理財個案】35歲投資新手,文職合約工到年尾,準備先專心生BB,再作工作打算,手頭上得30萬,投資比較保守,今個月剛開始買港鐵、港燈各1手,求投資意見。

理財個案(1)讀者來信:保守型投資剛買港鐵港燈

你好,龔Sir,我新手投資,唔多識,經常睇你寫文章,慢慢咁學到少少野,我今年35歲,準備有一個小朋友,我做文職合約工到年尾,到生完BB後,睇環境再出嚟做嘢,手頭上得30萬,我個人比較保守派,今個月剛開始買左1手港鐵,1手港燈,唔知需唔需要再加持?請問有咩股票比較合適我?希望回覆感激。

理財個案(1)龔成老師分析:先增值 後現金流

當我地進行人生財富累積時,會運用「先增值,後現金流」方法。年輕人應著重於增值類資產,而較年長的,就應著重保守類別。因年輕人財富系統未成形,同時負擔較少,可以承受較高風險,所以應以增長為先。

35歲以增值為先

例如初期投資較有潛力股票,令財富增值較快,到一定金額後,可轉較平穩增值的股票。最後有相當財富時,才換成收息股去為自已創造穏定現金流。

建議集中係「平穏增長股」

以你現時35歲去計,應以增值為先,你可以投資「平穏增長股」和「潛力股」。而你持有股票,可以保留。你係較保守,加上無投資經驗,建議集中係「平穏增長股」先。

資金先投入一半「分注」買貨

現時大市只是合理區中下部,你現有可用資金可以先投入一半,用「分注」形式,慢慢買貨。餘下一半,就等大市出現一定程度的下跌,才大力度掃貨,然後長線投資。

建議預留一筆備用資金

不過,你將會要停工一段時間,建議你預留一筆備用資金,去支援生活所需。到有剩餘閒錢,才實行以上計劃。畢竟投資係長線,你應先處理好生活,才再去增值,會較穏當。

按此免費訂閱《香港財經時報》HKBT 新聞快訊

理財個案(2)讀者來信:新手想短炒

你好,老師。新手一問,想短炒,乜股票比較適合新手買?

理財個案(2)龔成老師分析:投資一定係長線

我想先糾正你一個錯誤的投資觀念,我哋投資一定係長線,你見全世界最成功的投資人巴菲特,都只會做長線投資,唔會短炒。因為中短期股價,可以因為好多因素影響,有些因素甚至跟企業無關,所以無得計。

長線持有優質股自然有理想回報

但長線企業價值,必然會反映在股價上,只要長線持有優質股,就自然會有理想回報。投資絕對唔係好似坊間散戶咁,經常要睇住個股價上落,去炒炒賣賣。反而應該是投資前,做較多準備功夫,去分析一間企業質素和平貴度,以制定入市策略。

近手建議先從月供股票入手

當買入後,只要佢長線質素無明顯轉壞,我地長線持有,讓其自然增值就可以。你是投資初學者,我建議先從月供股票入手。因為你未懂定平貴,月供可以平衡這方面風險。

可集中在一些指數ETF

選股方面,你可以集中在一些指數ETF,佢地係一籃子優質股票,分佈在不同行業,具投資價值外,也能分散風險。現時你可以用每月先用5成儲蓄做月供,其餘先儲起等機會。

在平宜價加大力度掃貨

當大市出現一定程度的下跌,就可以動用現金去投資,在平宜價加大力度掃貨,然後長線投資。相信這個模式,雖然唔係最賺錢,但對你這類初學者會係最有利。

月供方法可有限度財富增值

但你要留意,上述月供方法,雖然可以幫助你在知識不多情況下,進行有限度的財富增值。但長線財富增值要做得好,必需再加強投資知識,提升選股分析和估值能力。令你可以因應市況平貴,自行制定入市策略。

因此,我建議你要多讀投資相關書本、年報,新聞和報讀相關課程。書本上,你可以睇我寫架《80後千萬富翁》、《財務自由行》和《股票勝經》,都適合初學者。

財不入急門

另外,本人的【投資倍升股課程】適合初學者的,每一課後都會有指引比你,要你在一星期內找那些資料,溫那些內容,只要你跟著去完成,到你讀完整個課程後,你已能自己選股、投資、評估平貴,在投資上已掌握了一定的知識。緊記,財不入急門,我見好多初學者都係想短炒致富,但最尾都是虧損收場,所以要小心。

理財個案(3)讀者來信:63歲應買政府年金計劃?

老師你好,我63歲,請問政府年金計畫是否適合,謝謝老師意見。

理財個案(3)龔成老師分析:可獲取年金收入直至終老

香港年金計劃又被稱為「長者年金」或「終身年金」,因為其最低投保年齡為60歲,投保人在存入一筆過保費後,可獲取年金收入直至終老。香港年金計劃會在投保人繳付整筆保費後,會每月向投保人提供保證年金金額,將你的資金轉化成為穩定的年金收入,以安享晚年。

唔建議只係全數買年金

退休後,我地財務配置會以被動收益為主。年金可以是其中一種,故值得你投資。但唔建議只係全數買年金,最好加入收息股、債券(A級債券)、定息產品等,去創建一個收息組合。同時,留有一定現金,以作不時之需。

年金屬於長期保險產品

最後,要提醒你,年金屬於長期保險產品,提早退保可能令投保人承擔額外收費。但如果作爲退休為自己創造現金流的需要,年金依然是一個可以考慮的工具。

更多理財個案文章:

更多內容:理財個案|40歲多年前蝕賣屯門樓後無錢上車!浪費人生廿年點翻身|龔成教室

更多內容:理財個案|「水桶模式買股法」30歲40歲50歲60歲投資比重參考|龔成教室

作者簡介:龔成(龔成Facebook專頁)是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。