【理財個案】讀者因健康欠佳，要辭職休養無收入！近月靠親人幫手炒即日鮮維持生計，月賺約1萬元，但有時仍要「食老本」，長此下去怕要賣樓，求理財方法。
理財個案（1）讀者來信：健康欠佳要辭職休養 短炒維生
老師，多謝回覆，其實我因為身體有點問題，所以辭咗職，需要休息一段長時間，所以暫時靠親戚短炒股票維持生活。最近呢兩個月都係靠親人幫手炒即日鮮去維持生計，大概每月一萬收入左右。所以想問下有冇辦法可以長期以炒股票為工作，因為我嘅病唔會短時間內康復到，應該冇辦法可以正常工作，我都好苦惱。
靠炒即日鮮維生不穩陣 怕要賣樓
我冇其他收入，有時候一個星期都賺不到一蚊，就只能用老本，如果用光光，又冇其他方法，我只可以年尾賣咗層樓去生活了...剛剛先替父母申請咗公屋，但超碼10年先會有樓，可能人都死咗了.
理財個案（1）龔成老師分析︰
不建議短炒去維持生計我明白你現時面對一個困難的局面，特別是收入部份令你十分困擾。首先，我不建議短炒去維持生計，因爲不一定賺，而且風險好高。你現時已經無工作，輸掉積蓄的話將更難維持生活。
建議重點持有現金爲主
現時你可以因應資金狀況，若有生活數月資金，建議你現金持有。如果較充裕，可以買入一些收息股，創造現金流，幫補日後生活所需，但重點都是持有現金爲主。
資金較充裕可買入收息股
收息股︰港燈（2638.HK）、香港電訊（6823.HK）、工行（1398.HK）、恒生（0011.HK）、置富（0778.HK）、陽光（0435.HK）、深高速（0548.HK）。收息基金（3110.HK），都可以。
可以考慮逆按揭服務
另外，逆按揭服務你都可以考慮，但不知道你年紀是否符合資格（55歲或以上）。逆按揭又名安老按揭，原理是將你的物業作為抵押品取得貸款，而你就可以每月收到一筆收入，你就能每月收到穩定的現金流，同時，你又可以繼續住在現有的物業裡。
如果本身無後人 逆按揭是可取方法
簡單來說，你們在世時可每月獲取收入，可以終身收取，到過世後，你的物業會被收回物業放售，以對消你的貸款。如果你本身無後人，無特別資產想給其他人，這都是一個可取的方法。
短炒高風險 易進退失據
現時雖然輪候公屋的時間仍然長，但政府將來計劃加大房屋供應，希望情況會得到改善。雖然你當前好似選擇不多，而且都不盡理想。但希望你唔好因為咁樣，就選擇一個最高風險的方法（短炒），令自己有機會更加進退失據。
理財個案（2）讀者來信：有400至500萬、買樓買邊區？
想問買邊區樓好？
銀両有限4-5M
理財個案（2）龔成老師分析︰用呎價＋預期租金回報率比較
除左鄰近商區地段，好似中環、東九、北大嶼(或有變數)外。你都可以留意一些潛力較高地區，好似堅尼地城、大圍、黃竹坑等。最重要都是睇翻該物業的質素，呎價，預期租金回報率，特別是利用「呎價，預期租金回報率」去比較同區同類單位，以確定該物業的平貴水平。
要審視其升值潛力
另外，你再要審視其升值潛力，未來地區上、交通上、生活等等的配套發展，才去下一個結論，咁會較好。不過，你都要睇翻自己買架目的。如果係自住，最重要係配合你未來10-20年人生規劃，同時有信心長線供得起，地區反而其次。
預香港樓長線只會平穩發展
若你係投資，可以諗我上述地區，但你預香港樓長線只會平穩發展，唔會好似以往咁大升，投資價值只算一般。
更多股票投資理財方法及財務自由方法
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
