【理財個案】讀者來信表示，自己未經歷過股災，每次見手持股票不斷跌都好擔心，怕影響投資策略！想知如何戰勝恐懼，把握機會博翻身？
理財個案｜手上港股跌幅大！繼續守vs離場轉投其他股票投資市場｜龔成教室
理財個案｜讀者來信：股票不斷跌 如何戰勝恐懼？
成哥，可否分享一下你當年有冇如何戰勝恐懼？你講過2008年大跌市，2016年股災，當時都令你當時身家大縮水，但之後反而身家大增，點做到？你見住自己股票價不斷跌，點可以克服？當時驚唔驚？點解可以把握到機會令升你之後身家大增？
擔心遇上股災 影響投資策略
我持有的股票應該是有質素的，但每次見到股價跌都會不安，我好擔心如果股災，心理上到時可能會亂咗策略。我未經歷過股災，唔知到時應該點面對，或點樣避開？
理財個案｜讀者考慮月供股票：指數基金vs恒基地產！揀邊隻好？龔成教室
個案重點：
- 未經歷過股災
- 2008及2016年股災
重點目標：
- 如何戰勝股災時的恐懼
- 股災時的財富配置
- 如何把握機會翻身
龔成老師分析：
經驗是其中一個重要元素，過往20年，經驗多次大市上上落落，身上大升與大跌，就會學懂訓練，平常心面對股市上落。第一要明白，大市恐慌期，持股的股價雖然會跌，身家看似減少左，但在長期來說，這是難得的機會，所以野都要從長遠角度分析。
另外，買股票就是買企業，只要企業有質素，完全唔需要理中短期的股票，當你愈有企業方面的知識，愈了解該企業的業務情況，這更平常心面對中短期不利情況。
個個都想要沙士價
原理就如同買樓，個個都想要沙士價，到近期新沙士，好多人就驚，2001年買樓，會跌到2003年，心理壓力好大，但而家睇翻，就賺到幾倍。永遠都係，係最差的經濟與市況，就是長期入貨機會，但我哋唔會知幾時先係最底，現時如同2001年？還是2003年？無人知。
著重長遠的「企業價值」
我又覺一例，我投資比亞迪（1211.HK）已有12年，買入後股價上到$88，之後又跌翻去$12，你可以想象，這股是我最大持股，這股跌了近9成！身家當然大縮水，但你要記住，我哋不是睇當刻的「股價」，而是著重長遠的「企業價值」，當時我就是從長遠價值，去平常心面對股價。
面對股價：
- 第一，要平常心對待當前股價，
- 第二，要分析企業的長遠價值，
- 第三，如果企業質素無變，這是入貨機會。
- 第四，你任何時間都要有基本現金，無人知股災幾時出現，有現金就可以在股災買平貨。
建立一個長期的「財富組合」
我哋唔需要驚股災，反而應好好利用機會。我哋最重要是建立一個長期的「財富組合」，要優質，要平衡，要適合你的年齡與風險承受程度。建立後長期持有，不是買賣賺差價，而是成為你財富組合一部分。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
