讀者來信:Anthony Sir你好!最近好多新盤,尤其是新界區,眼花瞭亂,好多都話自己係…鐵路盤,好方便,冇得輸,睇落價錢都幾貴,好似同市區樓差唔多,應該點揀啊? 

香港經濟負面消息多!為何香港樓價仍繼續升? 4個觀點與角度一覽|第一桶金

回覆讀者來信:「鐵路概念」新界區新盤熱賣

近年多個具備「鐵路概念」的新界區新盤熱賣…銷情遠比市區盤熾熱,點解?住遠啲,遠平啲?又唔係喎!睇價錢其實同市區差唔多,部份新盤加價加推後,價錢甚至比市區的半新盤更貴!不少買樓經驗豐富的前輩,跌到一地眼鏡碎,買樓不是要講Location的嗎?為甚麼現在的人買樓亂來的?

鐵路盤,好方便,冇得輸!…真係? 

代理推銷新界區鐵路沿線新盤的時候都會這樣說,很多新手買家都信以為真!東鐵及西鐵沿線的,例如火炭、錦上路的新盤固然熱賣,即使要轉輕鐵的,例如洪水橋、屯門南的一樣熱搶,不少呎價更超過兩萬,比很多市區半新盤還要高。

鐵路沿線等如方便?

鐵路沿線等如方便?…方便你搭車而已,不是真正方方便!

是的,幾分鐘就行到去港鐵站,上車而已,如果你返工返市區,例如中環、銅鑼灣等傳統CBD,隨時迫車迫成個鐘,一來一回就是兩個鐘,還有…上班下班繁忙時間,好多時都冇位坐,即是要硬企兩個鐘!企响度瞌眼瞓!我想大家都試過吧,真係方便?

我去佛山都是鐵路直達

鐵路直達,不代表方便!我去佛山都是鐵路直達!

有次跟Giano大師返大陸睇樓,相約在佛山祖廟某商場吃晚飯,我由西九龍出發,一小時到廣州南,再轉廣佛線,坐多一小時就到了,鐵路直達,落雨都唔驚,係咪方便?咁不如住佛山啦!

不要再問香港樓市會跌幾多!港鐵站旁冇得輸?價錢太高就會輸|第一桶金

半小時內可返到公司 就算是方便

是否方便,不單是有冇港鐵直達,更重要是出入時間…

我自己的標準是…半小時生活圈,由踏出家門起計,半小時內可以返到公司,就算是方便。很多市區盤都可以做得到,尤其是屯馬線及東鐵線過海段通車後,能滿足一般人半小時生活圈的選擇就更多,甚至行路返工都仲得。

大角咀的半新盤

例如筆者最新一條Youtube片介紹市區細價半新盤收租王,其中一個大角咀的半新盤,一房單位才6百萬多,總價仲平過新界新盤,租客在奧運匯豐大樓上班,走路才3分半鐘,相比迫港鐵一兩個鐘,誰方便呢?有興趣的朋友可以到我們的Youtube頻道「第一桶金」收看。

香港樓市|新盤大比拼:錦上路柏瓏唔抵買?啟德呎價3萬買得過|第一桶金

還要考慮是生活配套

除了交通出入,還要考慮是生活配套…

例如最近熱賣的一些新發展區,洪水橋、錦上路等等,唔好話大型購物商場,乜都未發展,係咪值得高價搶購呢?當然有人說,而家嘅人買樓,重視環境嘛!其實住落就見真章。

頂唔順每日返工放工迫車

有網友早幾年買入掃管笏新盤上車,最初說喜歡那裡的環境,住了才一年,就決定將單位出租,自己租一個市區細單位住,實在頂唔順每日返工放工迫車,情願瞓多兩個鐘!這種情況會反映在租金上,市區樓的樓價即使被新界樓追過,但租金卻遠比新界區高。

按此免費訂閱《香港財經時報》HKBT 新聞快訊

作者簡介:1% Anthony( 第一桶金)、一巴仙(1%)投資培訓學院創辦人,TVB有樓萬事足、BenSir睇樓團II等顧問,多年來協助無數年青人成功上車,無數小業主倍增資產,財務自由!除了住宅,亦活躍於大陸樓、工商廈活化重建等,團隊是市場上最活躍的新晉發展商之一。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。