【理財個案】39歲讀者有兩個小朋友,家庭月入40K,自置物業樓齡達38年、單幢洋樓單位較小,唔夠住想換樓!另有200萬現金+少量股票,求教增值方法!
理財個案|誤信專家推薦亂入11隻股、現虧損4萬多元令信心動搖
理財個案(1)讀者來信:39歲家庭月入40K想換樓
龔成老師,本人39歲,有2個小朋友,家庭月入約40K,自置物業, 市值約4百萬,尚餘一百餘萬未供。現金約2百萬。因為單位較小,唔夠空間,用以放租(10K),月供6k。同時以較平租金租用屋企人較大的單位(10K),可住幾年。
有少量股票 不太懂投資
自置物業樓齡較大,38年,單幢洋樓,所以想放,再購入約廿年的屋苑,約600萬。此做法可取嗎?還是照舊放租?只有少量股票,唔太懂投資,有那些股票建議可增值?
謝謝
理財個案(1)龔成老師分析︰可投資風險稍高的潛力股票
你有自住的需要,而且現時的住屋不能配合長遠的需求,換屋應該成爲未來的目標。你可以先在現時屋企人的大單位住,小的單位繼續放租,然後趁這段時間用股票增值。投資什麽類型的股票取決於你買樓的時期,如果5年内買樓,可以投資風險稍高的潛力股票(但不是高風險);但如果是短期内(2、3年)置業,就建議集中平穩增值股。
置業前一年開始沽貨套現
現時大市只在合理區,資金唔好盡用。最好留有部份,等大跌市出現時,可以用來掃貨。到你決定置業前一年左右,你就要開始慢慢沽貨套現,唔好到用先一次過沽,因為無人知當時個大市水平。因此,你要慢慢沽,去平衡價格波動的風險。
理財個案|幾年前3房換2房按揭100萬!現金剩10萬、其餘買股票|龔成教室
理財個案(2)讀者來信:36歲情侶與父母同住
老師你好!本人36歲 ,同父母同男友同住,住喺早幾年樓換樓的自置物業,當時900萬,現大概1,100萬,當時做左$1.8m mortage,30年,尚有$1.5m,月供$7,000。
二人月入70k 工作穩定 但較大使
二人月入70k,工作穩定,但比較大使,扣除家用 / 保險及使費,只係每月儲$5k左右,未來慳啲希望可儲到$10k。現金約$300k係mortage link 戶口,會留為兩老醫療備用(二人有長期病患及重症,但冇保險,預計將來幾年會有大支出)
現持股票:重倉100萬匯豐
0005.HK @$59.2 重倉咗$1m… (早年用mortgage 錢買落,諗住all in 收息,就可以唔使錢供樓,不過,現在價又跌、息又跌,派息只勉強打和mortgage 利息部分)以下為呢兩年儲錢後分批買入,今年一暴跌… ,變相高追咗,全倉平均-40%…
投資組合全倉平均蝕40%
股票 | 平均買入價 | 數量 |
香港電訊 6823.HK | 10.6元 | 五手 |
宏利 0945.HK | 110元 | 一手 |
友邦 1299.HK | 98元 | 兩手 |
新世界 0017.HK | 33.1元 | 四手 |
小米 1810.HK | 20.88元 | 五手 |
安碩科技 3067.HK | 17.7元 | 34手 |
阿里健康 0241.HK | 16.16元 | 三手 |
蘋果 AAPL | 118元 | 10股 |
帳面買親都輸 如何部署?
基本上依家帳面係買親都輸,想問老師如果係你,以上股票係早前應該大跌你會有什麼部署? 想學嘢。我覺得自己唔識定止蝕位。
- 如 0005.HK 返家鄉,老師建議可以贖回幾多?之後,我會留返一部分現金做兩老醫療費用,餘下資金如何步署?
- 1810.HK / 3067.HK是否可長期持有? 仲好唔好入貨?例如自製月供,拉返低平均價?
- 0241.HK 最受重創,是否企業本身已冇質素,好似太受母公司同內地政策影響,應該忍痛止蝕,再轉其他嗎?
中期目標+長遠目標
中期目標:希望過多三四年加人工後,可加按現在樓,買400萬的樓,以租供樓,長遠作為被動收入
長遠目標:我自己訂立以現有120萬倉start up,希望每年15-10%回報,到10年後5-8%,希望20年後滾存到1000萬。不過一實行個plan,呢兩年已經變咗負數。
希望老師指點,分享你嘅睇法,感謝你的時間
理財個案|41歲夫婦投資只買穩陣股票、惟跌市溝貨溝極都係蝕|龔成教室
理財個案(2)龔成老師分析︰買股票就是買企業
你現時有負擔,再加上將來開支會變大,建議先留半年以上支出做防守後再投資比較合適。首先你要明白一個概念,我哋持有一隻股票與否,關鍵位是企業質素、前景,不要被買入價影響。因為我哋買股票就是買企業。
如是優質股 有資金應該加注
買入價,你的賺蝕,只是一個心理因素,該企業長遠的發展,才是我地是否值得持有的重點,而我地不會定「止蝕位」,除非企業的質素有變。如果是優質的股票,大跌市的時候,如果有有資金應該加注,因爲優質的股票長遠會回升,跌市就製造了一個很好的買入機會。
匯豐有質素宜收息
- 匯豐(0005.HK)有質素,但增長力減弱,收息可以,但就不建議將所有資金都集中在一隻股票上,比例不要超過組合的15%。
- 小米(1810.HK),安碩恒生科技(3067.HK)都是潛力股,可以長線持有。現時兩者都處於合理區中間以下區域,如果資金充裕,可以分注。我哋加注的原因不是為拉低平均價,而是組合的配置,兩者都可以月供。
阿里健康是潛力股但本質波動
阿里健康(0241.HK)這是潛力股,業務上,有好大的潛力,不過,本質波動,股價上落大,這類股風險都不少,估值比較難,企業本身有不確定性加上政策有監管,如果你佔比較多,建議適量減持,換碼到其他風險較低的股票。
香港電訊(6823.HK),友邦(1299.HK),宏利(945.HK),新世界(0017.HK),AAPL 都是優質的股票,可以持有。
香港樓的回報率偏低
你現時已經持有一個物業,如果再買入物業會令財富較爲集中於一類資產,但現時你與父母同住,如果將來會有搬出的可能都可以考慮,現時香港樓的回報率偏低,建議在有較大的值博率再考慮買入。
每年10%(連股息再投資)的回報有可能,但就不要太集中在中短的波動,只要久不久檢視一下企業的質素,長線持有就可以。
用「平穏增長股 + 潛力股」作組合
如果你留有一部分資金用作生活所需,仍然有錢剩的話,你可以用「平穏增長股」 + 「潛力股」作組合,去創造一個增值平台。
至於餘下的現金,就等機會,當大市出現一定程度的下跌,就可以動用現金去投資,在平宜價加大力度掃貨,然後長線投資。
作者簡介:龔成(龔成Facebook專頁)是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。
免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。