理財個案】讀者驚美國聯儲局準備收水及短時間內加息會影響股票回報,所以近排減持美股,同時見港股有優質股高位回落便入手,想知如何調整組合較好?

理財個案|股票外、倫敦金是否有長線投資價值?求教睇法+忠告|龔成教室

理財個案|讀者來信:驚聯儲局加息影響股票回報

龔sir,我有啲問題想問:最近我見美國聯儲局準備收水同埋我見通脹黎緊都幾勁下有機會變滯脹,我預期佢會黎緊會短時間內加息,雖然聯儲局話今年唔會加息,所以我都近排減咗唔少美股嘅貨,只有持有極少量。另外我見港股有啲優質股係高位回咗唔少就入咗少少。

減持美股、是否需調整港股組合?

我想問如果全球央行都行加息週期,咁股票回報率咪會減少?黃金會唔會比股票係較佳投資選擇?另外,龔sir你覺得美股最少調整到咩位先算合理? 咁我依家嘅組合需唔需要再調整?我始終覺得美股依個位都幾貴下。

龔成老師分析︰息口上升 要進行調整

美國幾時會加息,真係無人知。但我相信低水平息率,唔會永遠維持,的確係有加息風險。若美國加息,企業融資成本就會上升,或令盈利能力受損。我哋做估值時,都會因為息口上升,要進行調整。當然,我哋投資分析,唔好只係睇加息一個動作,就去作判斷。同時,你了解佢加息背後原因和經濟狀況,若果係經濟向好,令佢有加息條件,當然正面。

美股最好用月供模式去儲貨

但相反,係因為要壓抑通漲,被迫加息就另作別論。至於黃金,無任何現金流產出,我哋持有係純粹沖黑天鵝事件。故不建議持有太多,大約佔組合3%好了,而且最好係實金。美股由於有不少新型科技公司,佢哋都好波動,好難而一刻去話,跌幾多美股才算合理。但整體而言,現價在合理區頂至略貴水平,你最好用月供模式去儲貨,去平衡價格波動風險。

理財個案|信朋友用港幣100萬高位買美股nvax!賬面跌4成點算|龔成教室

美股Sea Ltd(SE)有潛力

以你30歲年紀,你現有美股係可以。但留意Sea Ltd(SE)係有潛力的。佢係一家消費互聯網公司,佢開發了一個包含數字娛樂、電子商務和數字金融服務的集成平台,呢間公司經營Garena、Shopee、SeaMoney三項業務。佢的數字娛樂業務Garena係一個全球遊戲開發商和發行商,業務遍及東南亞、台灣和拉丁美洲。

現時估值唔平 不建議大注投資

Garena提供移動端和電腦端線上遊戲。Shopee為用戶提供了一個由集成付款、物流、配送和其他增值服務支持的購物環境。SeaMoney是一個數字金融服務提供商。SeaMoney提供電子錢包服務、付款處理、與信用有關的數字金融產品以及其他金融產品。佢收入正高速增長,不過此刻未有盈利,加上現時估值唔平,要小心當中的風險。這股有潛力的,但並不建議大注投資。

理財個案|40歲每月用6千元買港股美股、現金得1萬求投資建議|龔成教室

中國交通建設不宜持有太多

至於港股,小米(1810.HK)和中生(1177.HK)係可以。中國交通建設(1800.HK)質素不是好強,不宜持有太多。另外,你而家組合太偏重係潛力股,佢哋雖然有增長潛力,同時風險都較高,不宜持有過多。你算年青,潛力股可佔約5成,餘下應用以下平穏增長股。若你投資經驗較淺,潛力股比重,要再調至3成以下。到你學到一定投資知識,才慢慢調高。

未來時間,你就要加大翻平穏增長股部份,令組合更平衡。

按此免費訂閱《香港財經時報》HKBT 新聞快訊

作者簡介:龔成(龔成Facebook專頁)是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。