抽新樓攻略(上)很多人都想買新樓!很多人問,抽新樓有甚麼步驟?有甚麼要注意?有甚麼中伏位?最初我都覺奇怪!如此熱門的Topic,網上應該有很多資料吧!後來聽朋友說…資料確實很多,但唔夠入肉,睇完都唔知應該點做先可以做好投資決定!於是我就自己上網睇吓,又好似係喎!

屯門掃管笏租務表現不似預期!市區劏房價租到全新單位|第一桶金

例如很多網站開始時都會說,發展商上載樓書,細心睇!

說實話,你有冇睇過?…一來資料繁多,二來內容艱深,甚麼公契、地契、測繪圖、對很多新手來說,識鬼咩?!我自己買樓都未必睇!又例如講揀樓很多都輕輕帶過…睇啱就入票,然後發展商抽籤,如果抽中開售當日你就可以去揀樓,揀完樓之後即日會簽埋臨時買賣合約…講完!Oh No!如此重要的程序竟然幾句就講完?黃金食指一篤,就成千萬!準備功夫一定要做得足!

抽新樓攻略第 1 步:發展商於開售前最少 7 日上載售樓說明書

這個時候買家應該要做的是…落區睇樓,了解樓盤!

說這個時候不用花時間睇樓書,真的喜歡,真的想抽,再細讀也不遲!價錢還未出,你急甚麼?看看各大傳媒的懶人包就可以,最重要的反而是落區睇盤。

【居屋2022】啟德啟欣苑首期最平6.2萬!位處豪宅新區+校網靚!呎價、交通、配套實地考察

落區睇盤最重要

  • 第一,睇真實環境!新盤展銷會都在商廈商場,廣告片都是俊男美女、鳥語花香,現實環境呢?例如火炭的新盤,其實是在工廠區,到處都有泥頭車、貨車、搬運工人,在廣告片在展銷會可以見到嗎?
  • 其次,睇真實市場!例如洪水橋的新盤,肯定不熟悉吧!因為現在甚麼都沒有!附近發展如何?坐貨要坐幾耐?附近二手市場如何?幾多錢才值得買?相比睇樓書,這些不是更重要嗎?

抽新樓攻略第 2 步:發展商在開售前3天公佈價單及銷售安排

這個時候買家應該要做的是…計準自己條數,計準抵唔抵買!

廣告大字標題 $XX,XXX 起,唔使興奮!這是入場價,通常都買不到的,還有,通常這是質素最差那間,俾你都唔想要;還有,如果做高成數按揭,要用建期,折扣一定更少!一般來說,你買到的價錢會比入場價大約高一至兩成。此外,銷售安排中還有一些重要資料,例如關鍵日期付款方式等,都要留意。

財政預算案2022|放寬首置按保|1,000萬至1,200萬樓可做八成按揭|業界:料貴價樓量價齊升

抽新樓攻略第 3 步:發展商開放示範單位

這個時候買家應該要做的是…抽時間去睇示位,準備入票啦!

裝修好的單位,仿如魔法幻影,靚到揼一聲嘅,睇吓好啦,幻覺嚟架!有啲示範單位,冇改動過,即是所謂的清水房,亦即是交樓標準,收樓就是這樣子,這個示位反而要金晴火眼睇清楚,甚至用拉尺度清楚!另外還要睇清楚樓盤模型,到最後揀那個單位這是很重要的你甚至可以叫代理開埋個VR航拍俾你對住睇,大概知道單位的實際景觀!

用組合票 提高中籤機會

新樓會所配套,也很重要!睇過現場,睇過示範單位,計啱數,就可以入票了!如果樓盤多人抽就要用組合票,提高中籤機會,代理會教你。本篇內容,我們的YouTube「第一桶金」會有詳細版,歡迎瀏覽,下篇再講最關鍵的揀樓技巧,不要錯過啊!

按此免費訂閱《香港財經時報》HKBT 新聞快訊

作者簡介:1% Anthony( 第一桶金)、一巴仙(1%)投資培訓學院創辦人,TVB有樓萬事足、BenSir睇樓團II等顧問,多年來協助無數年青人成功上車,無數小業主倍增資產,財務自由!除了住宅,亦活躍於大陸樓、工商廈活化重建等,團隊是市場上最活躍的新晉發展商之一。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。