【理財個案】39歲讀者持40萬股票，早前短炒小米、銀娛已止賺沽貨，但有一隻股價勁蝕8成，仲未走得切，現時持有的現金想加碼投資收息股，想知有乜股票推介？

理財個案｜讀者抽中先瑞達醫療後股價勁插水！SH定果斷蝕走？｜龔成教室

理財個案｜讀者來信：短炒小米銀娛已沽！求長線收息股推介

好的，中國有贊（8083.HK）好彩我只入左8千股@3.2，但已冇左就8成，佢一直向下，近日上返$1。另外，我想請問阿sir一些長線投資的問題。我今年39歲，每個月約可以儲1-2萬。除了有約40萬的股票外（1810.HK 及 0027.HK 已短炒止賺，目前得返7隻），其他都是活期儲蓄。我想買一些可以收息的股票，可以怎樣做？

現時係咪都先持有現金，待恒指約23,000點才入貨？謝謝

龔成老師分析︰小米係優質股 唔應該沽

你先要明白一個重點，我地投資股票，其實等同投資一間企業。希望透過其自然增長，以達至財富增值的目的。所以，我地投資一定係長線，而唔係短期炒賣，去賺差價。小米（1810.HK）係優質股，你唔應該沽。除非佢地去到異常地貴，或者長線質素出左問題。否則你一直持有，才是最好的增值方法。

理財個案｜34歲地盤工月搵33K、俾18K太太家用！餘錢想學投資增值｜龔成教室

初期投資較有潛力股票

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

40歲應以增值為主

以你現時40歲去計，應以增值為主，而唔係去儲收息股。中國有贊（8083.HK）佢不是無潛力，但風險較高，若你只係小注，都可以守。太大注，就要沽少少去平衡風險。未來投資策略上，你可以投資「平穏增長股」和「潛力股」。你每月5成儲蓄，即是用$5000-10000做月供。其餘先儲起，用一邊月供一邊儲蓄的策略。

潛力股風險較高最多維持2-3成

如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。若你有一定投資經驗﹐潛力股比重可以相應調高，佔組合約3-5成，視乎你投資知識多寡和了解這些股票程度而定。現時大市只係合理水平，餘下的另一半現金，我地就等機會，當大市出現較大回調，就加大力度掃貨，然後作長線投資。

作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。

免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。