理財個案｜32歲澳門人月入2.5萬、想沽盡股票加儲蓄買樓抗通脹

【理財個案】32歲澳門人月入2.5萬元，有一小朋友6歲，現時每月淨儲蓄8,000元，現自住單位是另一半名下（不用供），想沽盡股票加儲蓄買樓增值以抗通脹。

理財個案｜讀者來信：32歲澳門人月入2.5萬

老師，要請教，我32歲，澳門人，會展業，有一小朋友6歲，月薪25K，現時每月淨儲蓄8,000元。

資產：

20萬小朋友儲備金
38萬現金

股票戶口現值15萬（最初投資25萬已虧損10萬）

股票	數量	買入價
阿里巴巴（9988.HK）	200股	295.5
晨訊科技（2000.HK）	1000股	12.4
阿里健康（0241.HK）	2000股	22.1
完美醫療（1830.HK）	2000股	6.67
舜宇光學（2382.HK）	100股	176
京東健康（6618.HK）	400股	142.5
嘉和生物（6998.HK）	1000股	23.47

理財目標

買樓（而家有屋住緊，另一半名下的，我不用負責供樓，另一半仲有大概5年供完，分產）

買層樓目的for兩個原因：

希望買樓10年後升值，賣咗佢，有一筆錢大俾小朋友外國讀書
如果唔賣，層樓可以繼續keep，抗通脹

買樓資金：

賣曬股票加儲蓄約50萬現金+加按另一半物業50萬
一共100萬首期買400萬的樓，借8成（未知銀行批不批）
20萬小朋友儲備金以防不時之需

理財個案｜41歲公務員住政府宿舍、有3層樓收租！想用埋公務員配額再買居屋自住｜龔成教室

買樓疑問：應該買新樓還是舊樓？

1. 應該買新樓還是舊樓？我自己偏向10年內新樓，因為新樓需要維修的頻率會比舊樓低，管理教容易，而且升值空間比20年以上舊樓穩。但10年內新樓400萬左右，在澳門大多數係開放式400呎左右，憂心日後開放式放售比較困難，畢竟澳門單位一般都比香港大，家庭普遍會入手有廳有房單位。

月薪金25k 供樓每月13k 會否太冒險？

2. 我咁樣會太冒險嗎？每月薪金25k，供樓每月13k（租俾人大概7000，實際自己需供6k），日常必要支出13k，仲有6k可以做儲蓄或投資

3. 如果現在不趁疫情入市，日後會否更難入市，因自己始終覺得有自己名下物業有安全感

還是我應該放棄買樓？

因為：

港澳政策不穩，同埋疫情，容易一入市即跌。尤其驚中央大力推澳門同橫琴合作發展會對澳門樓市有大影響
留返啲錢做其他流動性大的投資，例如股票基金

感謝您抽時間回覆

理財個案｜32歲月入25K、大部分用來還賭債！如何能谷底翻身？｜龔成教室

龔成老師分析︰現時樓價其實唔平

1) 一手樓一般都有溢價，變相令你投資回報減少。2手樓，其實20-30年內樓齡都可以，重點係大廈和單位本身，保護得好唔好。至於大細方面，最好係300呎以上，滿足到一個家庭基本需要。

2) 不過，現時樓價其實唔平，如果用作投資，未必係一個理想時機。

料澳門樓市平穩及少少向上

我相信澳門樓市，會平穩及少少向上，當然中短期可能會波動，但不會大跌。同時，考慮現時的樓價與租金回報率，也較難大升。相比之下，現時股市值博率反而較高。若你目標係投資，建議用優質股作目標，相信會較好。另外，我地財富增值除了質素外，都講求平衡性。你本身已經有一個自住物業，如果你股票全沽去再置業，成個組合就會偏晒係物業類，並不理想。

投資優質股比置業更理想

3) 從投資角度，現時置業未必咁理想，投資優質股相對會較好。至於政府政策，這類風險有時好難預計，所以先叫你唔好集中係單一資產。如果真係有對澳門樓市不利消息，你就成個財富組合會出現較大回調。我建議你，現時先用優質股做增值。到將來樓市真係有明顯回調，才再作打算。

投資「平穏增長股」和「潛力股」

策略上，你可以投資「平穏增長股」和「潛力股」。你每月5成儲蓄，即是用$4000做月供。其餘先儲起，用一邊月供一邊儲蓄的策略。如果你現時無太多投資經驗和知識，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

以「分注」形式慢慢入貨

若你有一定投資知識﹐潛力股比重可以相應調高，佔組合約3-5成，視乎你投資知識多寡和了解這些股票程度而定。大市現處於合理水平，那38萬資金，你可以再用多10-15萬，以"分注"形式慢慢入貨。餘下資金和每月儲蓄，就等大跌市機會出現，才大力度掃貨，並長線投資。

集中潛力股令組合風險偏高

你現時持股，雖然都有投資價值，但太集中係潛力股，令你組合風險偏高。建議你新資金，可以較集中在平穏增長股，去提升翻組合平衡性。

至於小朋友儲備金，如果可投資時間較長，都可以用上述股票進行增值。

【按此免費訂閱《香港財經時報》HKBT 新聞快訊】

作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。

免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責。而本網頁所有專欄作者的觀點，不代表本媒體立場。