理財個案｜阿里巴巴股價一路跌！難回到平均成本價221元！沽唔沽好？｜龔成教室

【理財個案】讀者有兩手阿里巴巴，平均成本為$221.05，他表示知政治風險對佢影響大，料中線好難上返他買入價，加上持有其他科技股，應否先沽出一手？

理財個案｜36歲有40萬金器、套現買屯門車位收租是否好辦法？｜龔成教室

理財個案（1）讀者來信：知道每個行業不要超過30%

龔Sir你好，我有個疑問想問啊，我平時都有睇開你既分享，知道每間公司每隻個股都不要持有超過比例既15% 每個行業不要超過30%，想問下個比例係咪計現價而不是投資額啊，因為科技股都跌不少，要計下數先。

阿里巴巴股價一路跌

另外都想問下心態問題啊，（9988.HK）佢一路跌一跌跌，中線睇佢都好難上番我個平均成本$221.05，知道政治風險對佢影響好大。我手頭上果2手，計番成個組合係現價投資組合黎講係9%，但如果以我投入既投資額係21%，我又唔等錢用，手頭上都有資金 。

自己又比較睇好小米

我係咪應該等中央政治明朗少少先考慮入（9988.HK）呢？定好難估？我應該等佢回調時賣左一手佢，因為科技股我仲有（1810.HK）同（3067.HK），現價計的話連阿里組合16%，但投資額計已經係31%，我自己又比較睇好（1810.HK）。

理財個案（1）龔成老師分析︰阿里建議最多佔組合1成

這個比重，係計現時市值。我一般會半年至1年去審視一次，睇下有無問題。另外，銀行業風險較大，佢最好不要超過20%。阿里（9988.HK）現時政策風險較大，建議最多佔組合1成。以你現時狀況，市值大約16%的話，我覺得都可以，只要唔好再加注就得。但如果你想平衡D，但又唔夠資金。你沽出一手，去買其他股票都係可以。

理財個案（2）讀者來信：12萬本買美股＋港股 

阿sir 我想請教下你我可以點…之前啱啱爆疫情時，拎咗個本大約12萬買部分美股、部分港股。tsla amd futu、快手（1024.HK）高峰升到去50幾萬…因為個時都有聽你講，要耐心持有。

已減持部分 現只賺少少

到而家， 我已經減持咗部分，但都仲有貨，錢嚟講，未輸嘅…但而家又比起當初嘅本只係多咗少少，得返20萬左右…我真係好迷惘，好驚再唔放連個本都無埋，但又覺得都唔差在，唉！求求你比啲意見我。謝謝。

理財個案（2）龔成老師分析：唔好俾心理影響

你唔好俾心理影響，我明白你個想法，就係後悔點解個陣升，又唔出貨賺左先，現家變到跌返晒。但你要明白，係升到5X萬個一刻，你有無方法，可以確認之後，佢係一定會幅回調，而唔係大幅上升。如果你沽咗後，佢再大升。你就會錯失升值機會，和要用較高成本才可以買回。

要策略性部署

當我哋回頭睇，當然會知個陣點做先最好。但問題係，當時你無可能有足夠資訊去做決定。所以，我哋要策略性部署。我哋只會係大市好狂熱、股價好貴、或者長線質素變差才會沽出。因為這些情況，我哋就有一定程度知道，佢未來增值空間已經有限。

FUTU和快手不宜持有太多

相反，如果股票係有質素，我哋就不用理會中短期波動，一直去持有，就才會是最穏當做法。你上述股票都有質素，但佢哋都係不確定高的類別，特別係FUTU和快手（1024.HK）不宜持有太多。如果你持股不多，可以守。相反，你就要沽少少，去平衡風險。

理財個案（3）讀者來信：40歲長期投資組合求建議

龔成老師我今年40歲，的組合是這樣：

股票跌得多 預長放不走貨

我不會走貨的，如想在18000點樓下分注加，請教有什麼建議？0388.HK / 0700.HK / 1177.HK？或原有組合溝貨？跌到咁已經預咗長放。

理財個案（3）龔成老師分析︰可優先加潛力股

你持貨都有投資價值，可以守。但東風（0489.HK）和TCL電子（1070.HK）質素唔算好高，長線不要持有太多。你想加注，可以用（0388.HK / 0700.HK / 1177.HK）。因為你現組合都有少少保守，優先加入這些潛力股，都係可以。

但長線計，你潛力股佔組合3成好了，其餘應為平穏增長股。

理財個案（4）讀者來信：持股高位買 跌一半好傷心

龔老師，因為近期股票太波動！真係好傷心。手上比較擔心有瑞聲科技（2018.HK）買入價42.6元、微盟（2013.HK）買入價20元，各一手，都係之前高位買入，依家起碼都跌咗一半唔知點好？老師有冇咩好提議？同埋覺得呢幾隻股票點樣？因為當時諗住都係科技股發展嘅時代，手上仲有其他科技股，等老師方便嘅時候再回覆，謝謝

其實ATMXJ呢我都有…但係相對來講冇咁擔心

理財個案（4）龔成老師分析︰潛力股波動性較大

你要學習，唔好俾大市氣氛，影響自己判斷。我哋持有股票與否，佢視乎佢有無長線投資價值，而唔係而一刻架賺蝕。你上述股票，都係質素。但這些股票，都係潛力股型為主，佢哋波動性較大，特別係微盟（2013.HK）不確定性就更高，不宜持有太多。

若你組合上，只有這些股票，未來時間我建議你加入平穏增長股（長線佔組合一半以上，現價都合理），去平衡風險。

【按此免費訂閱《香港財經時報》HKBT 新聞快訊】

作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。

免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。