【理財個案】52歲讀者零投資知識！聽人講買新時代能源、瑞聲等股票，買入後股價跌到無眼睇，望指點協助建構一個長遠穩健收息投資組合。
理財個案｜讀者用13萬大手買入中移動後股價不斷跌！應等派息、止蝕定溝貨｜龔成教室
理財個案（1）讀者來信：52歲零投資知識
老師，我52歲，以下係本人持股，新時代能源當日係聽姐夫講上市就買，買完之前跌到無眼睇到而家。至於瑞聲係之後聽人講number買零知識，全部都未開始睇：
0002.HK、0005.HK、0006.HK、0013.HK、0166.HK、2018.HK
等老師你教我。老師，請教咩影響日元跌到咁低？超期待老師指點想幫自己建構一個長遠穩健收息組合
理財個案（1）龔成老師分析︰投資要自己研究
你要記住，唔好聽人講或者聽消息，就去買一隻股票。要你自己真係研究過，最少知佢做乜生意、點賺錢、點解有市場優勢，才好考慮。
52歲年紀 投資應較保守
以你52歲年紀，投資應較保守。你持有的組合，大致上有質素的股票，可以守。但和黃醫藥（0013.HK）不確定性高，不宜持有太多。新時代能源（0166.HK）質素不太好，建議你長線換碼至其他優質股會較好。
要自己學投資理財基礎
書本上，你一定要試下自己睇，去慢慢學。你可以睇咗《80後千萬富翁》、《財務自由行》和《股票勝經》先，打好個基礎。如果你自問理解力唔高，我建議你最好來上堂，咁會最有效率。
日元跌主要受強美元政策影響
日元要跌，背後原因好複雜。簡單咁講，主要受強美元政策（加息）所影響。其實以你年紀，都仲有財富增長空間，但要較保守。除左收息股，你都可以加D平稳增長股，去提升少少增長力。
建議先用5成儲蓄做月供
現在你每月先用5成儲蓄做月供。其餘先儲起，用一邊月供一邊儲蓄的策略。餘下一半，就等大跌市去入平貨。同時，可以建立一個收息股的組合，目標是5%、6%的股息率的收息股。
5-6%股息率收息股推介
例如港燈（2638.HK）、深高速（0548.HK）、香港電訊（6823.HK）、工行（1398.HK）、恆生（0011.HK）、置富（0778.HK）、陽光（0435.HK）。收息基金（3110.HK），都可以。
超過8%高息股 股價略有風險
另外，有些更有超過8%的高息股，但股價就略有風險，你可以小注考慮，例如佐丹奴國際（0709.HK）、中石化（0386.HK）、互太紡織（1382.HK）、富豪產業（1881.HK）等（記住，股價略波動，不能太過大注）。
理財個案（2）讀者來信：GX恒生高股息率vs盈富
龔老師你好，想問下（3110.HK）同（2800.HK）風險分別，見（3110.HK）有5-6 厘息相當吸引，現持（2800.HK）只求安穩收息下，轉（3110.HK）是否風險一樣？因見（3110.HK）資產值只有5億多，及成交少，會否比較高危？ 謝謝老師
理財個案（2）龔成老師分析︰一個投資收息股的基金
市值與成交都是基金的其中一個分析點，但並不是核心因素，因此不用太擔心。成交少，可能買賣差價會闊少少。GX恒生高股息率（3110.HK），是一個投資收息股的基金，追蹤恆生高股息率指數之表現。
GX恒生高股息率現價合理 可分注
可以視為收息股的組合中其中一員。這基金可投資的，現價合理，可分注。佢是投資香港大型，較穩陣，派息較高的上市公司。這是不差的收息組合，但增長力不強。
GX恒生高股息率vs盈富
可以上基金網站有介紹的：
- 盈富（2800.HK）係包括60間質素不錯上市公司股票的組合，有助你平衡組合中的風險。
- 盈富（2800.HK）的增值力會比GX恒生高股息率（3110.HK）為高，但股息率就無（3110.HK）咁高，兩者都不算是高風險類別。
GX恒生高股息率成交相對少
GX恒生高股息率（3110.HK）成交相對少，但問題不大，主要係買賣差額會大咗。但你係用來長期收息，唔會成日做買賣，所以影響好細。
GX恒生高股息率利息會較高
如果你打算持有收息，GX恒生高股息率（3110.HK）利息會較高，會較適合。但如果你想收息之餘有小小增長力，盈富（2800.HK）會較好。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
