【理財個案】38歲讀者收入不穩，有60萬積蓄，住家人物業，每月支出約1萬元。9月初盡沽股票，現想再開始用2萬元月供股票，望長線投資為8歲兒子將來打算。
理財個案｜股票外、倫敦金是否有長線投資價值？求教睇法＋忠告｜龔成教室
理財個案｜讀者來信：38歲收入不穩有60萬積蓄
首先多謝龔老師之前百忙之中抽時間幫我詳細分析，唔記得同你講下我嘅background。小弟今年已經38歲，積蓄大概港幣60萬左右，工作收入唔穩定，一個兒子八歲，屋企人有物業，新界啲屋，我就住樓上，阿爸阿媽住樓下。基本上冇乜特別大開支，係保險入油各樣雜項大概一個月$10,000左右。
9月初盡沽股票現想再月供
九月頭已將所有股票沽出，現想開始月供股票$20,000，主要為小朋友將來打算，所以一直強調可以長線投資。父母本身已經有計劃佢地未來。我基本上為我兒子打算就可以了。兩年前一直月供$5,000跟住加到$8,000再加到$15000，到今年6月$20,000。但今年9月覺得好似好多危機，所以就果斷沽出所有股票。
理財個案｜信朋友用港幣100萬高位買美股nvax！賬面跌4成點算｜龔成教室
現階段尚可接受高風險
現在想重新部署月供$20,000，我現階段尚可接受高風險，可能去到50至55歲就將投資轉為保守型。要睇當期時情況而定。
小弟斗膽，想請教下龔老師，應該點樣處理個投資組合。
龔成老師分析︰初期投資較有潛力股票
其實，當我哋進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。
理財個案｜40歲每月用6千元買港股美股、現金得1萬求投資建議｜龔成教室
38歲應著重資產增值
以你38歲年紀計，係應著重資產增值的階段，所以你之前想月供的股票，都係合適。月供計劃，就跟我之前建議的就可以。你所選的舜宇光學（2382.HK), 中生製藥（1177.HK）, 小米（1810.HK）係可以，但比亞迪（1211.HK）偏貴，你可以用GX中國電車（2845.HK）暫時代替。
風險度較高股票最多組合4成
但這幾隻都係潛力股，係風險度較高的股票，最多佔你組合4成好了。其餘應為平穏增長股，龍源（0916.HK）和煤氣（0003.HK）算係平穏增長類，另外都可以考慮以下平穏增長股，將佢地加入其中。到你累積到一定財富，你就可以慢慢換成收息資產，去創造穏定現金流，支付退休或財務自由後生活。
月供最少維持3年 並持有股票5年以上
最後，你要緊記月供係一個長線計劃，月供最少維持3年，並持有這些股票5年以上，才會有較理想效果。除非你有一定投資經驗，對估值、判定大市平貴十分有信心，否則你唔好自行定供，甚至中途沽貨。因為無人知往後大市，會否如你所想，係一直跌。如果佢倒升，你就要用更高成本去儲翻原本架貨，係得不償失。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
