【理財個案】34歲讀者做飲食業,因近兩年對行業衝擊大,一年內由打工變老闆到結業!但40歲財務自由仍然是他目標,想知應該再創業,或是該重新搵工!
理財個案(1)讀者來信:34歲一年內由打工變老闆到結業
你好呀,成哥!一年過去了。好遺憾地,實體店係呢2年既衝擊好大。對飲食業更加大,宜家我面臨嘅係要結業,搵人頂手,希望回收部分成本。背負住債務既生活的確會磨滅鬥志,由打工仔到老闆,再到要結業,短短一年時間而已。
40歲財務自由仍是目標
不過40歲財務自由仍然係我既目標,仲有6年時間,我相信一定無問題既!當自己開始營運店舖既時候,發現100萬真係唔算啲咩,手上餘下既真正可流動資金唔多,亦都要再搵新既收入來源,算係真正成為被生活逼迫的人。
求投資股票建議
投資路上我仍然想再努力一下,本金還是硬傷,諗到呢度有啲腦閉塞。究竟係營運,銷售,還是其他問題,傳統飲食營運模式已經唔合適小店呢?如果我未來都想以投資股票為主要職業,想請教成哥既一啲建議。
飲食事業應否繼續?
不停學習是必須的,雖然全球經濟差,唔知幾時會轉好,但我認為呢段時間如果操作得宜,未來回報會好可觀,就算本金唔多,我的飲食事業應否繼續?其實生意受到移民潮,疫情影響,以致宜家搵緊人頂手。搵一個租金平一啲既地方繼續?
還是疊埋心水重新打工?
還是疊埋心水重新打工,維持生計同還錢,保留資金靜待時機投資?算是一年一次既回顧,多謝你花時間睇完,祝願成哥身體健康,事事順利!
期待你既回覆!謝謝
理財個案(1)龔成老師分析︰建議一邊打工一邊創業
做生意存在風險,同投資都是一樣。所以,我一般比較建議一邊打工一邊創業。當然,你做老闆就會較難咁做。這樣「進可攻,退可守」,當然會辛苦小小,不過,防守性會較强。你現時生意已經結業,雖然結果不盡如人意,但做生意就是需要經驗,要學會吸取教訓。
不要放棄創業的夢想
同時,不要放棄創業的夢想,你可以在打工的期間尋找適合市場,適合自己的生意,嘗試營運,吸收經驗。現時全球受疫情影響,飲食業更是傷,你就算短期再做飲食業,生意都未必穩定,所以,有風險。
全職投資每天都會大量分析企業
至於全職投資者,我每天都會大量分析企業。而其中一個工作,就是不斷看年報。但留意,我並不是「每日睇住個市」,而是分析「企業」。因為買股票就是買企業,分析時就算要對一間企業作全面的分析,閱讀企業年報、企業網站資料、大行分析報告、競爭對手年報、行業資料等。
簡單了解一間企業最少要用6小時
就算要簡單了解一間企業,最少都要用6小時。你可以將這項工作視爲一個目標,但首先要解決生活上的問題。最尾,都希望你在決定未來走向時,諗清楚一點。到底做老闆,係因為個人問題,定大環境令自己失敗。而這個因素,未來係唔係可以改善,去增加勝算。
預邊工作邊學習投資
而做全身做投資,你自己又有多大把握和本金,因為初期回報一定唔明顯。可能你預邊工作,邊學習點做投資高手。所以,你自己衡量清楚自己狀況,才去進一步行動。希望你能夠從新振作,在未來一年在各方面都有更進一步的提升。
理財個案(2)讀者來信:職場初哥股票推介
Sir,我嗰女出嚟做嘢差不多一年,想趁呢個股市低時買入股票,以佢嘅年紀有咩股可以推介?(之前已經入咗小米$13/1600股)請給意見
理財個案(2)龔成老師分析︰先增值後現金流方法
當我地進行人生財富累積時,會運用「先增值,後現金流」方法。年輕人應著重於增值類資產,而較年長的,就應著重保守類別。因年輕人財富系統未成形,同時負擔較少,可以承受較高風險,所以應以增長為先。
初期投資較有潛力股票
例如初期投資較有潛力股票,令財富增值較快,到一定金額後,可轉較平穩增值的股票。最後有相當財富時,才換成收息股去為自已創造穏定現金流。
年輕是財富增值黃金時期
你女兒年輕,現時是財富增值的黃金時期。除了盡力儲蓄、投資、學投資知識外。也要把握這個黃金時間,做好財富增值部份。策略上,可以投資「平穏增長股」和「潛力股」。可以用每月5成儲蓄做月供。其餘先儲起,用一邊月供一邊儲蓄的策略。
潛力股最多維持2-3成
選股上,你可以投資在平穩增值股,例如指數基金。如果現時無太多投資經驗和知識,潛力股這類風險較高的股票,就不要持有過多,最多維持2-3成好了,甚至先集中係平穏增長股類。
小米是優質潛力股可持有
之後有一定投資知識﹐潛力股比重可以相應調高,佔組合約3-5成,視乎你投資知識多寡和了解這些股票程度而定。餘下的另一半現金,我地就等機會,當大市出現較大回調,就加大力度掃貨,然後作長線投資。
小米(1810.HK)是優質的潛力股,可以持有。
更多理財個案、理財方法內容
作者簡介:龔成(龔成Facebook專頁)是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。
免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。