理財個案】29歲讀者月入不高、儲蓄有限,兩年來將大部分積蓄(約20萬)都投放在投資市場,想請教其現貨組合是否具備升值潛力?有沒有增持/減持需要?

理財個案|誤信專家推薦亂入11隻股、現虧損4萬多元令信心動搖|龔成教室

理財個案(1)讀者來信:29歲月入不高儲蓄有限

你好龔成老師,本人29歲,剛投資不足兩年,月入不高 每個月儲蓄有限。兩年來將大部分積蓄(大概廿萬)都投放在投資市場,想請教一下以下現貨組合是否具備升值潛力?

20萬組合投資兩年應否加減?

有無咩要注意或者增持/減持既需要?希望得到老師寶貴意見。特別針對中國燃氣、呷哺呷哺、安碩恒生科技呢3隻股票既未來是否看好?謝謝您!

現持股票組合

股票 數量 平均買入價
0823.HK 4手 62.8元
1928.HK 3手 20.47元
1972.HK 3手 19.5元
1810.HK 5手 22.4元
3067.HK 10手 15.08元
0520.HK 5手 9.9元
0384.HK 4手 16.4元
0014.HK 1手 24.1元

理財個案(1)龔成老師分析︰「先增值 後現金流」方法

我哋投資增值會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自己創造穏定現金流。

29歲應以增值為主

你29歲,應以增值為主。你現時組合,都合適的。中國燃氣(0384.HK)業務有少少轉弱,但不是劣質,無論是行業發展,大環境,前景,仍有發展。財務數據正面,生意與盈利保持向上,股本回報率高,賺錢能力強,不過,負債少少高是扣分的地方。

中國燃氣可長線投資

整體來說,這企業都有投資的價值,可以長線投資,但未必是高增長類。但不建議持有太多。同時,佢上年出現咗不只一單爆炸事故,會扣少少分。因為有機會影響佢未來經營機會,但暫時未見有明顯的負面情況出現,故照持有係可以,但要控制注碼。

呷哺呷哺股價波動

呷哺呷哺(0520.HK)係中國經營火鍋連鎖餐廳,以「呷哺呷哺」品牌於北京、河北、天津、上海、遼寧、江蘇、山東、山西及河南等地營運。

這股有一定的質素,但股價波動,之前有高層離職,市場會擔心企業管治等因素。加上中短期會因疫情及市道因素而弱。

銀行業不要高於組合20%

這股現價合理區中間,不過仍未到大注時候,分注投資都可以,但不建議持有太過多。另外要留意組合平衡性,個別企業和行業,不要佔組合15%和30%以上,銀行業更加不要高於組合20%,否則會有過度集中性風險。(盈富由於係一籃子組合,故不受此限。)

維持組合的平衡性

你現時有不少股票,都係房地產類別(0823.HK , 1972.HK , 0014.HK),你要注意返佢哋長線比重,唔好超標。在創建組合初期,組合金額較少,出現超標都係可以接受。但長線你要參照這指標,去維持組合的平衡性,才算理想。

理財個案(2)讀者來信:點睇美股 Novavax?

龔sir你好,想請問你點睇美股 Novavax?我平均買入價係$123.6。都持有咗好耐喇。見佢間中好似有少好消息咁,成日都唔捨得放,應該繼續持有定放哂佢好?

理財個案(3)龔成老師分析︰唔好有「唔捨得放」的想法

我哋決定持有一隻股票與否,關鍵位係睇企業質素和前景。唔好有「成日都唔捨得放」的想法。Novavax Inc(NVAX)是一家處於臨床階段的疫苗公司,專注於重組納米顆粒疫苗和佐劑的發現、開發和商業化。該公司通過開發重組疫苗部門開展業務。

NVAX有好多不確定性存在

由於只係研發階段,有好多不確定性存在,例如尚要開發多久、中間會不會出現資金斷裂、疫苗最終能否上市、上市之後市場反映等,我哋都只能估算。

現時企業研發開支好高,現時尚在燒銀紙狀態,未知幾時才有真正盈利出現。故現時股價,很大程度係建基於未來。

如果持貨不多 可以守

所以,你預佢會好波動。而且,當市場或者公司出現負面消息,佢有機會出現大幅度調整。

我唔係話佢無投資價值,但始終不確定性好高,你的買入價合理,如果持貨不多,可以守,但你要預當中存在風險;如果持貨過多,就要適量減持。

理財個案(3)讀者來信:收入穩定想開始月供股票

老師你好,有問題想請教你,我最近搵到全職工作,收入開始穩定返,想開始做返啲月供股票嘅操作。我未到30歲,可以月供4/5千,投資經驗亦唔多,希望老師指點下組合係咪可取(每隻每月都供一千左右)?

每隻每月供$1,000是否可取?

理財個案(3)龔成老師分析:

上述都是有質素的股票,但當中的QQQ、3067.HK0916.HK 都是潛力類別,風險會有少少高。如果你能承受風險,無問題,但如果你風險承受能力不算高,就要調整這部分的比例,然後加入其他較穩健的股票類別,例如VOO。

你可以保持月供,但要同時留到現金,等大跌市時有資金運用。

按此免費訂閱《香港財經時報》HKBT 新聞快訊】


作者簡介:龔成(龔成Facebook專頁)是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。