資深投資者合埋眼買大陸樓都賺到錢！盲目跟風買海外樓易中伏

讀者來信：Anthony Sir你好！朋友說近幾年，英國加拿大等國家樓價升幅都很強勁，如果幾年前我決心賣晒香港樓，買晒英國樓加拿大樓樓就好了，你覺得現在還值得改變策略嗎？

回覆讀者來信：每個物業都爆升嗎？

首先，你熟悉那個地方嗎？宏觀數據看，英國、加拿大等國家過去幾年樓價升幅都很強勁。問題一，整個國家，每個角落，每個物業都爆升嗎？你買那個地區？那個物業？是否必然跟着爆升？香港只是一個城市，要搵升區爆升樓都不容易，更何況一個國家？

如果你本身並不熟悉那個國家，為甚麼你會覺得，去一兩個展銷會，聽一兩個代理推介，一買就升？從此幸福快樂的生活？如果真係咁筍，當地投資者或者熟客已經掃晒，為甚麼要到香港來說你買？告訴你一個殘酷的事實吧，有些代理根本就唔知邊個盤好，邊個佣金高就賣邊個，所以你都見到英國都有爛尾，都有港人中招。

你肯定不會中伏？想在一個市場得心應手買樓賺錢，要用心Study的，如果過兩年非洲勁升呢？你係咪又去買？如果戰事結束後烏克蘭勁升呢？可能性都幾高，你係咪又去買？買得幾多？

其次，爆升因素，是你幾年前能掌握的嗎？為甚麼歐美那邊樓價爆升？原因有幾個：

難道幾年前，你就猜到有疫情？猜到有俄烏戰爭？猜到他們不會像香港一樣，出辣招控制樓市？如果幾年前就買英國、買加拿大樓的朋友，可能因為個人背景，例如家人在那邊；也可能是運氣使然，例如剛剛用晒人名，遇到買外國樓的機會。很大程度上是你無法控制的！

放眼未來，過去幾年歐美升得勁，值得再追嗎？通脹已經創幾十年新高了，要瘋狂加息了，樓價還可以再爆升嗎？香港未跟加你都驚樓價跌了，歐美瘋狂加你又唔驚？如果歐美政府覺得樓價升得太過份，要像香港一樣出招，例如外國人不能買，或要付辣稅，那就一夜夢碎了！還值得搏嗎？

第三，筆者不反對人買海外樓，只是反對盲目跟風！如果你真的熟悉個別市場，例如Giano大師熟悉大陸樓，經濟不景氣下仍然可以賺錢，我不但不反對，甚至會搵機會向他學習呢。如果你本身不熟悉，我也不反對，只是反對盲目瞓身而已。

資深投資者都有自己的主場，就以大陸樓前輩Giano大師為例，縱橫幾十年，在大陸合埋眼都賺到錢，他都會試發掘其他投資機會，但會控制好比例，例如9:1、8:2，大部份在自己主場，雖然市況未必就，未必賺得多，但最少穩賺，少部份試其他，如果回報想，慢慢掌握到就再加注，這才是專業投資者的做法。

如果如你所說，早知幾年前賣晒香港樓，買晒英國加拿大，其實這是散戶投機人態，贏到是好運，輸錢是合理，要拼棄這些賭搏的思維啊！

作者簡介：1% Anthony（第一桶金）、一巴仙（1%）投資培訓學院創辦人，TVB有樓萬事足、BenSir睇樓團II等顧問，多年來協助無數年青人成功上車，無數小業主倍增資產，財務自由！除了住宅，亦活躍於大陸樓、工商廈活化重建等，團隊是市場上最活躍的新晉發展商之一。

免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責。而本網頁所有專欄作者的觀點，不代表本媒體立場。