理財個案】讀者疑問夠錢直接買一手港鐵!為何要長期月供股票?是否只是因為平均成本法這個原因,只是平衡番個買入價?如keep住月供十年會hold好多貨!

理財個案|想搵長線收息股投資!再趁阿里巴巴股價插水博唔博?|龔成教室

理財個案|讀者來信:夠錢直接買一手地鐵

老師,其實點解要用月供方式,例如港鉄0066一首2萬蚊,假設月供5,000蚊,要供4個月才買到一手,但如我用2萬蚊可直接入一手,係咪只係因為平均成本法這個原因,只是平衡番個買入價?

長期Keep月供股票會hold住好多貨

而你建議用平穩增長股去增值,是否因為你分析港鉄係有增長力,長揸多年後,這隻股價會升,而令財富增值?因為如果keep住月供十年,會hold住好多貨,要假設佢股價升,先可令財富增加。

投資股票、投資物業要長期獲利需靠3大元素!絕對不能靠運氣|龔成教室

現時持有股票︰

用邊間銀行開股票戶口比較好?

是否應該放咗佢,用來投資其他股?如月供股票,或開股票戶口,你建議用邊間銀行比較好?我儲蓄用hsbc,所以順便在hsbc買股票。巴菲特同你嘅書,首選你建議睇邊本較適合。謝謝您!

港股分析|長建派息廿多年來保持上升!股價平穩增長、收息理想|龔成教室

龔成老師分析︰平均價值買入法減風險

無錯,月供目的係希望透過平均價值買入法,去減低你買貴貨風險。這個方法,比較適合不懂估值的初學者。若你對估值定平貴有足夠經驗,直接買係可以。港鐵(0066.HK)有質素,可長線投資。佢是全港唯一的鐵路營運商,加上政府會比佢地產方面的優勢。長遠正面。

港鐵有質素 可長線投資

佢2020年出現虧損,主要係由於物業重估所造成,這只是一個會計上數字。扣除這部份影響﹐其實佢今年都係有盈利。雖然近年有不利因素,影響了中短期盈利,雖然會扣分,但最核心的本質不變。睇返資料,港鐵過往正常年份,一年可以賺$160億,就算扣除物業重估,都有過百億,當中包括了鐵路經營部分,以及物業的發展、物業的租金收入。基本上,每年都過百億的。

物業發展 長線正面

物業發展部分,長線正面,收租部分,無問題。因此,長遠發展仍是正面的,會有一定增長力。這股可長線投資。現價大約在合理區中上部。而你現時持有股票,都係有質素。我哋唔好成個組合,只集中係3、4隻股票身上。最重要是建立一個長期的「財富組合」,要優質,要平衡,要適合你的年齡與風險承受程度,新舊經濟各類股都要有。

同一行業不能高於組合30%

同一行業不能高於組合30%,同一股不能高於組合15%。要平衡,建立後長期持有,不是買賣賺差價,而是成為你財富組合一部分。你現時持股,最大問題係集中晒係銀行業。你可以沽少少,換至其他優質股。如果唔想沽,就用新資金去慢慢平衡翻個比重。至於用邊間銀行,無特別建議。除了收費,你可以睇翻邊間較方便你,咁就可以。

作者簡介:作者龔成是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。