【理財個案】80後媽媽月入2萬元，收入穩定，但每月要俾家用7千元、月供煤氣4千元、月儲3千元，手持股值約12萬煤氣，想沽出換馬，求教龔成老師意見。
理財個案｜讀者問龔成是否仍持有小米？為何仍睇好小米前景？｜龔成教室
理財個案｜讀者來信：80後媽媽月供煤氣 有12萬貨想沽出換馬
龔成老師。你好我係80後媽媽，有穩定收入！大約$2萬，但要比家用$7,000，自己月供緊003 $4,000。在每月儲$3,000。咁我想問吓我宜家手頭上隻003大概有股值$120,000。咁如果我想宜家將手頭上一部份003賣出，再買或月供以下幾隻股票合唔合適呢？
因為自己想儲錢比個小朋友讀書，但自己一有錢就好快用咗。所以要迫自己找方法儲多啲錢！
龔成老師分析︰偏重煤氣 有過度集中性風險
你現時無論月供和持股，都偏晒係煤氣（0003.HK）身上，有點危險。記住，個別企業和行業，不要佔組合15%和30%以上，銀行業更加不要高於組合20%，否則會有過度集中性風險。（盈富由於係一籃子組合，故不受此限。）在創建組合初期，組合金額較少，出現超標都係可以接受。但長線你要參照這指標，去維持組合的平衡性，才算理想。
理財個案｜驚聯儲局加息影響股票回報！減持美股＋調整港股組合｜龔成教室
可沽部份煤氣 換有增長力優質股
你可以沽出部份煤氣（0003.HK），買入其他有增長力的優質股。你所選的幾隻股票，都有質素。但港燈（2638.HK）和電能（0006.HK）只係收息股，增長力不高。以你年紀計，未必太適合。
而月供方面，可以維持月供$4,000，儲$3,000的策略。但暫時唔好再供煤氣，等個比重降翻低，才重新考慮。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
