理財個案】讀者買入兩隻潛力股,包括小米安碩恒生科技勁跌幾成!不知應該沽定溝?另政府重推綠色債券,回報好像不錯,想知是否值得認購嗎?

【港元定期】6大銀行港元定存|至少都有3.6厘|面息跑贏綠債|儲多少可年賺$2,760利息?

理財個案(1)讀者來信:認購綠色債券好唔好?

龔sir我宜家有呢兩隻股票買咗:3067.HK1810.HK,宜家都跌咗幾成,應該放定係再溝?

同埋認講綠色債券 Green Bond抵唔抵?

thank you!

理財個案(1)龔成老師分析︰不要被買入價影響

首先你要明白一個概念,我哋持有一隻股票與否,關鍵位是企業質素、前景,不要被買入價影響。因為我哋買股票就是買企業。如果企業質素轉差,就要賣出。如果企業某些核心優勢減少咗,就有機會減持,因此,我哋要分析企業的核心因素,一些長期的賺錢能力,有無改變。

2隻都有長線投資價值

這2隻都有長線投資價值,不過都係潛力型,而且同是科技股。個別企業和行業,不要佔組合15%和30%以上,銀行業更加不要高於組合20%,否則會有過度集中性風險。(盈富由於係一籃子組合,故不受此限。)

在創建組合初期,組合金額較少,出現超標都係可以接受。但長線你要參照這指標,去維持組合的平衡性,才算理想。因此,你要睇翻自己組合情況,去作出調整。

綠色債券抽得過 但回報不高

香港綠色債券,抽得過,但回報不高,不過好處是極低風險,可投資當賺少少錢。政府公布發行綠色零售債券比香港居民認購,所得資金用於具環境效益的綠色項目。

【MPF表現2022】首季人均蝕16,600元!中港股票連續3季見紅!專家薦翻身攻略|附10大表現最佳基金

綠色債券認購詳情

  • 發行年期:三年
  • 面額:$1萬港元
  • 利息:每半年派息一次,利息與通脹掛鈎,政府保證2%
  • 原本認購期:2022年3月1至11日(編按:預計4月底可供認購)
  • 認購資格:持有效香港身份證嘅個人投資者
  • 原本上市日期:3月23日在香港聯合交易所上市,並可在二手市場進行買賣

綠色債券可考慮認購3-5手

有興趣的投資者,可考慮認購3-5手,相信今次每人分得不多。如果資金無特別用途,可考慮長線持有3年,當定期的代替品。如果無興趣放咁耐,可上市即放,賺少少。

因疫情關係,時間會推遲,新的認購日期,要待政府確認

理財個案(2)讀者來信:市場觸感係如何訓練?

龔先生,你好,我有問題想請教下,先生你作為投資人,

  1. 市場上有好多消息,你會點去了解市場消息而從中分析市場狀況對投資對象嘅影響?
  2. 先生嘅市場觸感係如何訓練?
  3. 通常大戶既思維模式係點?
  4. 先生會投資股票以外嘅工具嗎(例如: ETF、債券、衍生工具、加密貨幣)?

如果你能抽空解答,實在感謝,就算冇空解答亦冇大礙,祝身體健康

理財個案(2)龔成老師分析:關鍵是睇企業 非睇股價

  1. 分析該消息對企業長期(如3年後的業務是否仍有影響)
  2. 當你睇咗20年股市上落就得,其實關鍵是睇企業,不是睇股價
  3. 利用恐慌,大市跌,散戶就會賣貨,大戶入貨
  4. 物業

按此免費訂閱《香港財經時報》HKBT 新聞快訊

作者簡介:龔成(龔成Facebook專頁)是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。