【理財個案】讀者想問龔成對美股有無研究？點睇亞馬遜拆股？東陽光藥入得過嗎？又有讀者問海螺創業同海螺水泥有何分別？
更多內容：理財個案｜月供股票揀有槓杆的FL二南方恒指 比盈富基金更好？｜龔成教室
理財個案（1）讀者來信：美股亞馬遜拆股點睇？
老師，想問下你對美股有無研究？
你點睇亞馬遜拆股啊？
請問東陽光藥入得過嗎？
龔成老師分析：拆股對亞馬遜本質無特別影響
我對美股都有研究，但主力會係偏重港股多少。不過，中美2大市場都具投資價值，所以我都會重點去分析。 亞馬遜公司 （AMZN）拆股其實對本質，前景以及賺錢能力無特別影響。唯一不同的是投資者的入場成本比之前少，會吸引更多的買家入場，但這不是投資一家企業的重點，關鍵還是要睇翻企業的長線質素。
亞馬遜有質素 可開始分注
亞馬遜公司 （AMZN）是領先的在線零售商，2021年的淨銷售額為3,860億美元。 此股有質素，但由於高質，故股價經常被人搶高，如果處貴就不要追貨。現價合理中間，都可開始分注。這股適合長線投資。
東陽光藥業務有少少轉弱
東陽光藥（1558.HK）不是零質素，但業務有少少轉弱。 佢係一家專注於在抗病毒、內分泌、心血管、抗腫瘤等疾病的製藥企業，是東陽光集團旗下的國內製劑平台。 行業及企業長遠仍有增長。
負債增加有風險
但企業都有少少風險，加上2019年發行4億美元可轉換債券後，令負債增加不少，都會令佢扣分。 現時價錢合理，這股都可長線投資，但業務都有少少風險，因此唔可以太大注。
更多內容：理財個案｜讀者想投資平穩增值股及潛力股！求推薦現時值博率較高股票｜龔成教室
理財個案（2）讀者來信：海螺創業、海螺水泥分別？
老師，請問海螺創業同海螺水泥有咩分別？點解佢哋啲股價持續低迷而家嗰間唔係話要搞基建行先咩？佢哋現價如何？值博率高嗎謝謝老師。國家話要基建行先但係點解佢哋持續低迷。
龔成老師分析︰
海螺創業（0586.HK）和海螺水泥（0914.HK）是同系股票，但業務有所不同。海螺創業（0586.HK）只係間接地持有海螺水泥（0914.HK）部份股權，但無直接關係。
- 前者，主要是做環保解決方案(不太跟基建相關)。
- 後者，主要從事生產和銷售熟料和水泥製品。
市場會慢慢回歸理性
股價低迷其實有好多因素影響。現時投資環境籠罩悲觀情緒，疫情，俄烏戰爭，中美博弈都會令大市中短期較弱。 基建其實需要好長時間先見到效果，消息一出會刺激當時股價，但市場會慢慢回歸理性，股價自然會回落。
海螺創業海螺水泥現價合理有值博率
海螺創業（0586.HK），海螺水泥（0914.HK）都是有質素的企業，現價合理，現時都有值博率，如果想投資，可以小注。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
