【理財個案】讀者自稱唔識炒股又唔識止蝕，已輸好多。現只能以「輸少當贏」心態。他重貨多隻股票，如以580元高位入騰訊、205元入阿里巴巴等，唔知點算！求指教！
理財個案｜誤信專家推薦亂入11隻股、現虧損4萬多元令信心動搖｜龔成教室
理財個案（1）讀者來信：唔識炒股又唔識止蝕
老師你好！本人唔識炒股，又唔識止蝕，而家輸咗好多，而家只想以輸少當贏嘅心態，都重貨手上有：
| 股票 | 平均買入價 |
| 6969.HK 思摩爾國際 | 67元 |
| 0700.HK 騰訊 | 580元 |
| 1810.HK 小米 | 24元 |
| 2628.HK 中國人壽 | 28元 |
| 9988.HK 阿里巴巴 | 205元 |
好多一入股就跌價了，而家點算，我應該幾錢走貨吖？
唔該曬老師指教指教我！謝謝
理財個案（1）龔成老師分析︰買入價賺蝕 只是心理因素
首先你要明白一個概念，我哋持有一隻股票與否，關鍵位是企業質素、前景，不要被買入價影響。因為我哋買股票就是買企業。買入價，你的賺蝕，只是一個心理因素，該企業長遠的發展，才是我地是否值得持有的重點。
思摩爾國際建議反彈約10-15%減持
思摩爾國際（6969.HK）因爲政策的風險，以及本身的不確定性，不適宜持有過多，如果佔組合太多，建議反彈約10-15%減持。騰訊（0700.HK），小米（1810.HK），阿里（9988.HK）屬於潛力股，但又質素，但投資要控制注碼，如果你貨多，建議每反彈1，2成左右賣出部分。長遠維持組合約10%左右比較合適。
中國人壽增長力唔強
中國人壽（2628.HK）並不是無質素，不過增長力唔強。同埋企業的賺錢能力不及過往年代，如果你目標在於收息，可以持有；如果貨太多，可以回升1成左右減部分。投資不是炒賣，而是配置，對於未能掌握定選股和平貴技巧的初學者，你可以選擇月供。
月供方法 累積資產
除了透過以上月供方法，去累積資產外。同時間，你要去努力增進投資知識，來提升你財富增值效果。你要多讀投資相關書本、年報，新聞和報讀相關課程。
書本上，你可以睇我寫架《80後千萬富翁》、《財務自由行》和《股票勝經》，都適合初學者。
理財個案｜兩個29歲Case：買勞力士賺錢買股票vs偏重買科技股｜龔成教室
理財個案（2）讀者來信：ROE有多少個計法？
- Sir 我想問下ROE係咪有幾個計法？ （0728.HK）為例，雪球寫roe為6.55，Aastock寫6.05， 想問下邊個先準？
- 東方財富淨資產收益率（平均）係6.55，股東權益回報率係6.05，想問下兩個有咩分別？
理財個案（2）龔成老師分析︰
- ROE其實不同網站計算，係會有少少唔同。作比較時，只要你統一用同一個網站，就就可以。
- 「淨資產收益率」係用資產值，去計算集團賺錢能力。而ROE則以股東權益，去計算賺錢能力。
兩者是不同分析方法，但唔係每一類企業都適用。而且佢只係其中一個分析位，要配合其他不同指標，才可以得出一個完整分析和估值答案。
理財個案｜當年無知用家人錢買入不少劣質股！蝕太多想盡快回本｜龔成教室
理財個案（3）讀者來信：估價方法疑問
成哥，本人係你學生，亦跟你學過啲估價方法，有啲唔明
- 點解一間企業，係優質公司黎，年年賺錢，但點解間公司股價係都唔升？
- 如上題，一間優質公司又搵到錢又無乜負債，點解中國發啲國家政策，呀爺又講左幾句，但公司無問題，又點解會跌價呢？
- 關於企業買番自己股票，之后就會進行註銷。我想問啦，佢註完，咁間企業就少咗啲總股數，甘間公司又點再發出股數比人買呀？到時該公司又發新股，叫啲人抽股？
- 敏華控股（1999.HK），現時係平宜區？可以入手？
- 華潤水泥（1313.HK），我係7.17入咗，是否入貴嘅？我用咗你市盈方法計算，係個範圍之內再少啲入。入咗之後后等極佢都唔升，點解該公司長期唔識升嘅？
勞請成哥指點，謝謝
想月供石油etf、黃金
