【理財個案】全職媽媽，小孩現在三歲，疫情下留家時間增，嫌300呎屋企活動空間有限想換樓。但其40歲老公打算60歲退休，怕退休後没法負擔供樓，夫婿想法出現分歧。
理財個案｜夢想靠收股息＋做PT以便湊女！但11萬股煤氣正蝕50萬求意見｜龔成教室
理財個案（1）讀者來信：老婆嫌300呎唔夠住想換樓
你好，龔sir,老公月入五萬 ，40歲， 專業人士，2016年買樓結婚 ，價值370萬（實用面積300呎），現樓升值至約500萬。我是全職媽媽，小孩現在三歲，喜歡跑跑跳跳加上疫情關係，覺得屋企活動空間有限，想換樓，見有心水樓盤660萬（實用面積460呎）， 打算做供25年，月供16,000。
老公最尾5年供款没法負擔
但老公60歲退休，他怕最尾5年供款没法負擔，但我認為樓價會升，到時如果還唔到最尾5年都可以賣咗佢，買返細屋住，請問我這個想法是否可行？加上我有100萬積蓄，最壞打算可以用嚟還最尾五年供款。而且我亦考慮小朋友長大後，我會出來工作。
300呎自住樓裝修間兩間房
300呎自住樓二人世界可以，但是多了一個小朋友就真係唔夠住， 長遠來計，小朋友都需要一間房間，但老公卻說在這三百呎的房間間兩間房（現在只有1房），但我卻認為不如把這筆裝修費用來買樓來得更實際，對嗎？老公話儲多幾年錢先考慮换樓，但我認為儲錢追不到樓價的升幅及通脹，我不想未來二十年都是住在三百呎的單位，請問有什麼理據是支持現在買樓較好？
感謝老師解答
理財個案｜45歲以往無理財、但近年「窮人思舊債」求好股提議｜龔成教室
理財個案（1）龔成老師分析︰你和你老公的方法無絕對的對錯
其實你和你老公的方法，無絕對的對錯。首先，如果你係有生活需要，再加上長期供款能力，都不成問道的話，換樓其實可以。若你擔心最尾5年供款問題，你可以在此期間努力增值。到你退休時，只要你累積到一筆財富，將佢轉成收息資產（如收息股、債券、年金之類）。
現時樓市值博率比股市低
只要佢哋的被動現金流，係足以抵消你日常開支，加埋供款部份，咁就算你先生退休了，都不是問題。至於你先生想儲多幾年錢先換樓（但記住係要做增值，唔好只係儲現金），其實都可以。其實現時樓市已經唔平，值博率比股市低，故你投資股市，都有一定機會跑嬴樓市。
了解到底有無換樓迫切性
如果你擔心未必同步，你可以買入一些房地產類股票，去提升同步率。我只能說，你和你先生方法都係可行。至於用邊個方法﹐建議你哋要充份溝通，了解到底有無換樓迫切性（例如真係太細）。因為買一個物業，必需係適合你地未來10-20年生活。
你哋商量好，就一齊向這個方向計劃，咁就可以。
理財個案｜60歲媽將退休、35歲弟收入不定！二人各有50萬點投資好｜龔成教室
理財個案（2）讀者來信：黃竹坑金寶花園評價？
阿sir，
想問黃竹坑金寶花園，想作為第一層自住樓，投資價值及作為上車盤評價如何？
理財個案（2）龔成老師分析：間格四正 入場費不算高
都有質素，黃竹坑現時的定位比過往高咗好多，金寶花園雖然不是大型屋苑，但都幾四正，同時入場費不算高，加上近黃竹坑地鐵站及大型商場，只要呎價適合，你可以考慮的。
理財個案｜當年無知用家人錢買入不少劣質股！蝕太多想盡快回本｜龔成教室
理財個案（3）讀者來信：賣樓套現投資股票好嗎？
請問老師，
而家應該要賣樓套現，投資股票市場，好嗎？
理財個案（3）龔成老師分析：有3層才建議賣出其中1層
如果你有3層或以上，才建議賣出其中一層，轉投資其他工具。如果擁有1層，會建議持有物業，因為香港買賣物業成本高，加上無人知賣出後能否買翻，因此不建議。如果有2層樓，做這動作的好壞就一半半，要睇你自己情況。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
