理財個案】讀者畢業後創業最終失敗,做過跟車保安多份散工。現年30歲,長期炒散太勞動頂唔順、申請公屋又等的太耐,自覺人生無意義,想知可以點搵錢?

理財個案|資金少、分散投資賺更少?股票組合要堅守「15%及30%」的投資準則|龔成教室

理財個案|讀者來信:畢業後創業失敗!30歲無工作經驗長期炒散

你好,而家我覺得人生好迷失,我畢業就出黎創業,到28歲結束所有生意,跟住做過跟車保安好多吾同散工,為左救交租,為左生活,當中落差,我覺得好難受。人生好似已經無意義,過往創業無打工和工作經驗,都吾知點樣靠打工搵到錢。

所有股票都賣曬 應該點賺錢?

原本選讀咗建造業課程,但身體腰骨天生唔好,長期太勞動又頂唔順,啱啱申請咗公屋,不過單人申請要好長時間,當初因為做生意不利,所有股票都賣曬,我應該點做? 

  1. 學一種外語,裝備自己,去外地發展
  2. 返澳門安穩打份工,夜晚去澳門隊訓練,打波係我鍾意既運動,不過就無錢途,不過人會較開心和輕鬆
  3. 繼續留係香港,可能試下搵政府工安穩工作。

因為就30歲,都唔知可以點做。同埋想請教下創業,點先做得好,咩方向先最適合?不是是否再創業?

理財個案|40歲已婚公務員、深水埗有樓收租!得220呎想賣樓套現|龔成教室

個案重點:

  • 30歲
  • 試過創業又結束
  • 無乜工做上的經驗

重點目標:

  • 想突破
  • 不知打工還是再創業
  • 想裝備自己,或去外地發展

理財個案|先父留下30隻劣質股值50萬!孝子想換收息股給媽媽養老|龔成教室

龔成老師分析:你比人擁有的優勢

我反而睇到,你比人擁有的優勢。你試過創業,反映你有一定的生意經驗,要成功一盤成功的大生意,一般都要經歷幾次生意失敗,你已經行在相關的路道上,之後睇你的心態。你已經得到比同年人更多的生意經驗,之後就睇你有無本事用出來。

想一些不止是香港的生意

另外,你提到會「返澳門」或「留香港」,即是你是一個兩邊地區都有住過,有聯繫的人,你可以從這些方向去尋找生意機會。同時,你提到「去外地發展」,反映你的心態是能夠向外發展,你的視野並不是窄的,你要好好想一些不止是香港的生意。我想信以你內在的潛力,並不是跟車保安同散工,試試想得更闊。

做生意有失敗好正常

如果你認為28歲結束所有生意,就等如你無生意能力,你就錯,因為做生意有失敗是好正常的,你唔好因為咁樣就否定自己。做生意,唔單止只做「自己識的」,而是要做「市場要的」。最初,可以利用自己熟識的行業去發展,因為會較易,而我相信每個行業都有當中的優勢與機遇,你要學會好好把握。

把握時間發展網上業務

同時,當你在發展過程中,如果見到有一些機遇出來,無謂是你行業或不是,你就要有把握的能力。認識一些朋友,最初只是做裝修,但之後見到網上機會,把握時間發展網上業務,取得不少市場,這就是本行與機遇的結合。

做生意要「試」要「行動」

其實,做生意的其中一個要點,就是「試」,要「行動」,好多時要試先學到野,要試先找到市場,而大部分人,只是「不斷想不斷計劃」,最後就「乜都唔做」。你加油啦!

作者簡介:龔成(龔成Facebook專頁)是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。