上壓低生產成本，令到比亞迪電子成本上升左，反而成本轉移力低。
咁樣解讀是合理嗎？
理財個案（3）龔成老師分析：影響主要在2020年才出現
疫情影響主要在2020年才出現，2019年主要係受當時中美貿易衝突、手機業低迷(智能手機從高峰期開始下滑)、全球經濟開始弱等因素影響。
另外，集團都大幅加大左研發成本，相信是希望提升競爭力，故都拖低左盈利。
現時全球經濟依然係弱，加上有戰爭等不明朗因素，預中短期集團需求都會較弱。
理財個案（4）讀者來信：退休收息組合
龔老師你好，我打算將以下5隻股票當作收息組合，為將來退休作準備，麻煩你俾少少意思。
- 03988 中國銀行
- 00939 建設銀行
- 00808 泓富產業信託
- 00405 越秀房地產投資信託基金
- 02638 港燈-SS
理財個案（4）龔成老師分析：先增值、後現金流
你組合的5隻股票，都係有質素的收息股，可以作為退休組合的一員，但有幾點想你注意翻。
一、我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。
若你尚有一段長時間才退休，你就應先做好增值，用具增長力優質股去累積財，而非直接買收息股。
銀行股本質上風險係略高
二、銀行股本質上風險係略高，因此組合中銀行類股份，唔好高於組合2成。以下是其他優質收息股，你可以考慮加入組合。
收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）或收息基金(3110)都可以。
如果你能承受到風險，有些更有超過8%、10%的高息股，但股價就略有風險，要自己衡量，佐丹奴國際（0709）、中石化（0386）、互太紡織（1382）、富豪產業（1881）等（記住，股價略波動，只能小注）。
多元化被動收入組合
三、收息股是退休組合的其中一個部份，而非全部。
我建議你都可以考慮在被動收入組合中，加入一些債券(A級)、年金、定息產品，去令佢更多元化。同時間，保留一定現金，以備不時之需。
理財個案（5）讀者來信：分注投資策略
老師，我係你學生，想請教以下問題：
- 咁考慮股票的波動性，係咪可以參考返啤打系數，有冇話幾多啤打系數就每注間分開幾多百分比？
- 以下係分注投資策略請比啲意見：
- 在合理區中至中下最多入到5-6成，堅持留4-5成現金（策略性持有現金）分注方面（時間分注：3-6個月視乎情況）（每注價位相差 10%-15%）
- 合理區中下至低 最多加到7-8成資金，留2-3成便宜區（時間分注：約1 個月視乎情況）（每注價位相差 10% 或以下）
- 便宜區先用哂所有可投資資金（時間分注：約1個月視乎情況）（每注價位相差 5%以下）
理財個案（5）龔成老師分析︰諗未來業務波動性會否出現變化
- 可以，但記得BETA係過去數據，你都要諗未來業務波動性會否出現變化。
- 至於分多少注，無話BETA幾多就分多少。主要睇你資金，如果多就分多幾注，平衡性會高D。
- 但波動性大的股票，每注股價的分隔可以大少少。
- 策略上，大致都可以。但我建議平宜區，每注相距都10%左右，會較穏當。但如果你資金(實數)多，分隔5%都可以。
更多理財個案、投資入門、理財方法相關內容
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
