理財個案】讀者月入4萬月儲2.5萬!有50萬本金,近日購入了3隻股票,想逐步提升持股對現金嘅比例,希望2年內資產值滾存200萬,靠這些資金開展小生意。

理財個案|35歲夫婦擁200萬股匯現金+未供斷物業|目標5年變1200萬!龔成:係可行的|龔成教室

理財個案|讀者來信:讀者月入4萬月儲2.5萬、有50萬本

Hello, sir!我follow左你專頁好一段時間,我本身一直都缺乏投資概念,唔懂得投資只係儲錢擺響銀行,最近開始定下一啲目標希望增值同滾存財富。我現時月入約40K,扣除支出家用我保守計可以每月儲到約25K,儲蓄有現金50萬,另外近期入手左3隻港股。

股票代號 數量 買入價
1830.HK 2手 8.5
2196.HK 2手 54.6
9988.HK 2手 206

如何兩年內滾存至200萬?

我想提升自己理財知識,逐步提升持股對現金嘅比例,希望2年內資產值滾存到200萬,想將來有資本去搞一啲小生意。

  1. 想問我組合嘅股票策略可以有哪些地方改進?
  2. 因為我有買左幾年儲蓄保險,但我現時想進取一點同彈性大啲,我嘅經紀向我建議買一啲每月派息嘅美國指數基金,強調本金基本上係冇增值但賺息,呢類產品適合我嗎?

我應該有咩地方要留意?響投資方面真係新手,好多嘢需要學習,謝謝龔成老師,我有買你本書睇,好認同你對財富管理嘅態度,希望學到更多。

理財個案|50歲月入33K、預十年後退休時持股全轉5厘收息股有冇問題|龔成教室

理財個案|50歲師奶失業半年要供樓、老公買微信女股失80萬!點翻身?|龔成教室

龔成老師分析︰潛力股風險較高

1. 我假設投資回報有10%(連股息再投資),你每月投資$25,000 + 50萬儲蓄和持股,2年後大約會增值至140萬。但2年只係一個好短時間,就算再有質素的股票,都有機會出現波動,影響你回報,你要明白這個風險。你現時持有股票,都係有質素和增長力,但佢哋都係潛力股,雖然較有增長潛力,同時風險都較高,不宜持有過多。

平穏增長股和潛力股各佔5成

組合上,可以用平穏增長股和潛力股作配合,各佔5成左右。若你投資經驗較淺,潛力股比重,要再調至3成以下。到你學到一定投資知識,才慢慢調高。現在你每月先用5成儲蓄,即$12,500做月供。其餘先儲起,用一邊月供一邊儲蓄的策略。

理財個案|跌市應將持股全轉公用股 vs 趁低吸納新經濟股?求入市部署|龔成教室

50萬資金可先投入一半

現時大市只是合理區,你現有50萬資金可以先投入一半,用「分注」形式,慢慢買貨。餘下一半和每月所儲倒的資金,就等大市出現一定程度的下跌,才大力度掃貨,然後長線投資。若你要達至200萬目標,你月供就要加大至$50,000,或者將投資年期加長至3-4年,才可以做到。我比較建議加長年期,因為時間較長,最終回報不確定性會較低,成事機會會較大。

「保險」主要用來防守

2. 其實「保險」主要係用來防守,買足夠保障就可以。儲蓄成份架保險,唔係唔可以買。如果你個人風險承受能力好低,或者完全無投資能力,這類保險都有持有價值。但始終係財富增值角度,佢幫助好有限,一般我都就唔建議太多。做財富增值,應集中投資在優質資產(如優質股、物業等),效果才會理想。

而且,你這份基金係以收息為主,我相信唔會有太大增長力。用來做財富增值,就未必適合。

作者簡介:龔成(龔成Facebook專頁)是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。