理財個案】讀者手持3隻股票,包括比亞迪、友邦華潤啤酒,他表示前兩日仍有入市,持重貨後,現在才擔心恒指會否再跌...

理財個案|43歲澳門人被遣散前搵賺5-8萬元、轉做保險變收入不穩!想重配資產|龔成教室

理財個案|讀者來信:入市持重貨後擔心恒指再跌

龔sir,請問點睇?

恒指係咪會再跌,現手持重貨,前兩日都入市,而加有點擔心。

龔成老師分析︰現時大市在合理區較低位

中短期個大市會點走,無人知,因為好多不同因素可以影響到。但我地投資,係唔應該去嘗試估個走勢。而係用企業質素和平貴度,去做投資決定。現時大市在合理區較低位,你手上現金比例預大約3至5成。如果你本身現金已經少過這個水平,暫時就不要再入貨。

理財個案|持貨多年的籃籌股全坐艇!大部份股價跌一半應點做?|龔成教室

中短期一定會好波動

至於你手上持股,都係有質素。你預中短期一定會好波動,但這些股票都係有質素,你係可以長線持有。但比亞迪(1211.HK)現價係貴,暫時不宜入市。等回到$200以下,才可以月供。若要直接買貨,要再回調更多,才可以進行。友邦(1299.HK)現價算合理區,華潤啤酒(0291.HK)都依然有少少貴,若你已經重貨,就暫時不要加注。

投資組合一定要平衡配置

另外,我地成個投資組合,一定要做到平衡配置,唔可以個別持股,過份重貨。你要堅守個別企業和行業,不要佔組合15%和30%以上,銀行業更加不要高於組合20%,否則會有過度集中性風險。在創建組合初期,組合金額較少,出現超標都係可以接受。但長線你要參照這指標,去維持組合的平衡性,才算理想。

建議沽出部分股票 換其他優質股

若你現時成個組合,好偏重這3隻股票,建議你沽少少,換至其他優質股,去平衡風險。如果你唔想沽,你就用新資金,慢慢將個比重拉翻平衡,都係可以。

作者簡介:龔成(龔成Facebook專頁)是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。