【理財個案】港股跌勢未止，讀者的20萬倉跌到剩返一半！投資組合有小米、新特，見到新特業績好，我考慮低位溝貨、想知繼續守定趁低吸納？

理財個案（1）讀者來信：20萬倉跌到剩一半

龔sir，我20萬倉跌到淨反一半

股票 數量 買入價
小米 3600 23.8
信義玻璃 4000 22.9 
新特能源 800 25.8

應該守 vs 趁低吸納

見到新特業績好好，我諗住喺低位溝貨！其他係咪應該守？唔好放！都可以趁呢個時間，趁低吸納呢？你有咩建議呢？唔該晒龔sir

理財個案（1）龔成老師分析︰優質股票就可以守

現時香港的股市因爲美國加息，疫情，中美關係等一連串不利因素而變得偏弱，如果你持有的是優質的股票，就可以守。我哋決定加注與否，要睇幾個因素，記住，並不是「拉低平均買入價」為目的。

  • 第一，要分析這股的質素，如果無質素，就再跌都唔加。
  • 第二，這股的類別，如潛力或增長或收息類等，是否與你的財富組合匹配，比例是否適合。
  • 第三，你要先計算加注後，這股佔你股票組合的比例會否太多，因為同一行業，同一股票。不能佔股票組合的比例太多。
  • 第四，現價是否有投資價值率，要平，或起碼合理，不能貴。
  • 第五，你要在加注後，仍有現金剩。

小米有潛力長遠正面

  1. 小米（1810.HK）有潛力的，佢的產品性價比高，先賣手機再賣家電。長遠正面，現價合理區較下。
  2. 信義玻璃（0868.HK）有質素，有增長力，算是平穏增長股類。
  3. 新特能源（1799.HK）雖然近年業績有增長，但長線實質支持係咪好大，未知。但建議保守少少，暫時這股投資值博率不高。

現時組合可長線持有

你現時組合，都係可以長線持有的股票。但較大問題是只得3隻股票，令組合有少少集中。建議你加多2,3隻不同行業平穏增長股，去分散風險。如果你想加注小米（1810.HK）和信義玻璃（0868.HK）都可以考慮，但只係小注好了。

理財個案（2）讀者來信：股市跌慢慢入緊貨

老師，最近股市跌，我都慢慢入緊貨，以下股票係咪中短期都有波動，但長期係看好呢？

理財個案（2）龔成老師分析︰組合全部都是潛力股

  • 完美醫療（1830.HK）有潛力，但業務有不確定性，為平衡風險，不宜持有過多，只適宜小注。
  • 小米（1810.HK），比亞迪電子（0285.HK）都是優質的潛力股，現價已經處於便宜區底部或初步便宜，無貨的話，可以慢慢儲貨。
  • 福萊特玻璃（6865.HK）有質素。無論生意與盈利都增長理想，財務數據正面，這股值得長線投資。現價合理，可分注慢慢入貨。

但你要留意，你上述組合全部都是潛力股，潛力股波動性大，而且不確定性高，長遠建議都加入「平穩增值股」來平衡整體組合。

理財個案（3）讀者來信：Let group前景如何？

想問收購前太陽城集團的Let group前景如何？龔老師，因本人持有30萬股，未知去向如何？另外，有值得報讀的有關的市場、銷售的課程嗎？

理財個案（3）龔成老師分析︰周焯華受扣查 令股價大跌

Let group（1383.HK）前名太陽城集團，主要在中國從事物業開發、物業租賃及管理、酒店與綜合度假村管理及顧問服務、銷售旅遊相關產品以及提供旅遊代理服務。早前集團創辦人周焯華受到相關部門扣查，令股價大跌。

集團多年都虧損 無明顯投資價值

睇返就算件事之前，集團多年都係出現虧損，無明顯投資價值。加上現時澳門博彩業存在不明朗因素，這類公司不建議投資。另外，任何股票都不建議太集中，個別最多佔組合15%好了。這股現時投資價值不高，建議減持。

至於，市場、銷售的課程，我無特別推介。

理財個案（4）讀者來信：盈富vs建行 哪隻較理想？

Hello 請問想長收息，有穩定增長留比下一代，（2800.HK）同（0939.HK) 哪隻較理想？

理財個案（4）龔成老師分析︰盈富有一定增長力

小朋友由於可投資時間長，策略上十分簡單。你可以儲盈富（2800.HK），佢係包括數十間質素不錯上市公司股票的組合，有一定增長力。若你想增長力較高，可以儲安碩恒生科技（3067.HK）。但此股波動性會較大，要睇翻你自己風險承受能力。

可考慮美股指數ETF

基本上，以你小朋友年紀計，持有以上股票都係可以，但你明白當中風險。另外，你可以考慮埋美股指數ETF，令組合分散風險能力更高。VOO和QQQ，前者追蹤標普500，算平穏增長型，類似盈富。QQQ追蹤納斯達克100指數，風險會較高，風險度近似3067。

建行本身質素不差

建行（0939.HK) 本身質素不差，有一定的規模，雖然股息率較高，但就未必適合留比下一代，因增值力不高。

更多理財個案、理財方法相關內容

【按此免費訂閱《香港財經時報》HKBT 新聞快訊】

作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。

免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。