抽新樓攻略(下)讀者來信:Anthony Sir你好!一直都有留意你的LIVE,很多新樓盤的分析都很客觀很中肯,聽朋友說抽新樓的時候只有幾分鐘,想諗清楚都唔得,好易做錯決定,是這樣嗎?應該如何避免?

買樓攻略|香港地理上的「中心點」是葵荃區!但沒有升值保證|第一桶金

回覆讀者來信:買新樓易做錯決定

是的,買新樓確實要好小心,很容易做錯決定!事實上,絕大部份新樓都有溢價,抵買的、有水位的確實不多,如果有聽我們的LIVE都知道,有別於一般的代理及KOL,大部份新樓,我們都說唔值得買。

如何分析該樓盤是否值得買?

上次的【抽新樓攻略(上)】七步曲中頭三步是要分析該樓盤是否值得買,要到現場睇地區,還要睇附近的二手樓、半新樓的成交價,用秤貨的方法,評估抵唔抵買,評估有冇水位,可惜大部份人都唔識,不然近期洪水橋、錦上路等新盤,就不會高溢價開盤,仍然熱搶了。

買樓投資同返工一樣!喜歡的不一定賺錢、賺錢的不一定喜歡|第一桶金

揀樓時容易做錯決定

另一個容易做錯決定的情況,就是揀樓的時候!

  • 一來,展銷會現場,氣氛高漲,很難保持冷靜理性,
  • 二來,很多人都說,揀樓的時間只有幾分鐘,很容易做錯決定。

抽中了該如何部署?

事實上只要方法用對,就能夠胸有成足,唔會揀錯了。【抽新樓攻略(上)】七步曲中的後四步,就是抽中了該如何部署。首先在揀樓之前,你必須要再到現場睇一次,今次與上次不同,主要睇樓盤,不是睇地區。

絕大部份人識買樓、但唔識投資!見到成交證明價錢已升!再買可能接火棒|第一桶金

揀定20至30個選擇 排好先後次序

手上拿着代理給你的攻略圖,看清楚不同單位的景觀,很多時展銷會的模型,都會避重就輕。之後就要跟你的代理好好溝通,揀定20至30個選擇,按你自己的預算及喜好,排好先後次序,當你有明確目標,揀樓就更快!

前籌早啲去 後籌遲啲去

發售當日,代理會根據發展商的要求,安排買家於合適的時間到達現場,簡單來說就是前籌早啲去,後籌就等遲啲去,再後就留在家中等通知,甚至可以慳番車錢唔使去。

買樓投資同返工一樣!喜歡的不一定賺錢、賺錢的不一定喜歡|第一桶金

代理是否專業很重要

就當你抽到前籌,去到現場,總會有人比你更前,這時候代理是否專業就很重要了。因為未到你揀樓的時候,你會在等候區等,唔知賣咗咩單位,唔知仲有冇心水單位可以揀。

專業代理會在揀樓區直擊報道

專業的代理團隊,會分派人手在揀樓區,直擊報道!

即使你身在等候區,仍然可以清楚了解去貨情況,到你揀樓的時候,進入揀樓區之前,你就知道還有甚麼單位可以揀,如此一來到你埋枱揀樓的時候,你就可以毫不猶豫的,揮食指一篤,馬上就揀到心水單位,莫說幾分鐘,幾秒鐘就夠,打埋卡都仲得。

買新樓前 一定要計好入息借按揭

記得買新樓之前,一定要計好數,絕大部份的新樓撻訂個案,都唔係因為唔睇好後市,而是計錯數借唔到按揭,包括你的入息是否可以通過壓力測試,包括你有沒有足夠的收入證明,是否符合貸款要求,例如借高成數按揭要有稅單等,小心小心!

按此免費訂閱《香港財經時報》HKBT 新聞快訊

作者簡介:1% Anthony( 第一桶金)、一巴仙(1%)投資培訓學院創辦人,TVB有樓萬事足、BenSir睇樓團II等顧問,多年來協助無數年青人成功上車,無數小業主倍增資產,財務自由!除了住宅,亦活躍於大陸樓、工商廈活化重建等,團隊是市場上最活躍的新晉發展商之一。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。