【理財個案】讀者趕結婚，買了恒大220呎細單位。見政府未來禁止興建280尺以下單位，手上納米樓將成絕唱，想知應該睇升定睇跌？點部署細單位換大單位？
理財個案｜27歲可月儲2萬、有60萬現金！持多隻美股想兩年後上車、求投資部署｜龔成教室
理財個案｜讀者來信：趕結婚買恒大220呎細單位
龔Sir你好。想問下，我本身資金不多，但因趕住結婚買樓，就想以資產追資產既概念，先買細樓再轉大樓。咁就買咗納米樓（內房風眼發展商「恒大」旗下的樓盤）220尺左右。
納米樓將成絕唱睇升定跌？
有見政府公佈，未來禁止興建280尺以下的單位，那我上手既單位就會成絕唱，應該睇升定睇跌？
以5-10年為目標來說，要細樓轉大樓應如何部署？謝謝
理財個案｜想買比亞迪乜價位先合理？美股Tesla、蘋果邊隻好？龔成教室
龔成老師分析︰納米樓投資價值較弱
我會覺得納米樓，投資價值依然都係較弱。雖然中短期，有機會因此而被搶高。但當樓市調整時，納米樓這類生活環境較狹小的單位，會跌得較大。
而且，由於單位太細，長線可對應的市場也較少。只適合單人，最多2人的置業者，故市場需求會較300呎以上單位為弱。
應盡快累積資產 換走細樓
不過，你都買咗就無法子。現時可以做，就係盡快累積資產，去換走這個細樓，變成你心目中的大樓。策略上，你可以投資「平穏增長股」和「潛力股」。你用每月5成儲蓄去做月供，其餘先儲起，用一邊月供一邊儲蓄的策略。
潛力股比重視乎投資知識多寡
如果你現時無太多投資經驗和知識，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。若你有一定投資知識﹐潛力股比重可以相應調高，佔組合約3-5成，視乎你投資知識多寡和了解這些股票程度而定。
大市現較大回調就加大力度掃貨
餘下的另一半現金，我地就等機會，當大市出現較大回調，就加大力度掃貨，然後作長線投資。我假設投資回報有10%（連股息再投資），你每月投資$10000，5和10年後大約會分別增值至73和190萬。你可以以此作參考，去制定你的投資計劃。
決定換樓前半至1年前慢慢沽貨套現
到你決定換樓前半至1年，你就要開始慢慢沽貨套現，唔好到用先一次過沽，因為無人知當時個大市水平。因此，你要慢慢沽，去平衡價格波動的風險。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
