理財個案｜83萬本金亂買股票！部分股價跌9成！越輸越多點做好｜龔成教室

【理財個案】讀者表示因亂買股票，83萬本金已蝕了約50%！部分股票股價更跌至9成！由想買股票投資賺錢點知變蝕錢！現時越輸越多，應止蝕定可繼續長遠持有？

理財個案（1）讀者來信：83萬本金亂買股票！部分股價跌9成

你好，龔SIR， 唔好意思，因亂買股票，現83萬本，已經冇左大約50%，大多股已跌一半至9成，真的覺得自己好失敗，諗住投資增值，但越輸越多。以下是本人的股票，麻煩你幫忙應止蝕定繼續可長遠持有。

現持股票（1-5）：

股票	數量	買入價
0005.HK 匯豐	800	$55
2318.HK 中國平安	500	$84
3988.HK 中國銀行	12000	$2.88
1398.HK 工商	1000	$4.7
0012.HK 恒基	1000	$36.8

現持股票（6-10）：

股票	數量	買入價
0175.HK 吉利	2000	$25
0270.HK 粵海	2000	$12.5
0909.HK 明雲源	1000	$51.5
1024.HK 快手	100	$310
9988.HK 阿里巴巴	400	$201

現持股票（11-15）：

股票	數量	買入價
1810.HK 小米	4000	$26
3067.HK 安碩	2000	$8.5
1177.HK 中國生物	7500	$8.5
1830.HK 完美醫療	10000	$4
6618.HK 京東	200	$85

現持股票（16-20）：

股票	數量	買入價
2158.HK 醫渡科技	300	$60
1833.HK 平安好醫生	500	$55
1928.HK 金沙	2000	$31
0732.HK 信利國際	4000	$3.16
1382.HK 互太紡織	3000	$3.67

現持股票（21-24）：

股票	數量	買入價
3868.HK 信義能源	4000	$3.3
0883.HK 中海油	1000	$9.8
0386.HK 中石油	4000	$3.91
1772.HK 贛鋒鋰業	280	$81

理財個案（1）龔成老師分析︰企業質素轉差就要賣出

首先你要明白一個概念，我地持有一隻股票與否，關鍵位是企業質素、前景，不要被買入價影響。因為我地買股票就是買企業。如果企業質素轉差，就要賣出。如果企業某些核心優勢減少左，就有機會減持，因此，我地要分析企業的核心因素，一些長期的賺錢能力，有無改變。

香港經濟弱 優質資產難免回調

現時全球有不少不明朗因素，都會令市場氣氛，以至經濟都會較弱，再優質的資產都難免會回調。你持有股票，都有長線投資價值。除了信利國際（0732.HK）投資價值一般，長線只宜小注。雖然有投資價值，但你組合都存在不少問題。

建議長線集中10隻股票

• 持股太多，我建議你長線集中係10隻左右，因為你無可能經常審視咁多隻股票，就算佢變左質你都唔知，咁係好危險。
• 你股票有質素，但點解都會輸咁多，原因在於你不懂定平貴。就算再優質，你買貴左都會令你回報受影響，這個是不少散戶的通病。

建立平衡風險組合

平衡性弱，你現時持股中，集中在「潛力股」和「收息股」類。前者風險高，適合年青和有經驗投資者。後者主要收息，適合近/已退休或好保守架投資者。若你係年青至中年，可以較集中潛力股。若你係中年偏近退休之年，可以集中收息股。

加入一些平穏增長股

同時要加入一些平穏增長股（風險度是前2者之間），去令組合更平衡。平穩增值股，例如指數基金。

• 阿里巴巴（9988.HK）、快手（1024.HK）、明雲源（0909.HK）、完美醫療（1830.HK）、醫渡科技（2158.HK）、金沙（1928.HK）、贛鋒（1772.HK）這幾隻風險度都偏高。
• 而中海油（0883.HK）、中石化（0386.HK）這類商品股，質素中等，這些股票長線都不宜持有太多。

理財個案（1）讀者來信：44歲幾乎所有資產買股票

你好成哥 希望你可以幫手看看 小弟衷心請教 本人四十四歲 幾乎所有資產都放喺股票市場 希望你可以畀少少意見 感激 有四隻股票 

現持4隻股票：

股票	持股時間	買入價	現價
1288.HK 農行	買咗四年	4.15入 130萬元	2.3
0338.HK 上海石油化工	買咗兩年	1.66入 180萬元	1.02
0386.HK 中國石化	買咗兩年	4.19入 100萬元	3.29
3988.HK 中國銀行	買咗半年	3.2入 10萬元	2.54

衷心希望 可以聽到你寶貴嘅意見

理財個案（1）龔成老師分析︰收息股有長線投資價值

從質素上分析，你持股都有長線投資價值。不過，佢哋都係收息股，以你44歲年紀，應較集中做增值部份。所以，你組合相對你人生階段，係過於保守。當中，上海石油化工股份（0338.HK）為中國大型的石油化工企業之，同時亦為全中國數一數二的的乙烯生產商。

投資組合過於集中

過往的發展，算是不過不失，生意都有增長，但盈利上落都大，有時會出現虧損。投資價值算是中等，不宜大注。另外，你組合過於集中。這總資金唔少，我建議你分散多幾隻股票。同時，唔好只集中係個別行業（你而家就只集中銀行和能源類），以免出現過度集中性風險。

建議分多次換碼至平穏增長股

建議你未來時間，將手上部份持股，慢慢分多次去換碼至一些平穏增長股，長線對你會較有利。最後，除了股票類，長線你都可以考慮加入物業類，去令財富組合更平衡。

更多理財個案相關內容

更多內容：理財個案｜28歲男想創業開補習社！30歲女望放棄生意打自由工｜龔成教室

更多內容：理財個案｜33歲單身月入18K與家人同住！買了一堆保險唔識投資｜龔成教室


【按此免費訂閱《香港財經時報》HKBT 新聞快訊】

作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。

免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。