【理財個案】42歲夫婦未有小朋友，與老爺奶奶同住九龍一居屋單位，正好樓上隔幾層同一單位現正放售，想搬出又怕加息樓價跌，想問670萬居屋是否不值？
理財個案｜30歲得10萬儲蓄！明年6月離港前想靠投資增值至60萬｜龔成教室
理財個案｜讀者來信：42歲夫婦與老爺奶奶同住居屋
Hi Sir, 我上年六月上過你既堂。我有個難題，唔知點好。本人現跟老爺奶奶住九龍一居屋單位，正好樓上隔幾層同一單位現正放售，差不多要670萬，實用五百二十幾尺。
手持約100萬股票 每月只可儲三萬
我真係好想搬出去住，我同先生都四十二歲了，沒有小朋友，但希望一年內有小朋友，我同先生入息加埋有七萬蚊，但兩邊家庭也要比家用及加埋使費，每月只可儲三萬，如果買樓最多可以比兩成，之後每月供兩萬多D，但手頭仲有100萬左右股票。其實670萬居屋是否不值？
想買樓搬出怕加息樓價跌
買咁近係想方便照應，如果有小朋友又可以比老爺奶奶照顧。但而家又好驚樓價係美國加息後會跌，其實買樓自住是否不怕？麻煩你可否給我意見，謝謝
龔成老師分析︰自住屋的投資角度是其次
雖然居屋投資價值，比私樓為低。但由於佢售價跟市場價相比﹐係有折扣。你考慮時，應從長線角度去考慮，邊個方法先至可以令我地，有較多現金流空出來，作投資增值。而且，這間係你自住屋，投資角度其實係其次。最重要，係佢適唔適合你長線生活，講緊係未來10年，甚至係20年。
理財個案｜23歲做兼職半工讀！無家庭負擔想用10萬積蓄投資收息｜龔成教室
長線只要「供得起」是值得考慮
另外，你要確認自已有能力，長線都可以「供得起」，咁就算佢中間大升大跌，對你都無實際關係。因此，這是值得考慮的。香港樓市，中短期會有少少上落（但不會大跌），長遠會向上。首先要睇經濟基本面，如果經濟持續地差，失業率上升，樓市終會向下，這會對樓市有中期性的影響。
樓市在長遠因供求關係 仍是向上多
不過，就算跌，都不會大跌，最多只是小跌，如果經濟差的情況不是太大，甚至不跌，這是由於背後的需求大。在長遠計，我仍相信樓市在長遠計，因供求關係，仍是向上多。
樓市始終需求大，我見唔少適婚年齡的朋友，都正等機會買樓，但未買樓，這些是「潛在需求」，過往每年不斷累積，只要樓市跌少少，就會有需求走出來，這令樓市不能大跌。
理財個案｜34歲持一隻蝕本股多年想全沽！求港股美股最新投資策略｜龔成教室
樓市另一作用是「投資」
另外，樓市另一作用是「投資」，現時的租金無大跌情況，以投資回報率的角度分析，樓價都不會大跌，因此樓市平穩。當然，政府及中央現時有較大決心處理好樓市問題，我相信會令之後的供應增加（不是中短期，要長期才慢慢見到），因此，樓市不會大升，但相信都較難大跌（始終需求大）。
長遠樓價平穩
長遠計，樓價會平穩，有少少向上，但不是倍升，不會好似過往般倍升，而是平穩向上。因此，香港樓作為自住的價值仍在，長遠樓價平穩及有少少向上。但投資價值，就只是一般，未見好吸引的水平。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
