理財個案】人生為了財富還是甚麼?有讀者廿幾歲初出茅廬,人工不高,每日返工放工不知為了甚麼?人生是否只為追求財富?龔成教路,人生絕不是返工放工到年老,真正追求的是「夢想」,只不過有些夢想要財富去實現。

理財個案(1)讀者來信:追求夢想 VS 追求財富

成兄,我2X歲,出來做野無幾耐,人工唔高,每日返工放工唔知為乜。我想有錢!但人生除了追求錢,還有更多更多。

但對於冇財富既人,應該先追求錢,再追求其他,or同時間追求both?我應該點計劃好,點平衡好?

個案重點:

  • 2X歲
  • 人工唔高

重點目標:

  • 追求財富還是其他
  • 怎樣計劃與平衡

龔成老師分析:人生絕不是返工放工到年老

我認為人一定要追夢,人生絕不是返工放工到年老。

很多人以為我一生就是追求「財富」,但我真正追求的是「夢想」,只不過有些夢想要財富去實現,所以我在努力追財富時,亦是向著夢想進發中。至於一般人是否應先追財富,我會用一個詞語去解釋:「財務自由」

財務自由可說是等同於「上岸」

財務自由在中國人的詞語,可說是等同於「上岸」,其實這個詞都用得好,當中比喻未財務自由者,如同身在海中,要不停游不停游,一停止就會沉死。

一般的打工仔,就是要保持工作,當有家庭負擔後,一停止工作就會「手停口停」,全家的生活都成問題,無法停止工作,如同在海中要不停游,未上岸的狀態。

「上岸」後才有條件去追求其他事情

試想想,一個人身處海上,追求其他事情的可能性好低,因為他只想盡快做到一件事:「上岸」,好多事情要上岸後,才有條件去追求的。

我再次強調:

人生應該追求夢想,只是我部分夢想,要財務自由後才能做到,所以我會先追求財務自由。

先追求財務自由

若然你的夢想都有類似這情況,就亦要先追求財務自由,當然,你可以有不同的夢想,有些夢想不一定要財務自由後才能追求,是可以同時追求的。

你2X歲,是財富增長的黃金期,我會建議你追求財富先。

我們只是平衡

同時當財富滾存到一定的水平後,可同時追求夢想。無野是完美的,我們只是平衡,先追財富再追夢想是較好的,因為如果一開始(年輕期),不累積財富,日後想累積都不易。

理財個案(2)讀者來信:月供股票不用先買入價?

想問多少少有關月供股票方面,是否月供股票就唔使睇佢幾錢先要入手? 我見盈富現在$21.2左右,是否都可以買入? 另外月供股票係我喺銀行入面會有得設置每個月供幾多買幾多股?還是人手自己儲錢,到咁上下就買?

如何長期持有可穩定增值?

另外,長期持有如何令到有穩定增值?因為有派息?

因為係我認知裡面,啲股票升高過買入價,然後賣出就有錢賺。我唔係甘明如何長期持有可穩定增值?

龔成老師分析︰

不是,月供都有分平貴。係貴嘅時候,我哋會減少供款,甚至停供。但初學者我會建議唔好理,一直買。

因為你分析錯平貴度,可以令成個計劃回報大打折扣。

未知平貴最好一直月供

如果你未有定平貴能力,最好一直供。月供本身長遠可以拉低平均成本,所以你個價點都會平咗。

盈富是跟大市的走勢,現時大市處於合理區偏下的水平,因此可以月供。

月供股票是理財計劃 

月供股票就等於同銀行訂立一個理財計劃。銀行會每月按照你月供的金額,幫你買入指定的股票。

你同時都可以自己儲蓄分注買入,原理同月供差不多,不過如果你是投資初學者的話,建議還是先月供較好。

企業會派息是一個因素,你可以用股息再投資,能夠買入的單位會變多,變相是增值的一種。

股價上增值

另外一種,就是股價上增值。但唔係你所講"賺差價",而係用儲資產模式去進行。企業會隨時間成長,短期的股價上落可以因爲好多因素,但長遠必定會回歸其内在價值。

只要你持有的是有質素,佢就會隨時間而自動增值。只要質素不變,我地就會一直持有,就算佢升過你買入價都好,都唔會沽。除非佢異常貴,或者長線質素變差,才會減持。

理財個案(3)讀者來信:月供股票3隻股票

我今年已經32歲了,同先生都是公司普通職員,二人月入大約45K,因為是租樓,扣除必要支出,最多5000蚊儲蓄。

我想問下,我1月開始了月供股票,每月2000蚊,三隻股,01177.02800同00175 這組合OK嗎?

高鑫零售蝕7成

另外,我在大約年半前傻傻跟人入了隻高鑫零售,9.42入了4000股,到而家已經蝕了7成三左右,我是否應該斬了它?同埋我仲有200股9988,260,渣了年半, 好迷茫啊,想快啲結束租樓嘅日子,對於咁嘅收入,買樓真係好遙遠咁

龔成老師分析︰

我吔投資增值會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。

「平穏增長股」 + 「潛力股」作組合

你32歲,應以增值為主,建議你用「平穏增長股」 + 「潛力股」作組合,去創造一個增值平台。

你所選的組合,係可以。如果想進取點,每隻供$1000。若想平穏點,盈富(2800.HK)供$1,500、其餘每隻$750。餘下$2,000,就儲起等大跌市時動用,去入平貨。

高鑫零售只是回到較合理水平

高鑫零售(6808.HK)於內地經營大賣場業務,以提供各種零售商品包括紡織品、電子產品、日用百貨、大眾消費品及生鮮產品。集團除對外採購品牌產品,亦自有品牌商品。早前被阿里收購,股價上左好多。現時佢回調,主要係回復翻去較合理水平。

睇翻佢基本面,雖然業務穩定,但睇翻佢過往的財務數據,就發現佢生意增長力不算強,盈利增長力都不強,相信佢都會因中國的經濟週期受影響,同時,網購的發展對佢都有一定程度的影響。

有投資價值但不宜持有太多

但最近一期業績,跌幅比較大。所以,要再觀察係個別情況,還是佢賺錢能力真係出左問題。

不過阿里收購,相信會利好長遠發展,這股偏向前景的,但要再觀察。以佢現時的估值計算,就算回左唔少,都只係合理區。其實你之前買貴左唔少,佢都有投資價值,但不宜持有太多。

阿里巴巴不確定性比之前多

至於阿里巴巴(9988.HK),受政策風險影響,不確定性高咗。長線投資係可以,但暫時不要持有太多。你只持有200股,可以守住先,但要回到買入價,相信要較長時間。

記住,投資係要自己去了解和分析,唔好聽人講就買,咁係好危險。係你未有太多投資知識前,建議先集中做好月供股票。

更多內容:【理財個案】因私事損失10萬+買牛熊證唔記得賣走變廢紙再蝕5萬!求低刺激+穩健增值方法|龔成教室

自月供股票再加大投資注碼

到你學會更多投資知識時,才再加大投資注碼,咁會較穏當。我建議你有時間,就要多讀投資相關書本、年報,新聞和報讀相關課程,去提升知識。書本上,你可以睇我寫架《80後千萬富翁》、《財務自由行》和《股票勝經》,都適合初學者。

按此免費訂閱《香港財經時報》HKBT 新聞快訊

作者簡介:龔成(龔成Facebook專頁)是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。