理財個案】讀者表示身邊有家人朋友短炒股票、低價買入高價賣出騰訊贏咗幾千蚊,朋友認為短炒騰訊無乜風險,因為大藍籌!想問龔成點解唔建議短炒?

理財個案(1)讀者來信:朋友短炒騰訊無風險?

你好龔成老師。我身邊有家人朋友短炒股票贏左幾千蚊,(0700.HK)騰訊353買入、397放出。但係我有睇過你嘅書,係唔建議短炒,可唔可以講吓點解,佢哋都係話低價買入高價賣出。低先買入,高先賣出,中間價就唔理佢,佢哋講到短炒騰訊好似冇咩風險咁(因為大藍籌)

理財個案(1)龔成老師分析︰99%的散戶賺現金思維

你的朋友有賺現金的思維,反映同99%的散戶都一樣。「低價買入,高價賣」的確可以賺更多,但知易行難,有幾多個人知道明天大市是升還是跌,就算估到明天升,又可以估到後天,又或者大後天的走勢嗎?

頻繁買賣只會增加投資風險

好多人以爲短線可以賺錢,但長線計用這個短炒模式操作,都係輸。而且,頻繁的買賣只會增加投資的風險,連手續費都「賺唔翻」。我20年前,都是短炒者,技術分析者,用咗幾年,輸足幾年。

長線投資開始不斷賺錢

之後長線投資,就開始不斷賺錢。我之後做銀行同證券行,見大部分輸錢的客,都是短炒的。當然,你問我有無人贏錢,是有的。但就我觀察,長線投資贏錢的人,明顯比短炒多。

另一個風險「賣咗買唔翻」

另外,短炒有可能面對另一個風險就是「賣咗買唔翻」,就以騰訊(0700.HK)爲例,如果有人由騰訊上市一刻揸到宜家,佢已經是千萬富翁了。(好似你朋友咁短炒,可以賺到過百倍回報嗎?)因此,我相信長線投資,是真正助我哋贏錢的方法。

利豐(已退市)都曾經是大藍籌

任何投資都有風險,不要以爲是大藍籌就一定不會輸錢,以前的利豐(已退市)都曾經是大藍籌,但環境的轉變令到它業務衰退。所以我地作爲投資者,最重要是企業質素、前景以及賺錢能力等去分析。

更多內容:理財個案|80後失業有大學學歷唔想再行屍走肉!想3年內清債翻身|龔成教室

理財個案(2)讀者來信:應否分注再入比亞迪電子?

謝謝龔sir回覆,我有詳情睇返你fb post 之前對此股的分析,睇完自己好猶疑應分注再入比亞迪電子,還是買此股(0853.HK),因為佢只是初創企業,而比亞迪電子已成熟,我在25元左右入了小注,btw thanks 龔sir reply.

什麽是ETF?

龔sir,什麽是ETF?如果想買賣是否與其他股票一樣透過銀行或證券手機應用程式購買就可以?

thankss

更多內容:理財個案|31歲文職收入低不善交際!識幫人化妝但唔識搵生意|龔成教室

理財個案(2)龔成老師分析︰微創醫療、比亞迪電子都是潛力股

微創醫療(0853.HK)都唔係初創,佢都有一定歷史,同比亞迪電子(0285.HK)一樣都是潛力股,都存在不確定性。

比亞迪電子現價合理區較下

比亞迪電子(0285.HK)佢主要從事製造及銷售手機部件、模組及其他產品、提供手機設計及組裝服務,以及提供其他電子產品的部件及組裝服務。過往發展正面,有技術,前景不差。長遠睇好佢的。現價合理區較下,可以分注。

微創醫療不確定性高 可小注

微創醫療(0853.HK)主要專注於治療血管疾病及病變的微創介入產品。佢負債不輕,此股係有佢潛力係度,但不確定性高,如果想投資都可以小注。兩者相比較,比亞迪電子(0285.HK)的潛力度會較高,同時風險度會較低,投資可以分注。

ETF是在交易所買賣的基金

ETF其實是在交易所買賣的基金。其作用是被動地追蹤某些資產項目(有少數ETF為主動型)。好處是買賣方便,與其他股票一樣透過銀行或證券手機應用程式購買就可以。

入場費低 手續費平

同時入場費低,手續費平,長期月供已有不錯回報。最爲人熟悉的是盈富基金(2800.HK),買入盈富就等於買入恆指,因爲盈富同恆指同步。不過你要注意部分ETF的成交金額會否偏低,存在價差較濶的問題。

ETF適合投資初學者 

對於不懂選股的投資初學者,ETF是一個很好的投資工具。如果你想了更多投資的技巧,可以睇我寫架《80後千萬富翁》、《財務自由行》和《股票勝經》,都適合初學者。

按此免費訂閱《香港財經時報》HKBT 新聞快訊

作者簡介:龔成(龔成Facebook專頁)是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。