成哥，還有，月供方面，我想月供石油etf，黃金etc。請問邊幾隻值得長期月供。我已長期供緊盈富（2800.HK）。睇左近排啲金啲石油都浮動。我都唔追，月供etf算。所以問問成哥有邊幾隻可長期月供
謝謝
理財個案（3）龔成老師分析︰好的投資時機
1) 要一間公司的股價升有好多因素影響，資金流向，市場情緒等，但這些都是短期因素，我哋分析企業，應該由長期著手。股票最終會回歸合理的價值。如果一家公司年年賺錢表示有質素，但股價未升代表市場還沒有發掘到這隻優質股，現時買入反而是一個好的投資機會。
估值是無絕對的答案
當然，如果係長期都唔升，就機會市場預期，佢未來生意可能轉弱，咁你就要小心，所以要仔細分析。而估值，是無絕對的答案，如果市場預期佢業務會慢慢轉差，賺錢能力不及從前，就算之前不斷賺錢，都有機會股價唔升。
「市場先生」是情緒化的「合夥人」
2）我在《選股勝經》入面提到「市場先生」是一個很情緒化的「合夥人」，可能因爲某些好消息，他會情緒高漲，只看到未來光明的一面，因而報出非常高的價格；在另外一些時間，「市場先生」卻非常沮喪，只看到眼前的負面因素，此時，他會報出非常低的價格。
只要是優質股票 股價最終都能反映
這就等於一件企業本身沒有太大問題，而且前景好好，但卻因爲某些不相關的消息，股價變得浮動，但不用擔心，只要是優質的股票，股價最終都能夠反映。
企業「回購股份」可視為加分因素
3）企業的總股數其實是固定的，除非企業要集資，否則不會發行新股，你平時見到的買賣是在二手市場進行，是兩個投資者用已發行的股份進行交易。
企業「回購股份」可以視為加分因素，但要記著，這不是核心因素，因為一間企業是否優質股，是否值得我們投資，最重要是分析「企業本質」，即是業務、發展、財務數據等，回購股份只是輔助因素。
敏華有長線投資的價值
4）敏華（1999.HK）唔差的，業務上有優勢有長線投資的價值，現價合理區中至中下位置，未到便宜區，如果沒有貨，可以先買一注。
5）華潤水泥控股（1313.HK）本身有質素的，不過業務就較有波動，過往的盈利數據上落都大，股價上落會較大，如果要投資，自己要注碼上控制，你的買入價合理。
水泥業務比較波動
水泥業務比較波動，而且有周期性，此類企業要大升的可能性不是沒有，但機會比較細，建議你不要太著重股價的上落，太留意反而會欠缺理性。
我本身沒有買賣黃金ETF，我投資貴金屬的目的，是對沖巨大不利事件的風險，例如超級天災、第3次世界大戰等，所以持有實金比較有利，如果你想投資，
可考慮SPDR黃金ETF
可以考慮SPDR黃金ETF（2840.HK），但因爲不建議此類資產佔組合比例過多，因此，不建議月供。石油屬於商品類別，自主定價能力不高，質素只係中等，不建議月供。盈富（2800.HK）在組合中有平衡的作用，可以月供。
建議你因應自已的財政狀況、風險承受能力、年齡、負擔、要求回報等，建立一個平衡，優質素，並適合自己的組合。
【理財個案】再有讀者持阿里＋小米蝕一半以上！忍痛沽10%定買阿里Call對沖？｜龔成教室
理財個案（4）讀者來信：神冠控股估值幾錢算合理？
老師你好，想再問一問：
你有留意（0829.HK）嗎？我見佢整體潛力不差，息率不錯，數字上表面上亦不錯，如你估值會大約幾$算是合理? 謝謝分享。
但幾年前有看過新聞說這公司造假？你會否有意見？ 謝謝你！
理財個案（4）龔成老師分析︰財務數字不過不失
神冠控股（0829.HK）集團主要於中國從事製造及銷售食用胶原蛋白腸衣產品。初步睇，財務數字不過不失，規模小，增長力不强，質素好一般。2014年，公司曾遭沽空機構Emerson Analytics狙擊，指控神冠毛利率虛高，令到股價大跌。
表現一般 不太建議投資
如果公司真的造假，對投資者來説無疑是不容沾手，雖然有無做假，其實好難知。但企業自2014年起，業績的確明顯弱左，加上佢本身的表現都屬於一般，不太建議投資。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
