理財個案】36歲讀者月入3萬元,與太太剛開始供樓!現在的投資組合內有港股美股,計劃月供騰訊及美股QQQ,近期烏俄打仗,亦考慮買對沖股票減風險。

理財個案|31歲夫婦搵得多使得多!還按揭負擔大如何財務自由|龔成教室

理財個案(1)讀者來信:36歲夫婦剛開始供樓

龔成老師,我有看你的股票書,增加自己的投資知識。我今年36歲,把我的現金+股票約30萬(不計物業,物業市值約700萬,與太太剛開始供),計劃一半是現金,一半放到股票。我每月3萬人工,因要供樓,每月只儲到1萬。

我會月供:0700.HK0823.HKUS:QQQ 約 $4,000 / 月

現持港股有:

  • 1手港交所 0388.HK,買入價$38,900(烏俄打仗開始剛買入)
  • 3手建行 0939.HK,買入價$5.93
  • 月供騰訊 0700.HK,領展 0823.HK 每月各$1,000(上月開始供)領展

美股:

  • 4股 Costco,買入價:US512.7

美股倉我想看機會增持,買美股目標Pool, QQQ, DHI, BRK.B .計劃增持到港股美股共15萬,另外15持有現金。股票部分期望每年15%增長。請問你對此股票組合,老師有甚麼意見?

烏俄打仗想買對沖股票

2。有見因烏俄打仗,市場比較波動。我了解有對沖以防止股票下跌風險。我想了解對沖運作。如我有5萬美股同IXIC 有關,我買入1.7萬SQQ可以嗎?

對沖有甚麼風險?

如對沖S&P相關股票,如有7萬S&P相關股票,我買入7萬ProShares Short S&P 500對沖可以嗎?我見對沖只是短期,不是長期指甚麼意思?對沖有甚麼風險?你建議我對沖還是減持股票?謝謝老師。

理財個案(1)龔成老師分析︰

你現時持有股票,都係有質素。不過,你目標係每年15%增長的話,建行(0939.HK)這類收息股,增長力不高,就不太合適。其餘股票都可以,不過你組合中,很大都是潛力股,風險略高。雖然增長潛力大左,但同時風險都會高左,你要明白這一點。

不建議做對沖

現時大市在合理區,現金佔組合大約3-5成左右,故你計劃係合適。至於對沖,我就唔建議,因為投資係長線。透過企業自然成長,以達至增值目的。過去多年,美股都一直向上,如果你做對沖,其實只會浪費自己成本。

理財個案|夫婦要供樓、BB出世請工人增開支!10萬現金點增值|龔成教室

理財個案(2)讀者來信:我短抄負債30萬 先還錢才可再投資?

老師,我短抄,負債30萬。

每個月儲錢只得2,000元。

請問我係咪要還晒錢先再諗投資?

理財個案(2)龔成老師分析︰投資一定係長線

唔好再短炒了,我哋投資一定係長線,你見全世界最成功的投資人巴菲特,都只會做長線投資,唔會短炒。因為中短期股價,可以因為好多因素影響,有些因素甚至跟企業無關,所以無得計。但長線企業價值,必然會反映在股價上,只要長線持有優質股,就自然會有理想回報。

坊間散戶經常要睇股價上落

所以,我地唔會好似坊間散戶咁,經常要睇住個股價上落。反而係投資前,我哋要做較多準備功夫,去分析一間企業質素和平貴度,以制定入市策略。當買入後,只要佢長線質素無明顯轉壞,我哋長線持有,讓其自然增值就可以。

還錢先定投資先 係機會成本問題

你要時還錢先,定投資先,係一個機會成本問題。如果你係高息貸款,就應先還錢。如果係低息貸款,其實你先用資金作增值,效益會較高。

理財個案|32歲月入2萬供緊樓!現金得10萬無股票、點做可以買多兩層樓|龔成教室

理財個案(3)讀者來信:月供騰訊定港交所好?

老師我想請教您,我而家月供緊騰訊 0700.HK 每一個月3,500元!已經供咗一年但效果一般!想問10年之後大概會多少回報?及想問吓如果 0700.HK0388.HK 你會覺得邊一隻月供會比較好啲?

十分感謝。

理財個案(3)龔成老師分析︰潛力股類適合年青人

最近2年受疫情和地緣戰爭風險所影響,令到整體經濟都差,其實唔會有邊一隻係會明顯出色。騰訊(0700.HK)有質素,可以作長線投資目標。但我會建議你唔好集中係一隻,成個組合要平衡,包括不同行業優質股,以分散風險。故你可以加入埋港交所(0388.HK),令組合更平衡。

另外,你上述2隻,都係潛力股類,適合較年青人士。若你年紀較大,就不宜持有太多。

理財個案|43歲未婚剛辭職!想將自住樓出租、與同住母親齊搬到澳門過活|龔成教室

理財個案(4)讀者來信:打算用10萬元買潛力股

龔老師,你好。我看完你的兩本書,對投資左咗多了一啲了解,但仍然係不知道該怎樣買股票。我打算用10萬元買潛力股但不知道該怎樣操作。例如該買那些幾隻股?應該只買單一還是幾隻?那個價係合理?

該買多少股?分注是每次一手?

該買多少股?分注是每次一手?還是幾手?需要長期持有多久?我一頭霧水。問可以指導一下我嗎?因為工作加進修關係,我未能抽空到你的課程去學習更多,真抱歉

理財個案(4)龔成老師分析︰買股票不是睇「買入價」

我哋做財富增值,最重要不是睇「賺蝕」,不是睇「買入價」,而是睇質素。質素不好,增長力弱,就有可能賣出,蝕都要賣。你要分析「之後的組合情況」,不是過去,是將來。應該持有那些優質股,比例如何,能為你帶來怎樣的長期財富。

理財個案|35歲人工20K但有100萬現金!手上股票高位買求指教|龔成教室

要分析你的投資目標

你要分析你的投資目標,你想潛力股的比例多少?平穩股的比例多少?組合風險程度如果?即是你想設計一個怎樣的投資組合?長期、優質、平衡、適合你。若你係偏向中年的話,潛力股不宜佔太多,否則風險過高。若你係年青人,比例就可以多少少。

宜每月先用5成儲蓄做月供

你現時無投資知識和經驗,對企業估值,點去定平貴未必會太了解。所以你先利用月供模式,去做增值,可以減低買貴貨風險,對你而言會較理想。現在你每月先用5成儲蓄做月供。其餘先儲起,用一邊月供一邊儲蓄的策略。

按此免費訂閱《香港財經時報》HKBT 新聞快訊

作者簡介:龔成(龔成Facebook專頁)是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。