讀者來信:Anthony Sir你好!一直都有睇你的LIVE,謝謝分享,最近見到樓市有點怪,想問問你點睇,加息氣氛下,市場原本應該靜的,但是一手市場又很旺,我抽了幾次新樓都抽不到,點解會咁呢?現在的市況,買一手還是買二手有更多水位呢?

回覆讀者來信:為甚麼市場出現兩極化?

正如你所說,最近一手市場很旺,不少新盤都即日沽清,例如錦上路的柏瓏、白石角的Silicon Hill、日出康城的凱柏峰等,其他新盤即使未沽清,銷情都頗為理想,例如紅磡的必嘉坊、啟德的Monaco Marine等等。相反二手市場卻很靜,即使業主願意減價都唔代表有人買,睇樓量亦比之前少很多,點解?

最主要的原因,二手有價講,新樓無價講!

香港人並不是沒有錢,只是加息陰霾下,觀望而已。甚麼是觀望?就像你平時Shopping,見到件靚衫挺喜歡的,但又沒有急切性,於是齋睇唔買,睇吓遲啲會唔會有折扣。好了,8折了!…你又會想遲啲會唔會7折,現在二手市場就是這樣,業主減了30萬,你又會想再遲啲可能會平50萬,好了,減50萬,你又會想遲啲可能會平80萬,這就是觀望。

越減價買家越想再平

新盤呢?冇價講,一係買,一係唔買,賣完就冇,激發了買家的購買慾。所以想賣樓的二手業主,減價未必有用,越減價買家越想再平,如果不是急賣的話,加價可能效果更好,哈哈!

更多內容:投資氣氛差、香港樓價還有何支持?放心!有很多因素、資金支持|第一桶金

發展商、媒體、代理行全力谷新盤

其次,因為發展商、媒體、代理行全力催谷!如果這段時間你有去睇樓就明白,睇睇吓二手樓,代理就會Sell你入飛買一手樓,幾間大行傾巢而出,力爭戰績,每日你都會收到電話推廣新盤,會唔會有代理向你推介二手盤?此外,發展商鋪天蓋地的廣告宣傳,還有媒體的配合,都令到新盤成為售點。

出現很多錯價現像

之前的文章都提過,在非首置要付15% 辣稅的政策下,投資者所位比例減少,新手、用家主導市場,他們缺乏買樓經驗,唔知甚麼是平,甚麼是貴,甚麼樓有價值,所以出現很多錯價現像,例如甚麼都未有的北部都會區,價錢賣得比市區更貴等,由於買家買樓知識不多,代理講乜,傳媒講乜,就信乜,就湧向新盤。

更多內容:【裝修陷阱】新盤二手樓7個常見裝修工程中伏位!學者、驗樓師薦化解方法+教你揀裝修公司

現階段買甚麼最抵?二手!

剛才不是說了,新盤冇價講,二手有價講嗎?不是說了市場盲目追捧一手樓,二手樓減價都未必有人買嗎?既然如此,答案顯然易見,想買平嘢,就得人棄我取,二手樓有更多水位!

二手筍盤多 樓價重返年初

最近收到很多二手筍盤,價錢不但重返年初,即是每日數萬宗確診時的水平,部份心理質素較低,較需急錢的業主,可以再平,好多人問,會唔會再等多幾個月會唔會再平啲,其實二手市場的價錢是浮動的,不用等的,直接叫業主再平啲就可以了!想買樓的朋友,唔好掛住睇新樓,二手仲抵!尋寶啦!

按此免費訂閱《香港財經時報》HKBT 新聞快訊

作者簡介:1% Anthony( 第一桶金)、一巴仙(1%)投資培訓學院創辦人,TVB有樓萬事足、BenSir睇樓團II等顧問,多年來協助無數年青人成功上車,無數小業主倍增資產,財務自由!除了住宅,亦活躍於大陸樓、工商廈活化重建等,團隊是市場上最活躍的新晉發展商之一。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。