理財個案｜30歲得5萬元儲蓄｜想靠月供股票10年賺首期買樓

【理財個案】30萬讀者手持5萬元儲蓄，現已月供儲蓄保險8年，希望透過儲蓄及月供股票賺取首期錢，務求10年後上車，尋求投資組合推介。

理財個案（1）讀者來信：30歲得5萬元儲蓄

你好，想問問30歲得5萬儲蓄，另月供緊儲蓄保險已8年，想十年後比到首期買樓，而家開始每月儲蓄5,000元，另外2,000元想買月供股票，有咩組合推介？

不論你置業，還是對未來財富增值，都可以透過累積優質股去達成。

保險主要係買保障，儲蓄保險增值力一般，不太建議買。如果要增值的話，還是交給其他資產類別會更好。但你已供了一定年期，建議你保留，但唔好再係儲蓄保方面加大投入。

如果要10年後有足夠首期買樓，你月供2,000元，以每年平均10%回報計算（連股息再投資），10年之後只有約3X萬元，對你而言未必足夠。

因此，我建議你相同5,000元儲蓄去做增值。每月先用4,000元月供，另外3,000元就儲起，等大跌市機會。

你30歲，建議你用「平穏增長股」＋「潛力股」作組合，去創造一個增值平台。

如果你現時無太多投資經驗和知識，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

至於手上5萬元，你都可以將部份投入股市，其餘保留起，同樣等大跌市出現時，可以用來掃貨。

如要買樓，在買入之前半年至一年就要分注賣出股票套現，以減低價格波動影響。

龔sir，想問下應該點去訂立投資金額？因為其實每個月都應該會草錢，本金會增加，而新手又只係應該投資10-15隻股票，咁既話，咁我投資左果10-15隻股票某個金額就應該停，然後之後啲資金應該做咩好？

你現時剛開始投資，你可以用每個月閒錢，去月供股票。股票數量，你可以睇你每月可用金額和你認識多少股票。但唔建議供得太多，因為會令每隻月供股票的費用比重太高，同時太多股票，你好難定期審視佢地質素變。

100萬以下組合，我建議投資5-10隻就夠了，太多股票會難於打理，同時效果不佳。到超過100萬，可以加大到10-15隻。

每個投資都不是一個獨立的考慮，而是從整體組合出發，每隻投資金額應該以組合的比例來計算。大方向，是個股和個別行業，不要高於組合15%和30%。

至於個別股票比重，你可以按你自己認知和對佢信心去決定，只要長線唔超過15%就得。

另外，我地唔會話供到某個金額就停，只要有質素，比重又唔超標，基本上可以一直供落去。

現時大市在合理區，月供應該用儲蓄的一半去做，餘下資金就等你用一定知識，或者大跌市出現時，才動用。