【樓市走勢2023】Anthony Sir你好，一直有留意你的分析，獲益良多，之前睇過你一篇文章說樓市見底反彈會出現的一些訊號，想問問照你所見，那些見底訊號是否已經出現了？香港樓市會見底回升嗎？
讀者來信：樓市見底訊號是否已出現？
Anthony Sir你好，一直有留意你的分析，獲益良多，之前睇過你一篇文章說樓市見底反彈會出現的一些訊號，想問問照你所見，那些見底訊號是否已經出現了？樓市會見底回升嗎？
回覆讀者來信：
- 2022年11月11日筆者在本專欄寫撰文講「樓市見底訊號」…
- 2022年12月16日又撰文講「市場盲唱淡，買筍盤最後機會」…
當時不少網都嗤之以鼻，說環球通脹及加息潮持續，內地經濟又差，通關無期，移民不斷，樓價有排跌啦，講乜鬼嘢見底，講乜鬼嘢上車買筍盤，唔好盲目唱好樓市啦，唔好人啦…
樓市走勢2023｜見底反彈發展比預期早
原本筆者都覺得可能要到2023年第二季，樓市才會見底反彈，誰知故事發展比預期早！中港兩地防疫措施放寬，1月8日正式通關！再加上其他的利好因素，新年前夕樓市已經開始轉勢了，到底是真轉勢還是虛火？來看看之前講的見底訊號到底有沒有出現。
加息週期步入尾聲…尚未完全出現
之前提到今次跌市最主要原因是環球通脹及加息潮，如果通脹受控，加息潮進入尾聲，甚至進入減息週期，資產市場包括樓市勢必出現大反彈，然而美國的經濟數據忽上忽落，之前的通脹數據是不錯的，美國居民消費價格指數（CPI）12月的時候報7.1% 比預期低，原本是好消息，然而近日公佈的就業數據表現強勁，又為加息預期帶來不明朗因素，所以未能下定論，但相信就算加都冇之前咁急了。
代理冇生意，傳媒轉口風…逐步浮現了
之前提到，過去大半年樓市下跌，買家勢強，賣家勢弱，最初代理主要策略是傾向幫買家向鋤價以促成交易，頭幾個月確實做到，我自己每日都收到十多個代理打來的嚇鬼電話，當時代理們亦集中分享負面成交，再加上媒體爆炸性包裝，樓市跌勢持續，氣氛越來越差，直到近幾個月，市場出現反現象…越劈價，越跌價，買家越唔敢買！
樓市成交低 二手冰封 一手唔賣樓
成交越低，二手成交固然冰封，一手亦唔賣樓，令致大大小小的代理朋友都高呼生意難做，不少代理行門市結業。近日好消息一浪接一浪，氣氛開始好轉，代理們開始冇咁灰了，唔會日日都接到十幾個劈價電話，開始分享一些較正面的訊息，例如業主反價封盤、撻訂重售等等。
媒體及代理睇好睇淡參半
到目前為止媒體及代理睇好睇淡參半，未出現全面轉向，但市場風向確實變了，大家留意住市場報導，如果全面轉向，買家信心全面恢復的話，樓市反彈之勢將會轉急。
驚青業主走晒，成交量上升…明顯出現
跌市之初買賣拉鋸，價錢未必跌得很急，若跌市持續一段時間，例如三至四個月，當氣氛越來越差，越來越多業主失去信心，跌勢就會轉急了，幾個月前正是這個情況。樓市要見底，必須要這一群信心不的業主，亦即所謂劈價盤走晒，餘下的都是信心較強，經驗較好，心理質素較高的業主，不會輕易劈價，就會出現劈唔落的情況。
想買筍盤要快
當氣氛好轉買家重拾信心，就會出現價錢跌唔落，但成交增加的情況，過去幾個星期市場明顯已經出現！有報導説十大屋苑的週末週日成交量創出近十年的新高，看來市場明顯要轉勢了，想買筍盤要快了！
更多香港樓市走勢內容
作者簡介：1% Anthony（ 第一桶金）、一巴仙（1%）投資培訓學院創辦人，TVB有樓萬事足、BenSir睇樓團II等顧問，多年來協助無數年青人成功上車，無數小業主倍增資產，財務自由！除了住宅，亦活躍於大陸樓、工商廈活化重建等，團隊是市場上最活躍的新晉發展商之一。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
