樓市走勢2022】讀者來信:Anthony Sir你好!近期受加息氣氛影響,二手市場好靜,點解一手又冇事嘅?我都想賣出手上個單位,成日有代理打話來問可唔可以平啲,話得又唔係有人買,應該點處理?

回覆讀者來信:二手有價講 一手冇價講

原因很簡單,二手有價講,一手冇價講!加息氣氛籠罩,二手市場的買家都在觀望!甚麼是觀望?

  • 觀…即是睇
  • 望…即是睇
  • 即是睇完又睇,得個睇字,冇幫襯,就是觀望!

買家們預期 遲啲買 會平啲

具體一點,就是買家們預期…遲啲買,會平啲!個個都驚買貴,個個都唔願出手,這個時候業主賣樓,減價未必最有用,因為你越減價,買家就越覺得你急錢用,越覺得可以再平。

更多內容:樓市成交2022|火炭駿景園3房套減逾「兩球」沽!荃灣環宇海灣4房1,290萬創兩年新低

「早知再講平啲」

例如你的單位合理價是600萬,買家問你570萬得唔得,如果你好快答應,買家就會覺得…哎呀!早知講550萬啦,於是就話要返屋企問老婆,如果你又答應話得,佢又會諗…哎呀!早知講520啦,又話要返去問阿媽,如是者,無論你點減,買家都會覺得…哎呀!

明明好平好抵都唔買 就是觀望

早知再講平啲,明明好平好抵都唔買,這就是觀望,幾時會買?到將來氣氛好轉,樓價回升,買家就會驚…遲啲買,會貴啲!到時就會蜂湧入市了,所以二手非常淡靜。

更多內容:樓市成交2022|港九新界10個蝕讓個案!太古城685呎輸「2球」離場、德福兩房4年帳蝕132萬

一手冇得講價 買就買 唔買就過主

為甚麼一手旺?難道就不會觀望嗎?是的!二手觀望,是因為買家有得講價,你覺得…就算呢個業主唔減其他業主都會減,遲啲買可能仲平啲,所以買家會等。一手唔同,買家冇得講價,所謂買就買,唔買就過主,尤其是多人入票,超額認講的新盤,買家會覺得…自己唔買,大把人買,賣晒就冇!於是就唔會有猶豫,見抵買就入票。

近期一手開價確實平

再加上,近期一手開價確實平!相比之前火炭的星凱堤岸、錦上路的柏瓏呎價高見逾2萬,洪水橋的LYOS、白石角的Sillicon Hill呎價高見1.8萬,在LIVE答問的時候都有分享,價錢太高唔值得買。

更多內容:樓市走勢|加息巨浪淹至!供樓壓力增、短期內樓市受壓無可避免|第一桶金

近期新盤性價比高好多

近期新盤明顯平好多,性價比高好多,例如康城的凱柏峰,呎價1.8萬,東九龍開白石角價;近期兆康的Novo Land、粉嶺北的One Innovale等,呎價1.4萬右,比之前的新界盤低近3成,貼近附近二手價,性價比高好多,所以能刺激買家入市也合理。

想賣樓的業主 減價未必有用

至於想賣樓的業主,正如上述所講,減價未必有用。如果急錢用,冇辦法,必須要減價,但定好底價之後,就不要再不斷下調,代理經常會致電給你,平啲得唔得,唔好輕易答應,因為答應咗唔代表真係有客俾票,好多代理都係扮有實客,套你口風係咪可以再平,有票先傾。如果你唔急錢用,不如租多一年半載,遲啲先賣,一來一回能賣高兩成!

按此免費訂閱《香港財經時報》HKBT 新聞快訊】


作者簡介:1% Anthony( 第一桶金)、一巴仙(1%)投資培訓學院創辦人,TVB有樓萬事足、BenSir睇樓團II等顧問,多年來協助無數年青人成功上車,無數小業主倍增資產,財務自由!除了住宅,亦活躍於大陸樓、工商廈活化重建等,團隊是市場上最活躍的新晉發展商之一。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。