【網民熱話】新常態下,本地外傭渴市,本港傭主難請外地姐姐,有雙職父母一家四口的印傭應承5,000元續約!惟兩日後卻反口再開價6,000元,無奈啞忍硬食。

外傭檢疫|青衣華逸酒店650元1晚都搶爆!已冇連續21日房可預訂

本地外傭薪金被搶高

政府現行規定,菲律賓及印尼等地區來港的外傭需到指定外傭檢疫酒店作21天的隔離檢疫,但由於酒店房間有限、極難預訂,故不少香港傭主都偏向聘用早已在港的本地外傭或繼續與本來已聘用開的外傭續約,引致外傭薪金被搶高!有港媽近日就在討論區「親子王國」中分享與外傭續約並被開天殺價的經歷,引起網民熱烈討論。

港媽興外傭續約被反口再開天殺價

港媽在討論區中開帖表示,家有一個印傭姐姐,於2年前疫情剛開始到港,轉眼到2022年年初已做夠兩年。樓主亦有提及其家庭背景:

  • 一家四口
  • 父母雙職
  • 小朋友7歲返學+補習

外傭人工搶高至5,500元!政府禁飛防疫、工人姐姐求過於供月薪叫價增

港媽:工人姐姐工作量不高 有獨立房間

港媽樓主表示,其印尼工人姐姐其實長期的工作量都不高,她亦只要求工人姐姐洗衫,基本清潔、煮兩餐,餸菜也由樓主自己買。而她亦有安排工人姐姐有獨立房間。樓主表示知悉現時市況下難請新姐姐,故她已提早個多月,向姐姐查問是否願意續約。樓主亦主動將薪金調高至5,000元。

印傭應承續約再反口 加人工再要求不可加工作量

樓主指,其外傭姐姐原本已經答應續約,但近日卻反口表示,已在外面「揾到新老闆,agent有工介紹俾佢」。樓主即問工人:「agent嘅工幾錢?」工人回應:「$5,200至$5,500」 樓主即說:「好了1口價$6,000,唔好再講了。」不過,事情原來尚未完結,港媽樓主表示事隔2日後,印傭再要求加了人工後,要保證規則和工作量不可變。

港媽自問對外傭不薄

樓主聽後「好嬲」,她認為自己與外傭已相處了2年,雖然工人姐姐都工作表現一般,如「每兩月用花我一隻煎pan,仲未計多鹽多油餐(叫極都放勁多),仲有,我每月都買m巾,洗頭水俾佢(佢指定用dove),佢家鄉要口罩搓手液叫我買,我都話當我送俾佢。成日都零零碎碎咁買完當送俾佢,都係希望開開心心。」

樓主續指,她也曾試過向多間外傭中介查詢,但多間Agent都表示要5,800元起,再指她有兩個小朋友,很多都「唔做」!加上還未未計及如重新聘請外傭要再傳上約15,000的Agent Fee,深感:「香港嘅小市民好慘,做埋都唔夠開支!」

網民:撳住嚟搶feel

此帖一出,即引來大量網民加入討論,大部分網民均表示同情:

  • 「有2個需要照顧嘅小朋友,真係肉隨針板上 」
  • 「D工人真係越來越猖狂」
  • 「撳住黎搶feel」
  • 「其實加薪幅度都唔少。佢要求乜都同之前唔變,真係惡。」

「打工一向都係講金唔講心」

有網民則認為工人姐組打工為搵錢無問題:「打工一向都係講金唔講心,換轉你揾到份工有更高人工,你會唔轉?」也有網民建議樓主可繼續「用住先,但搵到新就同佢bye bye。」網民認為:「7歲小朋友已經唔駛點貼心照顧,只係幫佢哋煮野食,洗燙同清潔。呢啲無論小朋友係7歲定17歲都要做。最多咪接送放學囉。話唔定你工人都係騎牛搵馬,你都要有定準備好。」

按此訂閱《香港財經時報》HKBT 新聞快訊