理財個案｜小米倍升時唔願沽出、現蝕錢感後悔！長線持有得個吉

【理財個案】讀者表示，小米年多前倍升時唔願沽出，原本有廿多萬不賺，現在卻還要蝕錢感後悔！唔明長線持有「股價升完又跌、跌完又升」會否最後得個吉？

理財個案（1）讀者來信：小米倍升時唔願沽出

謝謝老師的教導。想請教老師，年多前小米升到$3X，已是倍升了，為何老師決定不賣出賺錢呢？當回落至早前的$10，老師的心情有否受影響呢？因為我自己就有D後悔和不開心，有$20多萬不賺，現在卻還要蝕錢。

長線持有會否「得個吉」

老師鼓勵長線持有股票，我有時會有個疑問，長線持有，股票升完又跌，跌完又升，升完又跌，會否最后得個吉呢？請老師教下我。

理財個案（1）龔成老師分析：投資無絕對答案

投資無絕對的答案，你這情況其實久不久會出現，但你細心想想，就算是（1211.HK），當年試過由$20上到$88，再跌翻$12，我都是無咗「賬面上」的幾百萬，但最後，股價創新高上$300。如果你成日想，我在高位賣咗先，等跌再買，你就不能賺到大錢，你會錯過左10倍股。

要學懂處理心理壓力

簡單來說，如果想賺大錢，你就要學懂處理這種心理壓力（股市能賺大錢的人好少，因為他們無法處理這種壓力），當然，這動作又不一定每次都賺大錢，有時又會好似你見到的情況，上完落翻，甚至有些股無得升。

企業長遠有發展、有潛力就要把握

我哋無絕對的答案，只能說，如果企業長遠有發展，有潛力，投資者就要好好把握這機會，賺大錢！

理財個案（2）讀者來信：長揸住唔放就冇蝕？

Hi Sir，我想問如果股價178元買咗（9988.HK），到而家佢都仲係88元，雖然佢係潛力股，但我長揸住唔放，係冇蝕，
但我咪做唔到我資產增值嘅效果？

理財個案（2）龔成老師分析：最重要不是睇「賺蝕」

最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

要分析你的投資目標

你要分析你的投資目標，你想潛力股的比例多少？平穩股的比例多少？組合風險程度如果？之前在$178買，由於監管因素令企業轉弱，的確在這次投資，無法做到財富增值的效果。

阿里巴巴仍有增長力

但你現時最重要，就是「怎樣將這刻的財富，配置到令你財富最大化的狀態」，我相信（9988.HK）仍是有增長力，你刻持有可以助你財富增長。只要你持貨不過多，你持有是較好的策略。

【按此免費訂閱《香港財經時報》HKBT 新聞快訊】

作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。

免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責。而本網頁所有專欄作者的觀點，不代表本媒體立場。