理財個案】36歲讀者本身有20萬作股票買賣,另有有40萬金器,想將之套現轉買屯門車位收租,想知是否可行?目標10年後可成被動收入。

理財個案|42歲夫婦有3層樓2車位!按揭欠1,300萬有排供感擔心求盡快減債方法|龔成教室

理財個案(1)讀者來信:36歲有40萬金器想套現

你好,本人36歲,有20萬作股票買賣,另有額外40萬金器,如果我將金器套現轉買屯門車位收租,你覺得可行嗎?目標10年後可成被動收入。

理財個案(1)龔成老師分析︰車位有長線投資價值

車位都可考慮,因為是土地衍生出來的工具,都有長線投資價值。最好是市區,屋苑,同時你要以車主的角度,分析該車位是否好泊。現時的車位比之前回落翻少少,算是合理區頂,投資回報率不算高,因此投資價值只是一般,但你本身有自用需要,因此,如果你資金足夠,仍是可以考慮的。

黃金沒有現金流

另外,黃金是貴金屬,有「終極貨幣」之稱,是人類自古以來的貨幣,因此,有持有價值,而現時我哋的現金,一定長期貶值,所以黃金長期會向上。不過,黃金沒有現金流,持有無法創造出經濟價值,其主要作用是對沖黑天鵝事件。

投資黃金 建議佔財富組合3%

所以,你可以投資黃金,但不用佔財富比例太多,我一般建議係佔財富組合3%左右就足夠,而且持有的應該為實金。若你現時黃金佔財富大部份,我建議你沽少少,換至優質股,咁會較理想。(當然,如果你這些金器係有紀念價值,則另作別論。)  

理財個案|30歲月入17K、被前女友嫌窮!儲到3萬想趁跌市投資|龔成教室

理財個案(2)讀者來信:34歲買VOO/VHT定2800好?

多謝龔sir百忙中抽時間回覆,另外想問吓,依家都係想穩陣投資,我未買過美股,想買ETF,應該買VOO/VHT or 2800.HK 好?邊類升幅回報會大啲?

好多股票坐緊艇

同埋我好多股票坐緊艇,9988.HK 佔了大部分(之前提及過)現在跌市低位真係好想入市,想買返相對低風險的ETF, eg VOO, 但我已經無咩現金,我打算銀行借貸10萬去分注投資,是否真的可行?

打算銀行借貸10萬去分注投資

(我本身未借過錢,知道投資其實應該要用閒錢,唔應該借錢,但突然某日見到你回覆讀者建議可以咁做,銀行相對低息所以我想試試)這問可行嗎?

PS. 本人34歲,月入$46,000,有兩個小朋友,$11,000要供樓

感謝回答

理財個案(2)龔成老師分析︰長線港股和美股可考慮

你所講3隻ETF,都可以考慮。長線港股和美股,相信都會係表現較佳市場,都可以投資。但我建議集中VOO和2800.HK,因為佢係代表整個市場,平衡性較高。VHT係個別行業,最多只宜佔組合3成左右。

借貸創造有風險

以你年紀,都有一定負債能力,但你要明白借貸投資,係有一定風險。借貸創造,表面上無本生利,但實質有風險的,你負債增加,風險會增加。另外,如果你投資的股票不幸股價下跌,你就會出現「賺息蝕價」,對你不利。同時間,如果日後加息,又或你收息股的派息減少,都會令你得到的息差回報收窄,你的回報會減少。

理財個案|40歲原本想提早55歲退休!但近兩年蝕到入肉不敢再加增長股|龔成教室

理財個案(3)讀者來信:買小米的時機?

如果睇好小米未來嘅電動車,而佢電動車業務會分拆,咁應該而家買1810.HK定係等佢小米電動車公司上市先買會好啲?AAPL嘅Apple Car團隊解散知道係咩問題嗎?對Apple影響大唔大呢?

地產股長遠前景會變差?

一啲地產股例如太古地產1972.HK、領展0823.HK,佢哋係好靠寫字樓、商戶租金收入,但往後嘅世界催向數碼化,WFH文化令辦公室嘅需求減少,零售行業好多都轉到網上,其實會唔會令以上地產股長遠前景變差或質素下降呢?

你對呢個轉變有咩睇法?

理財個案(3)龔成老師分析︰應該買咗小米先

其實唔知將來小米(1810.HK)電動車業務會否分析的前題下,你應該買咗小米(1810.HK)先。之後,再因應佢分析認購價平貴和風險程度,再決定會否入貨。

AAPL本身有一定業務

Apple Car團隊解散情況,外人實在難以清楚知道,背後發現什麼事。但以往一直高調話會出Apple Car的情況下,做出過個舉動,並不理想。但最終會否對其發展計劃,出現負面影響,我哋要再觀察才會知道。AAPL佢本身有一定業務,這件事會扣分,但不致有重大影響。

2隻股票都有投資價值

至於你在地產類的擔憂,係有機會發生。但暫時未見整個生態文化,有好明顯的轉變,暫時這2隻股票都係有投資價值。

按此免費訂閱《香港財經時報》HKBT 新聞快訊】


作者簡介:龔成(龔成Facebook專頁)是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。