讀者來信：Anthony Sir你好！最近在朋友介紹下睇你們的Live同Youtube片，發覺你們講的觀點，揀的樓，跟一般媒體、一般人有好大分別，好似舊年，疫情、移民、撤資，個個話跌，你哋就去買，又俾你哋講中喎，點解一般人睇唔到的，你哋會睇到呢？
回覆讀者來信：一般人睇樓買樓用「眼力」
一般人睇樓買樓，是用「眼力」去睇去買！意思是將注意力集中在，肉眼見得到，已經有的一切事與物！這篇文章的內容，我們有拍Youtube做更詳細解說。唔明可以再去睇睇，一般媒體、介紹樓盤的KOL，都會用這個角度去睇…
自住從用家角度分析
情況就好似，你將要搬進去住，通常你會留意…交通是否方便？近地鐵站嗎？生活配套是否方便？有沒有商場？街市？單位有沒有裝修？漏水？間格是否好用？景觀望如何？價錢方面，最緊張的是銀行是否估到價？…總之就是從用家角度分析！
對的！以上種種因素，都會影響一個單位的價值，尤其自住。
施政報告2021｜民建聯倡新居屋計劃預售新界北居屋！白表優先＋免首置印花稅
從投資、賺錢角度分析
然而從投資、賺錢的角度來看，非常不足！ 你只睇現在的價值！將來的價值呢？…你可以買到現在相對較抵買的樓，但升唔升呢？睇唔到！所謂後知後覺，慢幾拍！錯過很多爆升機會！投資者睇樓買樓，是用「眼光」去睇去買！
意思就是，可以睇到將來的事與物，一般人未睇到的機會！
近年重點出擊將軍澳日出康城
舉例，近年我們其中一個重點出擊的地方日出康城…有睇我們Live的朋友，或者我們的學員，都親眼見證，回帶看看，我們由2019年中Montara、Marini開售時開始掃貨，至今學員已掃入近百伙，當時呢價只是1.3萬、1.4萬，現在已經破2萬了！個個學員都賺大錢！…然而這幾年，卻不斷有網友惡言批評，說我們害死人，為甚麼呢？因為他們只睇到眼前！
買樓投資｜供滿樓冇獎！聯名自住樓供完後首要做的是「甩名」？｜第一桶金
個個學員都賺大錢
- 例如…得兩間超市，想食碗麵都冇，生活配套好差！
- 例如…幾個字先有一班地鐵，巴士線又少，交通好唔方便！
- 甚至有好多人話…好臭喎，沙塵滾滾喎！
種種負面因素其實早有答案
如果你只用眼力睇樓，幾年前確實如此，結論自然是…買唔過！ 現在睇番轉頭，睇住人賺大錢，結果自然是…後悔！種種負面因素其實早有答案，大型商場、跨灣大橋、地鐵加班，已經有晒時間表，我們買入的時間，正正是預計到三年SSD後，上述負面因素都已改善，睇到人未睇到的事與物。
新界屋苑樓價呎價貴過市區樓！為何現代人買樓不重視Location？｜第一桶金
用眼光買樓 早着先機快幾拍
又例如近日屯馬線通車，很多人問土瓜灣有冇介紹，好明顯！用眼力買樓的一般人，而家先問！用眼光買樓的投資者，早在十年八年前已經買了，走了幾轉了！早着先機，快幾拍！
除了眼力與眼光 更具備「眼界」
更高層次的投資者，除了眼力與眼光，更具備「眼界」！除了睇到現在的事與物、睇到將來的升值潛力，他們還睇到很多別人睇唔到的可能性，當別人遇到困難放棄的時候，他們不斷突破困難，不斷進步！例如近年辣招多多，無數小投資者慨嘆…冇晒人外啦！冇晒借貸額啦！然後就放棄！
辣招針對香港住宅 就搶攻大陸樓
然而高層次的投資者，總會想到很多方法突破，例如辣招針對的是香港住宅，筆者與學員們早在七、八年前開始就破解了，非香港就得，我們搶攻大陸樓，很多都已經倍翻！又或者，非住宅就得，我們由活化工廈開始，到近年收購重建！正當很多人仍然在抱怨的時候，專業投資者已經高速飛馳了，這就是眼界。
擁有眼力、眼光、眼界，投資就能無往而不利了。
作者簡介：1% Anthony（ 第一桶金）、一巴仙（1%）投資培訓學院創辦人，TVB有樓萬事足、BenSir睇樓團II等顧問，多年來協助無數年青人成功上車，無數小業主倍增資產，財務自由！除了住宅，亦活躍於大陸樓、工商廈活化重建等，團隊是市場上最活躍的新晉發展商之一。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
