【理財個案】全職媽媽家庭主婦近日跳出Comfort Zone，找到一份喜愛Part-time，唔知醒返兼職，公司找替工即日頂上，因冇工返加上趁跌市買入騰訊，咁樣投資有冇錯？
理財個案｜35歲夫婦擁200萬股匯現金＋未供斷物業｜目標5年變1200萬！龔成：係可行的｜龔成教室
理財個案｜讀者來信：港股跌市 投資組合蝕10%
Hello 龔 Sir，幾個月前開始接觸你，另外，我先生買咗幾本你嘅書，我睇咗你其中一本書，其實我二十多年對投資都有少少心得，只係較少接觸新經濟股…. Anyway，依排個市跌，股票跌了10%，咁多年股市上上落落我都無乜所謂….
冇工返趁跌市買騰訊發洩
其實我想講返重點，因為做全職媽咪，我十幾年無返工，但我睇了你嘅書後，決定跳出 comfort zone，揾咗一份我很愛的 part-time，返咗幾個月，我真係覺得好有意義又表現幾好….但係，我今日竟然唔知醒，今日公司叫咗第二個人頂上一日，我真係喊足成日….衝動下買了（0700.HK） 發洩…今日的故事講完，想同你分享，希望下星期我繼續有工返
騰訊回購＋恒指權重增至8%｜中國巴菲特段永平再增持下新部署｜700最新目標價一覽
龔成老師分析︰發洩係無問題
如果你有上過我股票班，就會明白，我哋的同學好小心投資的。課堂會派一份6頁紙的「企業評估表」，我會逼佢哋填好6頁紙，先可以進行投資，所以佢哋的投資都好穩健。人生路上，我哋難免會遇到一些令人氣餒的意外。最重要，係我哋有無方法，令自己收拾好心情，重新上路。發洩，其實係無問題，因為係一個情緒抒發，可以幫自己調整好心情。
情緒未控制好 唔好做重大決定
每個人抒發的方法都不同，有人會做運動、有人會去唱K狂叫、有人會去沙灘對住個海沉思...。只要唔好傷害到自己和其他人，咁就無問題。當你情緒，開始可以慢慢回復平靜，我哋就要客觀分析，點去解決當前問題。（記住情緒未控制好，唔好做重大決定。）
理財個案｜電動汽車股具增值潛力！回應揀買比亞迪而不是Tesla的原因｜龔成教室
人生總會遇上不如意的事
其實遲到，我相信好多打工仔都試過，除非你本身係遲到常客，或者本身比人印象係唔盡責。否則一次半次，你誠心道歉，相信問題不大。由於你缺席，公司要找人頂一日，都係正常，因為人哋都要運作。希望你可以明白，人生總會遇上不如意的事，重點係你面對的態度，而唔係件事本身。
騰訊現價算合理區中部
其實，我好欣賞你走出Comfort Zone的勇氣。特別你係一個無做嘢1X年的全職媽媽，就更加難得，你要加油!!!另外，你好衝動咁買入騰訊（0700.HK），現價算合理區中部。雖然近期中央政策，對相關大型企業，有不利影響。但騰訊（0700.HK）係有質素和規模的公司，相信會慢慢適應如何在這些新法規下營運，因此長線投資價值依然存在。
中短期一定會較波動 長線持有無問題
不過，你預佢中短期一定會較波動，但長線持有的話，就無問題。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
