新盤專輯｜恒地The Harmonie映築｜交通便捷、戶型多元

【新盤專輯】香港抗疫終於露曙光，4月21日限聚措施逐步解除，港人有機會報復性消費，而冰封多月嘅樓市買賣近日就略為增加，港人當然唔可能「報復性」入市，但應會趁樓價回調揀心水，加上發展商也會積極推新盤，樓市交投會活躍一點。

特區政府將加快拓展新界區，但幾時有大量單位供應係未知之數，市區盤畢竟受惠交通便捷需求仍然好大，近年不少舊區都有一手盤供應，用家都算有唔少選擇。既然揀得市區，交通方便自然最重要，長沙灣新項目映築（The Harmonie）就佔盡這方優勢。

映築位於青山道233號，與長沙灣港鐵站只係約五分鐘步程，淨係呢點已經夠吸引，附近仲有保安道遊樂場同深水埗運動場，大人細路都方便舒筋活絡。而再行多十幾分鐘就到深水埗，千祈唔好以為深水埗仲係舊區，果度固然仍屬新舊科技產品集中地，近年更有唔少特色食肆開業，係新興嘅「飲食天堂」。

呢幾年長沙灣有不少新盤落成，除鐵路之外，其他交通工具設施都有改善，連帶衣食住行配套都十分完備，除非係好大家族，否則邊類核心家庭都有適合，因為映築戶型相當多元。雖然屬單幢式物業，映築間隔分為1房至3房設計，實用面積由322至457平方呎。

映築單位採用開放式廚房設計，以實用主義為原則。國際品牌廚房家電齊備，一應俱全。

映築戶型相當多元，間隔分為1房至3房設計，實用面積由322至457平方呎。

映築單位浴室牆身用上石材質感面板拼合，浴室座廁、洗手盆龍頭及花灑均採用意大利品牌。

映築35樓F室以兩房間隔，廚房採用開放式設計，並設有露台。單位實用面積322平方呎。

映築另設逾萬呎住宅會所，除咗有以音樂及日式禪意為設計藍本的靜態會所設施之外，仲特別打造「Zone Fit健身天地」，善用活動式間隔，住戶使用時可以有更佳私人空間。該盤對上兩張價單都係推出後立即沽清，已經證明獲得置業者的歡迎，若果唔係之前為抗疫暫停推售，話唔定依家已經賣晒。

映築設逾萬呎住宅會所，有以音樂及日式禪意為設計藍本的靜態會所設施。

映築住客會所「Zone Fit健身天地」設有一站式高度技能訓練器材系統。

農曆年前映築已發出5號價單，由於防疫措施關係未曾開售，日前推售沿用該價單，折實入場費唔使700萬元，呎價2萬元左右，同鄰近新嘅私人屋苑唔少都超過兩萬蚊計，已經算有少少低水。

The Harmonie 映築網站：https://bit.ly/36fLMHA

免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責。而本網頁所有專欄作者的觀點，不代表本媒體立場。