【理財個案】26歲現職3年公務員，一直不享受工作，但因正在供樓同供養母，才繼續做。3年來都辭職並半工讀一個大學學位，但因學費頗高好多掙扎，求意見。
理財個案｜45歲收入穩定！住公司宿舍至55歲vs月取6,000元房屋津貼買樓｜龔成教室
理財個案（1）讀者來信：26歲現職3年公務員唔享受工作
大師你一直係我追隨榜樣，因為你既思路同人生方向都令我好佩服！我想請教你工作前途上問題，26歲，現職3年公務員，其實自己一直唔享受這份工作，但因為薪金同家庭經濟狀（正在供樓同供養母親），所以繼續做呢份工作。其實係呢三年中自己內心都好多掙扎，想過辭職，但因為自己學歷本來唔高，要再搵到差不多薪水人工既工作非常難。
想辭職半工讀大學
龔成大師，最近我有個諗法，就係想繼續讀書，希望可以有個degree幫助未來發展，但現時如果再讀，需要3年時間，學費都頗高，自己半工讀信心不足。
龔成大師可否給我少少意見或鼓勵。
個案重點：
- 26歲
- 不享受現時工作
- 轉其他工作收入較少
- 有負擔
重點目標：
- 想半工讀一個大學學位
- 將來有更好發展
理財個案（1）龔成老師分析：每份工作都有好與不好
首先，你要好好想清楚，這行業是否適合自己，你要想得全面一些，就算你現時公務員的部門，都可能有不同的職位，可能當中有適合你的，我不想你太快否定，而是想想更多可能性。另外，每份工作都有好與不好的地方，你可嘗試發掘這工作好的一面，嘗試享受工作，用另一個角度感受。
不太建議你再讀書
如果你想清楚，都發覺這工不適合自己，先再想下一步怎樣做。我不太建議你再讀書，第一，三年時間太長，如果你用這些時間去學其他知識，或轉去其他行業由低做起，用三年時間去進修或得到更多行業相關知識，相信會有更好的效果。
可做小生意 學更專業的知識
甚至將時間去做小生意，可能有突破（很多事情，我們不做是不知有怎樣的結果）。又或學一些更專業的知識（不是為讀而讀），令你在三年內成為某方面的專家，現時大學生太多，如果你無獨特性，只持有一個普通的學位，作用不大。
讀學位需要一定資金
第二，讀學位需要一定的資金，若然你本身資金不多，要思考投入這筆資金去讀書，是否值得，還是將資金，去進修其他更實用的知識，甚至用作投資、做小生意，可能有更好的效果。
「為讀而讀」不值得
第三，讀完後是否就有適合你的職位？是否適合你長遠的發展？我相信你這刻仍不知道。如果你有明確的方向，知道自己日後想發展那個行業，而讀相關課程，我認為值得讀，但如果「為讀而讀」，只為了所謂的學位，我就不建議。
先思考大方向
這刻你最重要的，就是思考大方向，長遠的發展，現時的職位是否不適合，自己的興趣是甚麼，長遠想發展那一個行業，有了大方向後，到時再決定怎樣行這條路，是否進修行業相關的課程，可以到時先想。
理財個案｜36歲有兩間居屋！港股美股英股加密貨幣債券都有、投資會否太散？｜龔成教室
理財個案（2）讀者來信：希望兩年內達到千萬資產
你好龔老師，最近我睇返兩年前Send俾你嘅訊息當時講，希望兩年內儲到目標金額。好開心透過自己努力，上年已經完成左！好想同你分享！多謝你平日岀嘅文，好用心，每一篇我都有睇，我好認同所有命運都係掌握自己手中！我都希望有一日可以好似你咁，喺30歲前（仲有兩年時間），透過生意同埋投資，達到千萬資產。
手頭上揸住150萬現金
不過因為疫情原因，生意收入不穩定，宜家手頭上揸住150萬現金，想睇吓點樣分佈投資！希望每年身家可以有透過投資有15-20%增長。依家的起心肝撥翻點時間去鑽研優質股票！（我決定今年會報讀你嘅股票班喺上你嘅堂，選增長及潛力股前，我想先睇書學左收息股先，累積財富。
想將20%資金放進收息用途
你嘅書我都差唔多買晒，最近亦都買埋收息股呢本書，我想將部份資金（大約20%）左右放進收息用途，分散投資；係你本書提過利亞零售（0831.HK），置富產業信托（0778.HK），同埋我留意到一隻國際家居零售（1373.HK），我見佢哋股息率有成7.5%以上，你覺得可以嗎？
月供方法？還是一炮過入？
同埋入注時應該用月供方法？還是而家一炮過入會比較好？
謝謝你的建議
另外仲有2隻，我覺得質素幾好同埋派息幾穩定，都有7-8%或以上，香港寬頻（1310.HK）和偉易達（0303.HK），你覺得呢兩隻質素如何？值得長線買入收息嗎
理財個案（2）龔成老師分析︰普通人10-15%比較合理
首先恭喜你達成目標！人生好多事情只要你「肯想」「肯做」就有機會成真的。如果每年15-20%的增長有小小進取，巴菲特每年的投資回報率是20%，普通人10-15%比較合理，當然，如果你好好提升自己的投資技巧，無話一定唔可以達到。
【投資倍升股課程】適合初學者
本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。
利亞零售投資價值只是中等
書本上，你可以睇我寫的《80後千萬富翁》、《財務自由行》和《股票勝經》，都適合初學者。至於你講的股票，利亞零售（0831.HK）自從賣咗資產後，發展只是一般，同埋之後好睇佢資金的運用情況，投資價值只是中等。
各股票分析評價
- 置富產業信託（0778.HK）有質素，持有民生類資產，較少受經濟周期影響，是不錯的收息股。
- 國際家居零售（1373.HK）過往財務數據不差，生意盈利保持增長，有長線投資的價值。
- 香港寬頻（1310.HK）本質不差的，業務穩定，現金流強，不過就增長較弱，長遠亦唔見到有大的增長。
- 偉易達（0303.HK）作為收息及平穩增長股，可以，但增長力就不算強。如果你目標係收息為主，加基本增長，此股可投資，但不能太過大注。
初學者月供策略比較好
策略上，因爲初學者還未掌握平貴的技巧，所以一般月供會比較好，有助將價格平均，避免買貴貨。你的150萬現金，係會因應自己的財政狀況、風險承受能力、年齡、負擔、要求回報等來做分配。
先小注買入平穏增長股
在上堂前，你可以先小注買入一些平穏增長股，或你提到的收息股。餘下部份，你可以等上完堂，知具體如何操作，有了基本的概念先在做配置都可以。股票班見！
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
