理財個案】讀者早前得癌症,有一個1歲女兒,因不知自己有幾長命、或要辭職!怕老公負擔重,想用保險賠償作資金買儲蓄基金賺回報,留給女兒長大後用。

理財個案|35歲未婚女月入7萬!持股跌一半、想靠自己過穩定生活|龔成教室

理財個案(1)讀者來信:早前患癌 或須辭職

龔成老師,其實想上你堂。不過我早前得癌症。唔敢出街。驚中肺炎。自己個小朋友又得一歲。而家又唔知自己有幾長命。份工又可能要辭職。所以想學好投資留返多啲錢俾小朋友。至少走時都唔駛老公負擔咁重。叫有啲錢俾個女讀書。早前買咗你幾本書,希望從中得益。

獲保險賠償 想買儲蓄基金或車位賺回報

龔成老師,想問下我前排保險賠左啲錢俾我,諗緊買唔買一啲有回報儲蓄基金,俾幾年錢,大概40萬本金就一直滾到第10年就有回報。等個女到時想再讀書定有舊錢旁身。

定係我應該買個車位投資。有租金回報?

理財個案(1)龔成老師分析︰基金增值能力不大

人生真係好多嘢都好難預測,但你仍然可以樂觀理性面對。相信你保持這個態度,就算面對財務,定係健康的難關,都一定能闖過去。你的基金以儲蓄爲主,增值能力不大,但到你女讀書仍然有10年時間,可投資時間長,策略上其實唔使太複雜。

可儲安碩恒生科技

你可以儲指數基金,一般都包括多間質素不錯上市公司股票的組合,有一定增長力。若你想增長力較高,可以儲安碩恒生科技(3067.HK)。但此股波動性會較大,要睇返你自已風險承受能力。基本上,以你小朋友年紀計,持有以上股票都係可以,但你明白當中風險。

美股指數ETF可分散風險

另外,你可以考慮埋美股指數ETF,令組合分散風險能力更高。VOOQQQ,前者追蹤標普500,算平穏增長型,類似盈富。QQQ追蹤納斯達克100指數,風險會較高,風險度近似(3067.HK)。你可以將現有資金,分成多注咁慢慢儲貨,咁就可以。

唔建議買車位

至於車位,是土地衍生出來的工具,都有長線投資價值。最好是市區,屋苑,同時你要以車主的角度,分析該車位是否好泊。現時的車位投資回報率不算高,因此投資價值只是一般,加上你資金不多,唔建議買車位。

預留應急錢 支援生活開支或醫療

另外,係你建立這個教育基金同時,你必先預留一些應急錢,去支援你生活開支和醫療費用。因為這是短期需要,所以一定要優先進理好。教育基金是長線,可以排後少少。

理財個案(2)讀者來信:點睇阿里健康、中生製藥及舜宇光學?

龔sir,你點睇阿里健康(0241.HK)、中生製藥(1177.HK)及舜宇光學(2382.HK) ?

更多內容:理財個案|性格細膽買股票一跌即心慌慌!想穩陣收息但驚賺息蝕價變煤氣|龔成教室

理財個案(2)龔成老師分析︰阿里健康屬風險類潛力股

阿里健康(0241.HK)這是風險類潛力股,佢營運醫藥電商、互聯網醫療等業務。  「醫藥電商業務」,這業務主要有兩種業務模式,由自營電商和天貓代運營,涉及非處方藥品、醫療器械、計生用品等。 另外,就是「互聯網醫療業務」,阿里健康與國內多家二三級醫院建立合作關係,患者可以通過阿裡健康、支付寶等平台,做到線上掛號、問診、諮詢用藥等等的服務。

阿里健康本質波動 股價上落大

阿里健康利用醫療AI系統「DoctorYou」去進行營運,該系統包括臨床醫學科研診斷平臺、醫療輔助檢測引擎、醫師能力培訓系統等,輔助醫生睇病。業務上,有好大的潛力,不過,本質波動,股價上落大,消息多,市場炒作多,這類股風險都不少。最大問題是無人能正確估值,市場現時只是估估下,推將唔到佢將來的價值。這類股只建議小注持有,但你預佢股價上落大。

中生製藥是潛力股

中生製藥(1177.HK)是潛力股,人口老化令佢長遠有唔錯的增長,無論是政府投入的行業資源,又或是人民生活質素令可控制資金上升,都令人們更在醫療方面投入更多。佢已建立一套完整的商業系統,有多個已賺錢的藥品類別,同時毛利高,可以不斷將錢投資在新藥裡,這模式運作很好。

中短問題不用理會

但這類藥物企業,難免有一點風險,因此要久不久檢視,中短問題不用理會,但如果有一些核心性的問題,就要再全面分析。就這刻來說,這股可以一直持有,因為商業模式理想,高回報,不斷再投資令股東利益快速增長。

加上睇翻佢的業績,保持增長,這令企業價值有實際的上升,令股價得以支持。現價合理區較底位置,有貨可持有,分注或月供可以,這股可以長線持有的。

舜宇光學科技現價合理區頂

舜宇光學科技(2382.HK)有一定的質素,但現價合理區頂。過往手機市場高增長,令佢鏡頭業務受惠不少,但近年手機增速開始減慢,你預佢增長力會變得較平穏。不過,手機市場又開始向好。在長遠,無論是手機鏡頭,又或是各種鏡頭方面的應用,只會愈來愈廣泛,前景正面,不過,中短期可能會有少少波動。

可長線投資 分注或月供較好

這股可以長線投資,分注或月供較好。現價算合理區低位,可分注。但你上述3隻都係潛力股,風險性較大。如果你係近退休之年,就不適合。若你係年青至中年,這類股票最多可佔組合4-5成,其餘應以平穏增長型股票為主。

按此免費訂閱《香港財經時報》HKBT 新聞快訊

作者簡介:龔成(龔成Facebook專頁)是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。