理財個案｜35歲未婚女月入7萬！持股跌一半想靠自己過穩定生活

【理財個案】35歲未婚女月入6至7萬，持有好多「濕星股票」加埋跌了一半，原本約50萬股票現跌淨20多萬，有120萬現金求教股票配置，想靠自己過穩定生活。

理財個案（1）讀者來信：35歲未婚女持股跌一半

成哥，好希望抽中我答啊，小妹真係好迷惘。好多濕濕星星股票，加埋跌咗一半，包括：

月入7萬想靠自己過穩定生活

夾埋大概本金50萬，變成而家大概20幾萬；有120萬現金，而家都成35歲喇，未婚想靠自己有穩定生活，月入6-7萬左右。想睇睇如果增長/收息點分配好。希望抽中我啦，謝謝你。我都有買你啲書睇，但睇完都係無乜信心去做決定啊。

理財個案（1）龔成老師分析︰年輕人可承受較高風險

其實這個INBOX的問題﹐我99%都會回答。但由於提問讀者太多，你要比時間我，預大約一個星期才會覆到你。當我哋進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

35歲應以增值為主

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。以你現時35歲去計，應以增值為主。你可以投資「平穏增長股」和「潛力股」。

建議先月供模式建立股票組合

你現時持有股票，都係有質素。現時出現虧損，相信是由於近2年市弱，加上你應該普遍都買貴咗，所以才變成現時狀況。由於你係初學者，過往估值都不太理想。相信你對點去定平貴，未必太了解。我建議你先利用月供模式，去建立一個股票組合，以減低買貴貨風險。

潛力股最多維持2-3成

你每月5成儲蓄做月供。其餘先儲起，用一邊月供一邊儲蓄的策略。你現時無太多投資經驗和知識，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。到你有將來一定投資知識﹐潛力股比重可以相應調高，佔組合約3-5成，視乎你當時投資知識多寡和了解這些股票程度而定。

120萬資金先投入20-30萬「分注」買貨

現時大市只是合理區中下部，你現有120萬資金可以先投入20-30萬，用「分注」形式，慢慢買貨。餘下資金和每月所儲到的資金，就等你有更多知識，或者大市出現一定程度的下跌，才大力度掃貨，然後長線投資。

理財個案（2）讀者來信：先父股票如何轉戶？

你好呀龔sir，唔好意思呀，如果先父有啲股票係個銀行入面，我而家要幫佢close左個銀行戶口，銀行話啲股票要做轉戶手續，

但銀行冇股票轉戶嘅info俾我，叫我自己上網搵。我想問下我應該點樣做股票轉戶？

理財個案（2）龔成老師分析︰要申請股票轉倉

如果你想從現有中介機構（銀行/證券行）轉移至另一個中介機構，就要申請股票轉倉。一般你要在轉入的中介，先做一些程序。但間間唔同，你要自己去問返。之後，持股人要向轉出股票的中介機構，遞交轉出股票指令表格（SI Form），當中主要係一些股票賬戶資料、要轉出股票名單、新股票戶口（轉入戶口）等資料。

填好相關資料，將SI Form交比舊中介，咁就可以。

更多內容：理財個案｜收入不錯但多年儲不到錢！月用2萬買一樣嘢累積財富｜龔成教室

理財個案（3）讀者來信：50歲想買領展收息

您好，龔成老師，我年紀50，想買（0823.HK）來儲股息可以嗎？我能力只可以買一手（100股），請問而家買可以嗎？希望可以長揸？同埋我想問下（0008.HK）可唔可以長揸收息？

謝謝老師

理財個案（3）龔成老師分析︰無貨已可以入首注

領展（0823.HK）有一定規模，坐擁不少優質商場、寫字樓、停車場等物業。集團主要透過提升的商場，去增加物業發展潛力。過往股派息穩定，無論是收息又或是增值方面，領展都擁有條件，長線質素依然存在。再加上早前斥資36.7億元收購悉尼一幢甲級商廈，集團開始在海外尋找有潛力物業，預期由本地化進一步國際化，這都是潛力所在。

市場估值往往不平

但由於此股優質，市場估值往往不平。現價有近4.5%以上息率，已有投資價值，無貨已可以入首注，股息率達5%會更理想。此股適合你年紀和長線投資，除了收息外，都有一定增長力。但現價只是合理區頂，可以先小注，等回調再慢慢加注。

電盈負債較多增長力不強

電盈（0008.HK）雖然業務算穩定，但由於負債較多，因此不是無風險。這股作為收息股，可以，但增長力不強，同時負債多有風險，不建議大手投資。現價合理的。但記住，我哋唔好成個組合，只集中係1,2隻股票身上。

同一股不能高於組合15%

最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。同一行業不能高於組合30%，同一股不能高於組合15%。要平衡，建立後長期持有，不是買賣賺差價，而是成為你財富組合一部分。

【按此免費訂閱《香港財經時報》HKBT 新聞快訊】

作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。

免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責。而本網頁所有專欄作者的觀點，不代表本媒體立場。